799 184. Berchta, Gemahlin des Witek von Šwábenic, bestätigt die von ihrem Manne und Sohne dem Zderaser Kloster geschenkten 3 Lahne in Morbes. Dto. in Horlico sive Saldenstein, XII. Kalend. Decembris (20. Novemb.) 1311. Noverint universi praesentis scripti notitiam habituri, quod ego Berchta, soror olim domini Zauisii, conjux domini Witkonis de Swabenicz sive de Hermanicz considerans, quod inter opera pietatis elemosina praecipue peccata minuit, dat gratiam in praesenti et adicit gloriam in futuro in remissionem meorum mihi peccaminum remedium animarum progeni- torum nostrorum, non vi nec dolo inducta, sed libera mea voluntate ac principaliter propter deum, donationem trium laneorum, rubi, prati ac rivi, qui dicitur Bobrawa, areae quoque cum omnibus juribus, pertinentiis, libertatibus, utilitatibus in Morawan villa, quæ dos seu dotalitium esse dinoscitur meum, factam per ipsum dominum Witkonem, conjugem meum et suum filium Johannem praeposito, conventui fratrum eorumque successoribus ecclesiae Sderasiensis per progenitores ipsorum domini Witkonis et Johannis fundatae, prout haec omnia lucide et expresse continentur in instrumento super hiis confecto, eisdem praeposito et fratribus ab ipsis domino Witkone et suo filio Johanne dato sigillis olim venerabilis domini Johannis Olomucensis episcopi ac ipsorum domini Witkonis et Johannis munito, ratam, gratam et firmam habeo et habituram perpetuo me promitto, intendens et volens, ut praedicti fratres de hiis tribus laneis, scilicet uno integro, et duobus de petiis aratoriae terrae inte- gratis semper utantur ac faciant, sicut de aliis suis bonis, quodlibet velle suum. Insuper pro me et eis, si quae mihi successerint reliquae personae, non obstante jure dotalicii praedictis laneo et petiis terræe duos laneos facientibus rubo, prato, rivo et omnibus juribus, utilitatibus ac pertinentiis eorum ac omnis juris canonici civilis consuetudinis, privilegii, statuti, restitutionis in integrum et specialiter juris terrae et cujuslibet juris auxilio ac juris beneficio, quod nobis, scilicet mihi et eis, quae mihi successerint, personis seu haeredibus competit vel in futurum competet in praedictis bonis et contra omnia et singula supradicta vel aliquod praedictorum, seu quodlibet eorundem renuntio in hiis scriptis. Testes horum sunt praedicti domini Witko Johannes ac discreti viri Tworzymir de Luczek, Hawlik de Czbanow et plures alii fide digni. In quorum omnium robur et testimonium ac cautelam perpetuam praepositi et fratrum praedictorum praesens scriptum fieri et sigillis meo et ipsius domini Witkonis jussi muniri. Datum in Horlico sive Saldenstayn anno domini mil- lesimo, trecentesimo, undecimo XII. Kal. Decembris. (Das Orig. auf Pergam. — Von den 2 Sigillen ist das zweite abgerissen in der k. k. Prager Universitätsbibliothek.) 101*