690 982. Johann von Tasow schenkt vor seiner Reise nach Rom dem Saarer Kloster das Dorf Chothloken. Dt. in festo bb. Martyrum Innocentium (28. December) 1349. In nomine domini Amen. Quoniam ea que geruntur in tempore labuntur cum tem- pore, nisi dictis et scriptis perhennentur. Ad noticiam igitur vniuersorum tam presencium quam futurorum volumus deuenire. Quod nos Johan dominus in Tassaw, cum anno Incar- nacionis domini Millesimo Trecentesimo Quadragesimo nono ante annum Jubileum in festo beatorum martyrum Innocencium ad limina beatorum Petri et Pauli apostolorum vellemus peregrinari, nobis eodem tempore existentibus in monasterio fontis sancte Marie in Sar, Ordinis Cistercensis Pragensis diocesis ex bona voluntate et matura deliberacione, ob reme- dium anime nostre ac progenitorum et successorum nostrorum, dedimus ipsi Monasterio iamdicto villam Chothloken wlgariter nuncupatam, cum omnibus bonis suis in villa et extra villam, supra terram et infra terram, agris cultis et incultis, siluis, Rubetis, pratis, pascuis, aquis, piscinis, piscacionibus, venacionibus, vijs secretis et vniuersis vtilitatibus ac prouen- tibus, quibuscumque nominibus censeantur, libere ac pacifice possidendam tali condicione adiecta, quod singulis annis in iam dicto Monasterio Anniuersarium nostrum, nostrique patris domini Thobie et matris nostre Agnetis, ac Anne sororis nostre, sollempniter cum officio diuino ac seruicio in Refectorio peragi debeat, per fratres ipsius Monasterii presentes et futuros in Conuentu, Adicientes eciam, quod si edificia ville prefate per ignem aut aliter quocumque modo destruerentur, ex tunc semper reedificari debetur de lignis in bonis nostris et siluis resecatis et receptis, Insuper adicimus quod eodem die loco et tempore cessimus et cessamus de lite, quam minus debite, errore et ignorancia ducti gessimus pro metis ville Bukaw nuncupate, prout a veridicis et fidedignis salubriter et certitudinaliter sumus informati, easdem metas, per omnia vsque ad eundem terminum et locum, ad quem nos dominus Hynco tunc temporis Abbas in Sar cum certis hominibus ad id vocatis et deputatis duxit, ad pre- dictam villam pertinere, ergo presentibus sepedictas metas contra salutem anime nostre vlterius retinere nolentes, perscriptas villas monasterio libere et pacifice resignamus, nullam quippiam nobis et successoribus nostris proprietatem et Jurisdiccionem in eisdem reseruantes. Volentes igitur prescripta omnia fore in perpetuum stabilia et firma committimus et com- misimus domino Ade de Chonnycz sororio nostro dilecto, vxorique ipsius domine Anne sorori nostre dilecte, nec non liberis eorundem, quibus omnia bona nostra ad tabulas terre posuimus et annotauimus, ne ea quouismodo impediant, sed pocius promoueant, et post obitum nostrum pretacto Monasterio libere mox resignent. In cuius rei euidens testimonium et robur pre- sentes dedimus Sigillo nostro cum sigillis testium subscriptorum roboratas, videlicet domini Henrici de Leuchtenburch, domini Jesconis de Sthermberch, domini Hynconis dicti Krussina eciam de Leuchtenburch, domini Wankonis de Leuchtenburch, domini Yngrami de Pernsteyn, domini Smilonis de Chunstath dicti Zagimacz et domini Henrici de Pernsteyn. Datum Anno die et loco predictis. (Nach dem Orig. auf Pergam. mit VIII. kleinen gut erhaltenen Sigillen im Archive desselben Klosters, im m. st. Landesarchive Lit. A. II. n. 52. Abgedruckt bei Steinbach II. S. 84.)