565 ueluti dominis suis ordinarijs et naturalibus debitam semper exhibuerint reuerentiam et honorem, sicut hoc littere diui Friderici Romanorum Imperatoris Augusti, qui de certa sua scientia in prima ipsarum, Clare Memorie Wladislaum Ducem Boemie Illustrem dum uiueret, Heredes et Successores suos, uirtutis et excellencie ipsius industria, rite poscente, antequam eundem ad Regnum Boemie coronari contingeret, gestando circulo decorauit, ut eodem Insigni circulo adinstar Imperatorum et Regum Romanorum, in Natiuitatis Christi, et Salua- toris nostri, Pasche, et Penthecostes, necnon Beatorum Wenczeslai, et Adalberti Patronorum Boemie festiuitatibus uteretur. Qui tamen circulus, eidem Duci a nemine preterquam a Pra- gensi aut Olomucensi Episcopis uel eorum altero, qui dum alterum ex eis abesse contingeret, uices suppleret amborum, in predictis festiuitatibus fuerat imponendus. Ac in secunda littera Clare Memorie Illustri Ottakaro primo, et Successoribus suis preclaris Boemie Regibus ob Insignia et grata seruicia, quibus sacrum Romanum Imperium dignis honoribus prosequi studuerunt, inuestiendi ac infeudandi, Episcopos prefati Regni Boemie plenam tribuit facul- tatem. Et littere diui Friderici Secundi Romanorum Regis, in quibus exprimitur, quod Illustris Heinricus Marchio Morauie et uniuersitas Magnatum et Nobilium Boemie de assensu et uoluntate Illustris Ottakari quondam Boemie Regis, Proaui nostri karissimi, Illustrem Wen- czeslaum, Primogenitum ipsius, in Regem suum elegerint, et eadem Eleccio per supradictum Fridericum Romanoram Regem fuerit approbata, et littere diui Richardi olim Romanorum Regis, qui auctoritate sua sicut protestatur in litteris, prefatum Regem Ottakarum, Proauum nostrum, dum adhuc uitam ageret in humanis, de Regni Boemie et Marchionatus Morauie principatibus et omnibus feudis ad eadem spectantibus inuestiuit. Et specialiter donacio Clare Memorie Illustris Ottakari Secundi quondam Boemie Regis, Proaui nostri dilecti, quam patri Illustris Nicolai Ducis Oppauie presentis fecisse dinoscitur, dum terram Morauie diuidens Ducatum siue Principatum Oppauiensem creauit ex nouo, Ipsumque ducem Oppauie, quem de mera sue benignitatis gracia sublimauit in Principem, Heredes et Successores suos, una cum Ducatu siue Principatu prefato, sibi Heredibus et Successoribus suis Boemie Regibus, et eiusdem Regni Corone uoluit immediate subesse, lucidissime protestantur. Quarum quidem litterarum sentencias et clausulas, quas ad probacionem dictarum intencionum adduximus, semper et ubique in Judicio, et extra ac in singulis actibus publicis et priuatis, quociens presencium tenorem legi siue publicari contigerit, eiusdem efficacie uigoris et auctoritatis existere decernimus, ac si in figuris proprijs originalia uiderentur, eo precipue cum eadem originalia pridem per nos ac nonnullos Romanorum et Boemie Regnorum Principes et Pro- ceres Venerabili Johanne Olomucensi Episcopo Consangwineo, necnon Illustribus Johanne Marchione Morauie fratre et Nicolao Duce Oppauie Principibus nostris, ibidem et in presencia constitutis auscultata et examinata fuerint diligenter, Sicul etiam nos, et Illustres Progenitores et Predecessores nostri Boemie Reges in predictorum Jurium uera et iusta possessione perstitimus prescripcione temporum diuturna, et diuina fauente clemencia persistimus in pre- senti. Nos igitur attendentes et accurate meditacionis studio limpidius intuentes, qualiter imposicio prefati circuli per manus Venerabilium Pragensis et Olomucensis ecclesiarum An- tistitum uel alterius ex eis, dum alterum abesse contingeret, ut prefertur rite fieri, aut Rex