686 potestatem inuestiandi Episcopos Regni Boemie prenotati, et Reuerendo in Christo patri domino..Episcopo Olomucensi, qui pro tempore fuit suisque Successoribus insignem circulum domino Wladislao, Boemie Duci Illustri qui Regnum predictum ante coronacionem suam, Regebat, et eiusdem Wladislaij heredibus et Successoribus dominis nostris in Natiuitate christi, Pasce, Penthecostes, ac Beatorum Wenczeslaij et Adalberti patronorum Boemie festiuita- tibus adinstar Imperatorum et Romanorum Principum imponendi, ut tamen a nemine pre- terquam a Reuerendis in christo patribus, dominis Pragensi uel Olomucensi Episcopis aut eorum altero qui dum Alterum abesse contingeret vices suppleret amborum, imponi deberet licenciam et facultatem graciosius erogarunt, et hoc edictis ac mandatis Imperialibus et Regijs perpetuo statuerunt, Alterum vero videlicet Illustrem principem, Ducem Opauie heredes et Successores ipsius propter donacionem Clare memorie Illustris et excellentis principis domini Ottakari secundi condam Boemie Regis, quam patri eiusdem Ducis fecisse dinoscitur, Dum terram Morauie diuidens, Ducatum et Principatum Opauiensem creauit ex nouo Ipsumque dominum Ducem, quem de mera sue Benignitatis gracia sublimauit in principem, heredes et successores ipsius, Vna cum ducatu siue principatu prefato sibi here- dibus ac Successoribus suis Regibus Boemie, dominis nostris, ac eiusdem Regni Corone voluit inmediate subesse, dictus serenissimus dominus et frater noster eciam sibi heredibus et successoribus suis Boemie Regibus dominis nostris, et eiusdem Regni Corone, tamquam rem apropriatam et inseparabiliter incorporatam Regno Boemie prefato specialiter et ex nomine, reseruauit, et de Romane Regie sue potestatis plenitudine statuit, quod omnes supradicte sentencie et clausule Imperialium et Regalium litterarum, que, a Romanorum Imperatoribus et Regibus predecessoribus suis, dictis Boemie Regibus et principibus dominis nostris Regno et Corone Boemie, indulte noscuntur, et quas ad probacionem dictarum inten- cionum adduxit semper, et vbique, in Judicio et extra ac in singulis actibus, publicis et priuatis, quociens suas litteras super hoc editas, aut presencium tenorem Legi siue publicari contigerit eiusdem efficacie vigoris et auctoritatis existant, ac si in figuris proprijs originalia viderentur, eo precipue cum eadem Originalia pridem per antedictum dominum et fratrem nostrum, ac nonnullos Romani et Boemie Regnorum Principes, Barones et proceres nobis ibidem in persona propria et in presencia constituto auscultata et examinata fuerint dili- genter, sicut eciam predictus dominus et frater noster graciosus, necnon Illustres et excel- lentes progenitores et Predecessores sui Boemie Reges domini nostri in predictorum Jurium vera et iusta possessione fuerint prescripcione temporum diuturna, et eandem possessionem dictus frater et dominus noster iuste continuat diuina fauente clemencia, de presenti, ea propter nos qui supra, Marchio Morauie, promittimus bona fide sine dolo pro nobis heredibus et proheredibus nostris Marchionibus Morauie imperpetuum, eundem Marchionatum a predicto Serenissimo principe domino et fratre nostro carissimo, velut Rege Boemie, heredibus et Successoribus suis Boemie Regibus dominis nostris et a Corona Regni Boemie, predicti, in pfeudum cum debitis et consuetis solempnitatibus et cerimonijs reuerenter suscipere, Sibique et dictis heredibus, et successoribus et Corone prefate, tamquam veris ordinarijs naturalibus et hereditarijs dominis nostris fidelitatis Omagij subieccionis et obediencie, sicut in suscep-