683 Principatibus et dominijs habere potuit, aut posset, potuerunt seu poterunt quomodolibet in futurum. Canonum eciam et legum auxilijs, ac omni iuris beneficio, quibus ordinacioni, dis- posicioni, et renunciacioni prefatis posset in toto uel in parte aliqualiter derogari. Promisit eciam pro se et dictis heredibus ac proheredibus suis legaliter et bona fide omnes et singulos nostros et corone Regni Boemie Principes ecclesiasticos et seculares, ubicumque resideant nostre dicioni subiectos, in omnibus et singulis ipsorum Priuilegijs, Juribus, gracijs, liber- tatibus, literis et emunitatibus, tam in bonis quam hominibus ipsorum non offendere, ymmo uerius ipsos et eorum quemlibet dictis priuilegijs, literis, iuribus, et ceteris condicionibus prenotatis, libere gaudere permittere et potiri. Et ad cautelam certitudinis amplioris nos una cum Principibus, Baronibus, Nobilibus, et Ciuitatibus Regni Boemie pro nobis, heredibus, et successoribus nostris Boemie Regibus ex vna, dictus quoque frater noster vna cum Baronibus, Nobilibus, ac Ciuitatibus Morauie pro se suisque heredibus et proheredibus Marchionibus Morauie parte ex altera super omnibus punctis, titulis articulis et sentencijs prelibatis, non per errorem aut improuide sed matura deliberacione preuia fecimus et prestitimus corporalia iuramenta, que eciam heredes et successores nostri Reges Boemie im posterum in coronacione sua, ad quam ac ad alia, honorem et statum Regni Boemie concernencia, dictus Marchio, heredes et proheredes sui, sicut alij Boemie Priucipes uocati, uenire debebunt, vnacum Principibus, Baronibus, Nobilibus ac Ciuitatibus Regni Boemie prefati, qui pro tempore fuerint, prestare et facere tenebuntur, Heredes et proheredes eiusdem nostri fratris dictum Marchio- natum Morauie, dum casus uacacionis ipsius emerserit, a nobis, heredibus et successoribus nostris Boemie Regibus, qui tamen eundem Marchionatum, dum honore solito quesiti fuerint, infra limites Regni Boemie absque difficultate conferre debebunt in feudum infra vnius anni spacium, a die uacacionis continuo reuoluendi, cum debita solempnitate recipient, et facient ac prestabunt tempore suscepcionis siue infeudacionis huiusmodi cum suis Baronibus, Nobi- libus ac Ciuitatibus Marchie prelibate, ad instar patrum siue progenitorum suorum consimilia iuramenta, Et specialiter vniuersi et singuli Principes, Barones, Nobiles, ac Ciuitates Regni Boemie et Marchionatus Morauie predictorum nobis heredibus et successoribus nostris Regni Boemie ac prefato fratri nostro, heredibus et proheredibus suis Marchionibus Morauie, in casu ubi contra prefatam ordinacionem siue disposicionem in toto uel in parte uenire uellemus, aut alter ex nobis dictis tractatibus contrairet, consentire non debent, aut in talibus obedire, per que premissa omnia uel alterum ipsorum possent diminui seu turbari. Supplentes omnem defectum si quis in litteris et priuilegijs dictorum Imperatorum et Romanorum Regum, memorie recolende, aut eciam in presentibus nostris literis, quauis obscuritate, interpretacione dubia occasione seu causa compertus fuerit, de supradicte Romane Regie plenitudine potestatis. Non obstantibus quibuscumque legibus, consuetudinibus, usibus, obseruancijs, municipalibus uel communibus statutis seu edictis publicis seu priuatis factis et editis in contrarium, quos et que, quantum ad hoc, ac si nominatim ac de uerbo ad uerbum presentibus inscripta et inserta consisterent, eciam si de hijs, iure uel consuetudine deberet fieri mencio specialis reuocamus, cassamus, irritamus, annullamus, et de dicta Romane Regie potestatis plenitudine decernimus firmitatis nullius roboris uel momenti. Nulli ergo hominum liceat hanc nostre 86*