477 aurea bullata per magistrum Joannem de Pistorio decanum ecclesiæ S. Salvatoris Trajectensis, quarum notarum et imperialis literæe successive tenores sequuntur sub his verbis: In nomine domini Amen. Noverint universi præsentes pariter et futuri, quod nos Carolus primogenitus Regis Boemiæ, marchio Moraviæ in præsentia sanctissimi patris et domini nostri domini Clementis sacrosanctæ Romanæ et universalis Ecclesiæ summi Pontificis constituti, eidem domino nostro Papæ, nomine suo, et Ecclesiæ Romanæ recipienti; ac nihilominus notarijs infrascriptis nomine omnium et singulorum, quorum interest, vel interesse poterit in futurum, recipientibus et stipulantibus, promisimus et promittimus, fecimus et facimus in forma, quæe sequitur, et iuramenta præestitimus, tactis sacrosanctis evangelijs, et præstamus. Ego Carolus primogenitus domini Regis Boemiæ illustris marchio Moraviæ vobis sanctissimo patri ac domino nostro, domino Clementi sacrosanctæ et universalis Ecclesiæ summo Pontifici, pro vobis et Ecclesia Romana recipientibus, promitto bona fide et juro, quod si Deo favente contingat, me in Regem Romanorum eligi, in Imperatorem postmodum assu- mendum, faciam, præstabo, concedam et promittam omnia juramenta, omnes obedientias, promissiones, concessiones, donationes, ratificationes, confirmationes, et cætera omnia, quæ claræ memoriæ dominus Henricus ultimus Imperator avus meus per se, vel per alium vel alios fecit, præestitit, promisit, concessit, et confirmavit: necnon et omnia alia juramenta, obedientias, promissiones, concessiones, donationes, ratificationes et confirmationis, et cætera omnia, quæe olim electi in Reges Romanorum, et assumpti ad Imperium, sive etiam non assumpti, sive antequam assumerentur, sive post per se vel per alios summis Pontificibus et sanctæe Rom. Ecclesiæ, seu eorum alteri, per se vel per alios recipientibus seu recipienti, reperientur suis temporibus præestitisse, fecisse, confirmasse, seu quomodolibet concessisse. Item promitto et juro, quod omnes processus factos, et quaslibet sententias latas, et quæcumque alia, quocunque nomine censeantur, Romæ seu ubicunque alibi gesta per Ludovicum de Bavaria, per Ecclesiam de hæresi et schismate justo judicio condemnatum, ac privatum omni jure, si quod per electionem in Regem Romanorum de ipso factam ei fuerat acqui- situm, seu per alios ejus nomine vel auctoritate sub imperiali titulo, quem sibi usurpavit indebite, necnon et omnia, quæ per se seu alium in Italia fecit seu gessit, etiam sub regali nomine, et cætera etiam omnia ubicumque gesta ab eo per se vel alium, quæ ex defectu jurisdictionis vel potestatis facere sibi non licuit, nulla esse, ac cassa et irrita pronuntiabo et declarabo, illa etiam, quatenus processerunt de facto, annullando, et penitus revocando. Item promitto et juro, quod si contingat me eligi, ut præfertur, non occupabo, nec recipiam, nec acquiram, nec quovis modo usurpabo Romam, aut provincias, ducatus, comi- tatus, Ferrariam, civitates, oppida, castra, terras alias, seu territoria vel loca Ecclesiæ Romanæ, seu ad ipsam mediate vel immediate spectancia in Italia vel ubilibet extra Italiam, sicut est comitatus Veneysini, qui ad Romanam Ecclesiam pleno jure noscitur pertinere, et plura etiam alia ad eandem Ecclesiam pertinentia extra Italiam constituta: et specialiter nec regna Siciliæ, Sardiniæ et Corsicæ, quæ de directo dominio, iure et feudo eiusdem Romanæ Ecclesiæ esse noscuntur; nec alia feuda, retrofeuda, seu quælibet alia loca, ad eandem Ecclesiam mediate vel immediate spectantia, nec jura, personas, vel res aliquas in eisdem: