682 non relictis legittimis masculini sexus heredibus, moriente feudum de sui natura ad ipsius feudi dominum, iusto titulo reuertatur, tamen ut uia dubietatibus et calumpnijs precludi ualeat, consilio saniori, pronunciamus, diffinimus et presentibus declaramus, ut quotiens dictum fratrem nostrum, quem deus custodiat, aut heredes suos absque masculini sexus heredibus continget decedere, quod Marchionatus Morauie predictus, ad nos, heredes, siue successores nostros Reges Boemie et eiusdem Regni coronam absque difficultate libere reuertatur, Nos et dicti heredes siue successores nostri Boemie Reges, uel alter eorum, qui pro tempore fuerit, dicti Marchionis heredum, et proheredum suorum filias, si quas post se dimiserint, ad statum ordinare decentem, et earum cuilibet, dum matrimonio copulate fuerint, a die consumate copule, infra vnum annum decurrentem continuo, de Decem Milibus Marcarum Argenti grossorum Pragensium pagamenti Regalis, de pecunijs Berne, que ob eandem causam in Marchionatu predicto instaurari debebit, ut iuris est et obseruate consuetudinis tenebimur prouidere, Adicientes de singulari munere gracie specialis, ob illum grate sinceritatis affectum, quo predictum fratrem nostrum complectimur fauorose, ut quociens nos heredes aut succes- sores nostros Reges Boemie non relictis Masculini sexus heredibus ab hac luce migrare contingeret, Regnum Boemie prefatum necnon omnes Principatus et dominia, qui ad dictum Regnum Boemie nominatim pertinent, Comitatum Lucemburgensem cum omnibus suis perti- nencijs ad supradictum fratrem nostrum, aut eo non extante, heredes siue proheredes suos legitimos sexus masculini Morauie Marchiones absque electione siue assumpcione alia, et absque difficultate qualibet deuoluatur, et quod is, cuius tunc iure prefato, et uirtute decla- racionis predicte interesse uidebitur, in Boemie Regem assumi et coronari debeat, impedimento quolibet non obstante, qui deniqui nostris, heredum, proheredum, siue successorum nostrorum, Regum Boemie filiabus, si quas dimiserimus de congruenti statu, secundum Regni Boëmie consuetudinem approbatam tenebitur et debebit decenter et magnifice prouidere. Neque nos beredes uel successores nostri Boemie Reges, dictum Regnum Boemie, uel supradictus Princeps et frater noster uel heredes sui Marchiones Morauie, Marchionatum eundem in toto uel in parte, occasione filiarum nostrarum utrobique aut alia causa quacumque donare, uendere, obligare, aut alienare debebimus, aliquo dimembracionis, aut sequestracionis modo, quo prefati Regni Boemie corona et Principatus ac dominia, qui ad idem Regnum Boemie pertinent spe- cialiter Comitatus Lucemburgensis cum suts pertinencijs ut prefertur, a dictis Morauie Mar- chionibus uel prefati Marchionatus deuolucio a nobis, heredibus et successoribus nostris Boemie Regibus posset in casibus prenotatis quomodolibet remoueri, Ceterum predictus Prin- ceps, et frater noster dilectus huiusmodi nostre gracie largicione contentus Marchionatum Morauie supradictum cum digna graciarum accione suscepit, neque ipse, heredes, et proheredes sui Marchiones Morauie, a nostra Celsitudine, heredibus aut successoribus nostris Boemie Regibus, aliud quitquam per diuisionem, successionem ab intestato, uel alio quouis titulo, iure uel facto, poterunt seu debebunt repetere aut exigere, nisi, quod ipsis de singulari fauore et nostre mentis beneplacito liberaliter duxerimus erogandum. Renunciauit eciam dictus frater noster pro se, et dictis heredibus et proheredibus suis Marchionibus Morauie, omni iuri et iurisaccioni, si quod uel quam in Regno Boemie aut ceteris nostre dicionis