681 ijdem Illustri Ottakaro Primo, quondam Boemie Regi et suis successoribus ius et potestatem inuestiendi Episcopos Regni Boemie prenotati, Et Venerabili..Olomucensi Episcopo qui fuit pro tempore Circulum Wladyslao Boemie duci, qui dictum Regnum ante coronationem suam regebat, et eiusdem Wladyslai heredibus in Natiuitatis Christi, Pasche, Penthecostes, et beatorum, Wenceslai et Adalberti, patronorum Boemie festiuitatibus, ad instar Imperatorum et Romanorum Principum imponendi, ut tamen a nemine preterquam a Pragensi uel Olo- mucensi Episcopis, aut eorum altero, qui dum alterum abesse contingeret, uices suppleret amborum imponi deberet licenciam et falcultatem graciosius erogarunt, et hoc edictis ac mandatis Imperialibus et Regijs perpetuo statuerunt. Alterum uero, uidelicet. Ducem Opauie heredes et successores ipsius propter donationem clare memorie Illustris Ottakari Secundi quondam Boemie Regis Proaui nostri, quam patri eiusdem ducis fecisse dinoscitur, dum Terram Morauie diuidens, Ducatum et principatum Opauiensem creauit exnouo, ipsumque ducem, quem de mera sue benignitatis gracia sublimauit in Principem, heredes et successores ipsius, unacum ducatu seu principatu prefato, sibi et heredibus, ac successoribus suis, Regibus Boemie, ac eiusdem Regni corone uoluit immediate subesse. Nobis eciam, heredibus ac successoribus nostris Boemie Regibus et eiusdem Regni corone, tamquam rem apropriatam et inseparabiliter incorporatam Regno Boemie prefato, specialiter et ex nomine reseruamus, de Romane Regie potestatis plenitudine statuentes, quod omnes supradicte sentencie et clausule, Imperialium et Regalium litterarum, que a Romanorum Imperatoribus et Regibus, predeces- soribus nostris, dictis Boemie Regibus et Principibus Regno et corone Boemie indulte noscuntur, et quas ad probationem dictarum intentionum adduximus, semper et ubique in iudicio et extra, ac in singulis actibus publicis et priuatis, quociens presencium tenorem legi siue publicari contigerit, eiusdem efficacie, uigoris et auctoritatis existant, ac si in figuris proprijs originalia uiderentur, eo percique, cum eadem originalia pridem per nos, ac nonnullos Romani et Boemie Regnorum Principes, Barones et Proceres, Illustri Johanne Marchione Morauie, fratre et Principe nostro predicto, ibidem in presencia constituto, ascultata et examinata fuerint diligenter, sicut eciam nos progenitores et predecessores nostri Boemie Reges Illustres in supradictorum iurium uera et iusta possessione perstitimus prescriptione temporum diuturna et diuina fauente clemencia persistimus impresenti. Decernentes ac edicto Regis deinceps perpetuo statuentes, quod supradictus Princeps et frater noster heredes et proheredes sui Marchiones Morauie, eundem Marchionatum a nobis uelut Rege Boemie heredibus et succes- soribus nostris Boemie Regibus et a corona Regni Boemie predicti in feudum cum debitis et consuetis solempnitatibus et ceremonijs reuerenter suscipere nobisque ac dictis heredibus et successoribus ac corone prefate tamquam ueris, ordinarijs et naturalibus ac hereditarijs dominis suis tenebuntur, et debent fidelitatis, homagij, subieccionis et obediencie sicut in suscepcione feodorum consuetum est fieri, ad instar predecessorum suorum quondam Mar- chionum ibidem prestare et facere corporalia iuramenta, Nosque, heredes et successores nostri Boemie Reges predictum fratrem nostrum, heredes et proheredes ipsius Marchiones Morauie tamquam alios Regni et corone Principes et Vasallos, ab oppressionibus, uiolentijs et iniurijs defendere tenebimur et tueri. Et quamuis de iure communi et positiuo constat, quod Vasallo 86