610 quas vel que cetera monasteria per Morauiam dare et soluere consueuerunt, eximendas et absoluendas duximus perpetuo, et etiam absoluenda, sola berna regali dumtaxat excepta, de qua plenius superius est expressum. De libera nichilominus nostri arbitrii voluntate conce- dimus, vt officiati et predicti prefecti dictarum Monialium per omnes possessiones earum venandi, piscandi et aucupandi liberam in euum habeant potestatem. Demum omnia bona Baronum vel Ciuium aut aliorum, que prefate moniales ad monasterium suum donationis vel emptionis seu legationis tytulo obtinuerint uel contraxerint, siue in Ciuitatibus, villis, opidis, curiis, ecclesiis, siluis piscacionibus, pratis campis, siue in aliis quibuscumque rebus et prouentibus habeantur, cuncta ipsis monialibus et earum posteris bona huiusmodi cum omnibus vtilitatibus et obuentionibus eorundem ad vsus Abbatisse et monialium ac monasteri predicti eis imperpetuum conferimus iure hereditario ab omni seruitute et onere semper libera, vt predicitur, pacifice possidenda; quam donationem et libertationem ad omnes nostros posteros extendi volumus in hiis scriptis. Adicientes nichilominus, quod predictum monasterium cum suis tam rebus quam personis omni et maxima liberalitatis perpetuis temporibus frui debeat gracia et gaudere, que per nos seu predecessores nostros vmquam in Regno Boemie et Marchionatu Morauie cuiquam et specialiter Ecclesie et Episcopatui Olomucensi dinoscitur esse facta. Ad quam libertatis graciam ipsum presentibus de certa sciencia confirmamus Cum autem huius pie affectionis et donationis nostre liberalitas iam dicto monasterio, tam in personis quam possessionibus suis in palam facta sit, ad laudem dei principalem sueque genitricis Marie et omnium sanctorum pariter gloriam et honorem et in remedium prede- cessorum nostrorum et nostram ac successorum nostrorum salutem ipsi summo Deo suisque Sanctis omnibus promittimus data Regia nostra fide pro nobis ac omnibus nostris succes- soribus, quod omnem Excellentie nostre munificentiam hiis literis editam et impensam circa dictum monasterium et in bonis suis ratam et inuiolabilem ac inconuolsam (sic) perpetuo volumus obseruare. In cuius rei testimonium et perpetue firmitatis vigorem, et ne vllum super premissis vel ipsorum aliquo imposterum per quempiam possit dubium suboriri, pre- sentes literas fieri, et sigillo Maiestatis nostre iussimus communiri. Acta sunt Prage Presen- tibus Venerabili Gerlaco Maguntinensis et Arnesto Pragensis Ecclesiarum Archiepiscopis, et Illustri Rudolpho Duce Saxonie, ac Venerabili Virico Episcopo Curiensi, Principibus nostris carissimis, deuotoque nostro dilecto Henrico, Preposito Pragensi, Notario terre Regni Boemie, atque Wilhelmo de Landstein, Capitaneo terre nostre Morauie, Andrea de Duba, Zudario Pragensi, Stephano de Sternberg, Jescone de Crawar, Camerario Olomucensi, Thobia de Camenycz, Jescone de Boskowycz, Wockone de Holensteyn, et pluribus alijs fidedignis. Datum Prage Anno domini Millesimo Trecentesimo Quadragesimo Octauo, Indiccione prima, die penultima mensis Augusti, Regnorum nostrorum anno Tercio. (Nach dem Orig. mit einem wohlerhaltenen Sigille im fürsterzbischöflichen Archive zu Kremsier, abgeschrieben A. Boczek.)