607 necnon Abbatisse et monialibus ceterisque personis, hominibus et bonis eius pretactis, presen- tibus videlicet et futuris, per nos et successores nostros Reges Boemie et Marchiones Morauie promittimus fide nostra Regia perpetuis temporibus inuiolabiliter obseruari. Collationem etiam iurispatronatus et proprietatis Ecclesiarum in Gdussow et Luntemburg Olomucensis dyocesis, ad preces supradicti Episcopi per nos ipsi monasterio, vt premittitur, dudum factam, aucto- ritate Regia de certa scientia tenore presentium innouamus, ac robur obtinere volumus perpetue firmitatis. Demum omnia bona Baronum vel Ciuium aut aliorum, que prefate moniales ad monasterium suum donationis vel emptionis seu legationis tytulo obtinuerint, vel contra- xerint, siue in Civitatibus, villis, opidis, curiis Ecclesiis, siluis, piscacionibus, pratis, campis, siue in aliis quibuscumque rebus et prouentibus habeantur. Cuncta ipsis Monialibus et earum posteris bona huiusmodi cum omnibus vtilitatibus et obuencionibus eorum ad vsus Abbatisse et monialium ac monasterii predicti eis in perpetuum confirmamus iure hereditario, ab omni seruitute et onore semper libera, vt prefertur, pacifice possidenda. Quam donationem et libertationem ad omnes nostros posteros extendi volumus in hiis scriptis. Adicientes nichilominus, quod predictum monasterium cum onmibus suis tam rebus quam personis omni et maxima libertatis perpetuis temporibus frui debet gracia et gaudere, que per nos aut predecessores nostros vmquam in Regno Boemie et Marchionatu Morauie cuiquam dinoscitur esse facta. Ad quam libertatis gratiam ipsum presentibus de certa nostra scientia confirmamus. Man- dantes vniuersis fidelibus nostris, Baronibus, Nobilibus, Vasallis, Clientibus, Burgrauiis, Camerariis, Justiciariis, Villicis, Judicibus, Juratis et Ciuibus ceterisque Officialibus nostris et subditis, qui sunt, aut qui pro tempore fuerint, quibuscumque censeantur nominibus et cuiuscumque dignitatis condicionis aut status existant, sub obtentu gracie nostre firmiter et districte, ne quocumque colore quesito, directe vel indirecte, exemptionem et libertationem premissas presumant infringere, vel antedictum monasterium, personas vel bona eius que- cumque, contra tenorem eorum in aliquo molestare, prout indignacionem Regiam et districtam euitare voluerit vlcionem. Si quid autem contra premissa vel ipsorum aliquod in preiudicium sepedicti monasterii, Abbatisse, monialium, personarum vel bonorum eius per quempiam contigerit attemptare; hoc totum ex nunc et extunc irritum esse decernimus et inane. In cuius rei perpetue firmitatis vigorem, et ne super premissis vel ipsorum aliquo imposterum per quempiam suboriri dubium vllum possit, presentes literas fieri, et nostre maiestatis sigillo iussimus communiri. Acta sunt hec Prage presentibus venerabilibus Gerlaco Magutinensis. Arnesto Pragensis Ecclesiarum Archiepiscopis, et Illustri Rudolfo duce Saxonie, ac Venerabili Vlrico Episcopo Curiensi, Principibus nostris karissimis, deuotoque nostro dilecto Henrico Preposito Pragensi, Notario terre Regni Boemie, atque fidelibus nostris dilectis Wilhelmo de Landsteyn, Capitaneo terre nostre Morauie, Andrea de Duba, Zudario Pragensi, Stephano de Sternberg, Jescone de Crawar, Camerario Olomucensi, Thobia de Camenitz, Jescone de Boscowitz, Wockone de Holensteyn et pluribus aliis fidedignis. Datum Anno domini Millesimo Trecentesimo Quadragesimo Octauo Indiccione prima, III Kalendas Septembris, Regnorum nostrorum anno Tercio. (Nach dem Orig, mit einem wohlerhaltenen Sigille im fürsterzbischöflichen Archive zu Kremsier, abgeschrieben A. Boczek.)