479 et territorijs supradictis, vel in aliquo de eisdem; et specialiter in provincijs, civitatibus, terris, et locis expressis in quibusdam literis dicti domini quondam Henrici Imperatoris, quarum tenor inferius est insertus. Ad evitandam quoque occasionem veniendi contra præedicta, vel aliquod præ- dictorum, promitto ut supra, quod ante diem, mihi pro coronatione mea imperiali præefi- gendam, non ingrediar urbem Romanam: quodque eadem die, vero et legitimo impedimento cessante, imperialem recipiam coronam; et quod sive illa die, sive vere ac legitime impe- ditus die alia recipiam coronam, ipsa die, qua coronam hujusmodi recepero, dictam urbem, vero ac legitimo impedimento cessante, exibo cum tota etiam, quantum in me fuerit, gente mea: et cessante etiam impedimento legitimo, continuatis moderatis diætis extra totam terram Romanæe Ecclesiæ me recto gressu transferam versus terras imperio subjectas, numquam postmodum ad urbem, regna prædicta Siciliæ, Sardiniæ, Corsicæ, provincias, civitates, vel alias terras Romanæ Ecclesiæ, nisi de speciali licentia Sedis Apostolicæ accessurus. Juro quoque super sancta Dei evangelia, per me corporaliter manu tacta, quod super his vel eorum aliquo nullum impedimentum fingam aut præstabo, aut fingi aut præstari per alium vel alios, quantum in me fuerit, permiltam. Item promitto, quod contra prædicta, vel eorum aliquod nullatenus, per me vel alios veniam: et si contrarium quovismodo contingeret fieri per me vel alios meo nomine quandocumque statim cum hoc ad meam notitiam deductum fuerit, illud revocabo, et faciam, quantum in me fuerit, effectualiter revocari, et pro non facto volo et decerno haberi, et eciam reputari. Item si per præfatum quondam dominum Henricum Imperatorem avum meum, vel per iam dictum Ludovicum, seu per quemcunque alium, seu alios ipsorum, vel alterius eorum nomine seu auctoritate, aliquæ sententiæ fuerint promulgatæ, seu processus aliqui facti, seu arrestationes personarum aut rerum, vel aliqua ad iurisdictionem pertinentia, attentata in Roma regnis, provincijs, ducatibus, comitatibus, civitatibus immediate vel mediate subiectis, promitto et iuro, quod illa omnia decernam et pronunciabo esse nulla: quodque si aliquæ fidelitates, homagia, obedientiæ, recognitiones, donationes, advocationes, occupa- tiones, seu concessiones qualescunque, a prædictis domino Henrico et Ludovico, vel eorum altero per se vel alium seu alios factæ fuerint, vel receptæ pro Roma, regnis, provincijs, ducatibus, comitatibus, civitatibus, oppidis, castris, locis, terris et territorijs supradictis, vel eorum aliquo, vel pro quibuslibet rebus vel iuribus in eis vel sub eis etiam constitutis a quibuscunque universitatibus vel personis singularibus quovis modo, illa omnia nulla fore pronunciabo, et quatenus processerunt de facto, totaliter revocabo, et etiam pro non factis velim et decernam haberi. Item promitto et iuro, quod si in Regem Romanorum assumptus fuero, ad imperium postmodum assumendus, antequam ingrediar partes Italiæ, et antequam in eis vel de eis per me vel alium seu alios aliquid disponam, aut quomodolibet administrem apud sanctitatem vestram prædictam, et sedem Apostolicam, approbationem personæe meæ, et cetera, quæ electus in Regem Romanorum promovendus in Imperatorem habet prosequi, prosequar cum effectu.