498 et insigniis sedis Metropolitane duximus decorandam, auctoritate predicta nichilominus sta- tuentes, quod ipsa Pragen. ecclesia in Metripolitanam in perpetuum haberetur et eius presul Archiepiscopus etiam censeretur. Et quia dignum erat ex quo dicta Pragen. ecclesia olim filia nunc mater effecta Metropolitice dignitatis susciperet insignia suffraganeos et provinciam decentem haberet et ad Judicium Archiepiscopi Pragen. qui pro tempore foret omnes cause Suffraganeorum Episcoporum et personarum ecclesiasticarum Civitatum et diocesium eiusdem provincie iuxta sacrorum instituta canonum referrentur, Villam Luthomuslen. tunc de Pragen. diocesi existentem, locum utique nobilem et insignem ad laudem divini nominis et honorem nec non pro incremento, profectu et exaltatione predictis in Civitatem ereximus, ipsamque Civitatis vocabulo insignivimus, et nichilominus ecclesiam Monasterii huiusmodi nove Civitatis, Premonstraten. Ordinis in Cathedralem etiam erigendo eam decrevimus fore perpetuo ipsius Nove Civitatis ecclesiam Cathedralem, cui certam partem de dictis Olomucen. et Pragen. diocesibus adiacentem eidem et certis finibus distinguendam intendebamus facere assignari, Postmodum vero de persona venerabilis fratris nostri Johannis Episcopi olim electi Lutho- muslen. tunc Abbatis Monasterii lucen. ordinis et Olomucen, diocesis predictorum de ipsorum fratrum consilio eidem ecclesie luthomuslen. prefecimus in Episcopum et pastorem, curam et administrationem ipsius ecclesie sibi in spiritualibus committendo, ac subsequenter volentes ut eidem ecclesie Luthomuslen, certa pars et de dictis Olomucen. et Pragen. diocesibus adiacens eidem ecclesie Luthomuslen, iuxta intentionem nostram huiusmodi assignaretur realiter certis finibus distinguenda tibi fili Abbas Monasterii Breunovien. et dilectis filiis. . Abbati Monasterii in Zar Pragen. diocesis ac..Decano ecclesie Olomucen. de quorum pro- bitatis industria specialem in Domino fiduciam gerebamus per alias nostras litteras commisimus et dedimus in mandatis, ut tu et ipsi vel duo vestrum ad partes illas sublato dilationis obstaculo personaliter accedentes vocatis..Archiepiscopo et..Olomucen. ac . . Luthomuslen. Episcopis tunc Electo predictis ac Capitulis ipsarum ecclesiarum et aliis qui evocandi essent de predicta certa parte ex dictis Olomucen. et Pragen. diocesibus Luthomislen. ecclesie adiacente certis finibus ut premittitur distinguenda et eidem ecclesie etiam assignanda nec non de ecclesiasticis dignitatibus personatibus et officiis ac aliis beneficiis ecclesiasticis que in parte predicta eidem ecclesie Luthomuslen. ut premittitur assignanda consistunt, ac de ipsorum valore et de circumstantiis ac aliis omnibus et singulis universis que erant in talibus attendenda super quibus vestras et cuiuslibet vestrum conscientias oneramus omnibus dili- gentia et solicitudine adhibitis que super hiis adhibende forent auctoritate nostra nos informetis et ea que per informationem huiusmodi fore utilia et decentia pro assignatione et distinctione huiusmodi faciendis reperiretis per Instrumentum publicum vel litteras vestras sigillis vestris munitas dictarum litterarum vestrarum seriem continentia clare dilucide et aperte nobis et predicte sedi curaretis quantocitius fideliter intimare ut super hiis certa et indubitata infor- matione suscepta ad predictam partem eidem ecclesie Luthomuslen. ut premittitur assignan- dam et etiam distinguendam consulte et celeriter procederetur per providentiam dicte Sedis. Contradictores auctoritate nostra appellatione postposita compescendo. Testes etiam qui forent nominati si se gratia odio vel timore subtraherent per censuram ecclesia-