606 earum redditibus et prouentibus earundem in vsum Abbatisse et monialium conuertendis, reseruata dumtaxat vicariis earum perpetuis congrua porcione, prout hec omnia tam de donacione bonorum predictorum in Drazewitz, quam de Collatione Ecclesiarum ipsarum ex nostris literis super hec specialiter confectis, et ex literis incorporationis Episcopi plenius colliguntur. Insuper Benessius et Andreas de Grunewalt et Benessius de Budcz ius patronatus Ecclesie ibidem Budcz dicto monasterio donauerunt. Ipse quoque Episcopus eandem de consensu capituli sui ipsi monasterio incorporauit Ecclesiam vsibus eius modo premisso Abbatisse et Monialibus applicandis. Pateat inspectoribus presentium vniuersis tam presentibus, quam futuris, quod erectio, fundatio et dotacio antedicti monasterii necnon bonorum suprascriptorum comparatio et monasterio assignatio per ipsum Episcopum facta, de nostra processerunt omnimoda voluntate, consilio et assensu, quas et etiam omnes concessiones libertatum, priuilegiorum et gratiarum, emu- nitatum et exemptionum, per clare memorie Johannem olim Illustrem . . Regem Boemie, genitorem nostrum dilectum, eiusdem monasterii fundatorem, et per nos eidem monasterio dudum factas, ratas habentes et gratas, auctoritate Regia de certa scientia tenore presentium approbamus presenti constitutione inperpetuum valitura eadem auctoritate Regia statuentes, vt memoratum monasterium, quod in nostram et successorum nostrorum Regum Boemie et Marchionum Morauie specialem protectionem recipimus in semetipso et personis, limitibus, possessionibus, bonis, villis et incolis ac vniuersis eorum pertinenciis, que inpresentiarum obtinet, et que in futurum deo propitio iusto tytulo quocumque ipsum contigerit obtinere, vbique locorum per Regnum Boemie et terras alias nostre iurisdiccioni subiectas omni emunitate et exemptione perfecta gaudeant et fruantur plenissima libertate. Vt autem libertas huiusmodi habundancius exuberet et eidem monasterio affluencius nostre maiestatis appareat graciam affuisse, ipsum monasterium, Abbatissam et moniales eius ab omnibus et singulis contribucionibus, daciis, exaccionibus aut subsidiis, quibuscumque nominibus censeantur, quas et que cetera monasteria per Marchionatum Morauie sita Marchionibus Morauie facere con- sueuerunt, totaliter eximimus, et liberamus, ac perpetuis temporibas liberum esse decernimus et exemptum, ac liberas et exemptas. Adicientes expresse, quod administratio et dispositio bonorum omnium et rerum ipsius monasterii in potestate et manibus Abbatisse et Monialium esse debeat, et nequaquam per Episcopos Olomucenses vel quemuis alium vendicari. Quod eciam monasterium et bona eius omnia tam presentia quam futura per Episcopum Olomu- censem, qui fuerit pro tempore, cui monasterium ipsum sicuti alia ordinis sancti Benedicti monasteria per dyocesim Olomucensem sita in spiritualibus subesse dinoscitur, ab iniuriis et violentiis quorumlibet protegi affectu paterno volumus et defendi. Ita eciam quod si successores nostri Reges Boemie vel Marchiones Morauie vel alter quispiam premissas libertates minuere in aliquo vel infringere attemptarent, pro eo Episcopus Olomucensis tam- quam pro libertatum Ecclesie Olomucensis conseruatione fideliter et solliciter stare debeat et constanter. Nec tamen Episcopus ipse sub defensionis specie vel alio quocumque tenore vllam ipsi monasterio inferre querat offensam. In quo si per Episcopum vel quempiam alium secus fieret, ad nos et successores nostros Reges Boemie et Marchiones Morauie debebit haberi recursus. Premissas itaque Exemptionem et libertationem ac gracias ipsi monasterio