586 810. K. Karl IV. bestätigt dem Brucker Kloster das vom Könige Johann im Jahre 1336 bezüglich des Znaimer Stadtgerichtes verliehene Privilegium. Dt. Znoyme, VIII. Idus Junii (6. Juni) 1348. Karolus dei gracia Romanorum Rex semper augustus, et Boemie Rex, Et si Regie dignitatis circumspecta benignitas vniuersos fideles suos ex innata clemencia prosequitur fauorose ad illorum tamen vtilitates et comoda ampliori studio aspirare consueuit, qui spreta seculi vanitate, sub habitu regulari et debite Religionis honore nituntur altissimo in simpli- citate mentis et corporis iugiter famulari, Sane quia Religiosorum .. Abbatis et Conuentus Monasterij Lucensis prope Snoymam Ordinis Premonstratensis deuotorum nostrorum nuper Serenitati nostre oblata supplicacio continebat, Quatenus eisdem literas clare memorie Illustris Johannis olim Boemie Regis Genitoris nostri carissimi, approbare ratificare et confirmare de solite benignitatis clemencia dignaremur, Quarum tenor sequitur in hec verba. Johannes dei gracia etc. usque Datum Pohorlicz Anno domini Millesimo Trecentesimo, Trecesimo, Sexto, Sabbato post Octauas Pasce. (S. d. B. S. 83 n. 113,) Nos igitur ad predictorum.. Abbatis et Conuentus supplicacionis instanciam presertim cum preces ipsorum iuste sint, nec deuient a tramite racionis, vt nobis et animabus progenitorum nostrorum proficiat ad salutem et omnium bonorum operum que per fratres inibi recte deuocionis spiritu domino seruientes continuato caritatis ardore frequencius exercentur participes fieri mereamur, supradictas literas in omnibus suis tenoribus clausulis et sentencijs de verbo ad verbum prout superius sunt expresse, de certa nostra sciencia, Innouamus, aprobamus, ratificamus, ac per omnia de Regie potestatis plenitudine confirmamus, Mandantes vniuersis Capitaneis Camerijs Subcame- rarijs, Judicibus, Justiciarijs, czudarijs, Poprabezconibus Officiatis et viceofficiatis, qui pro tempore fuerint fidelibus nostris dilectis, ne predictos .. Abbatem et Conuentum Monasterij Lucensis aduersus presentis nostre Innouacionis, approbacionis, ratificacionis ac confirmacionis graciam presumant in aliquo penitus molestari, Imo verius studeant, ipsos circa huiusmodi nostre gracie indultum adhibita sedulitatis cura fauorabiliter conseruare, Sub pena nostre indignacionis, quam qui secus attemptare presumpserit se cognoscat grauiter incursurum, Presencium sub nostre maiestatis Sigillo testimonio literarum. Datum Znoyme Anno domini Millesimo Trecentesimo Quadragesimo Octauo, Indiccione prima. VIII°. Idus Junij Regnorum nostrorum Anno secundo. (Nach dem Orig. auf Pergam. mit einem grossen sehr gut erhaltenen Sigille, im Archive desselben Klosters, im m. st. Landesarchive Lit. A. n. 8. — Abgedruckt bei Dobner Monument. B. IV. S. 320 n. CC. mit dem Datum VII. Idus Junii 1348 nach dem Orig. des königl. Archives.)