705 nie die XV. mensis preteriti, in quibus illud continebatur in primis te suscepto legationis onere accedere cum omni celeritate adversus Boemos, perfidos hostes fidei christiane, et usque ad mortem velle perseve- rare pro fidei defensione. Laudabilis quippe est et commendanda hec voluntas tua et id propositum, ut nullos labores, nulla pericula declines pro defensione ecclesie sancte dei. Itaque gratias agimus deo primum, cuius causa agitur, qui hunc spiritum defendende cause sue tibi dedit, tum vero bonitatem tuam meritis lau- dibus commendamus, qui tam necessario tempore auxilium tuum prestes ad hereticorum subversionem. Hortamur te autem tum ad celeritatem, tum ad perseverantiam, donec consumatur nequitia peccatorum, quod et dei misericordia et operibus tuis consilioque speramus cito esse futurum. De ecclesia Saresbirien- sib), quod nobis instanter supplicas per litteras tuas, scias, cum die Martis VIII. huius mensis1) litteras recepissemus, postero die Mercurii nulla mora, nullo tempore interposito pronuntiasse nepotem tuum epis- copum Saresbiriensem2) solum moti precibus tuis. Nam cum decanus esset electus canonice per capitulum neque electio aliquo capite impugnari posset essentque multa a multis dicta de virtute et bonitate electi, nepoti autem tuo etas obiceretur pluresque propterea suaderent nobis, ut electum preficeremus illi ecclesie, tamen propter affectionem, quam habemus singularem ad personam tuam et quia causam fidei tam prompto animo suscepisti, postposito electo magis tibi soli quam multis aliis voluimus complacere persone tue in tuum nepotem ecclesiam conferentes. Reliqua vero, que sunt a te sapienter scripta, consideravimus diligen- ter, sed ad ea non est opus respondere ad presens, providebitur autem, prout fuerit oportunum. De progressu rerum cures nos sepius certiores reddere et ea agas et exequaris, que pro cause suscepte perfectione videris expedire. Nam eam cognovimus circumspectionem tuam, ut quicquid egeris, a te prudenter factum existi- memus. Datum Rome apud ss. Apostolos II. id. Julii a. decimo. R. Vat. 359 (Mart. V. et Eug. IV. Brevia lib. IX.), fol. 34-34' (Al) et iterum 218'-219 (A2) - Arm. XXXIX, tom. 5, fol. 302'-303" (B1), et XXXI, tom. 46, fol. 47'-48 (B2) - Bibliotheca Vat.: cod. Barberini lat. 2001, fol. 55'-56 (C); cod. Chigi lat. D VII 101, fol. 19-19" (D) - Reg. apud Fink, Die politische Korrespondenz Martins V., pag. 188, num. 50 — 3) ,inextimalem' A2, ,inaestimabilem' B, C - b) ,Saresburensi' C — 1) 8. Julii 1427 —2) Est Robertus Neville, episcopus Salisburiensis, nepos cardinalis Henrici de Beaufort 1838. „Die XVII. mensis Julii MCCCCXXVII, V. indiccione, fr. Petrus de Testio, monachus professus monasterii Cladrobensis (!) ordinis s. Benedicti Pragensis diocesis, abiuravit heresim Wiclefistarum et Husistarum in forma." 1427 Julii 17. Diversa cameralia 3, fol. 104 1839. Episcopis Electensi et Olomucensi ac abbati monasterii Scotorum Viennensis Pataviensis dioecesis mandatur, ut Andream Conradi Nazonis de Kutná Hora in corporalem possessionem canonicatus et prae- bendae ecclesiae Olomucensis, super quibus in palatio apostolico cum Buškone [Zdislai] de Jinín diutius litigavit, inducant. Romae, 1427 Julii 23. Ven. fratribus Electensi et Olomucensi episcopis ac d. f. abbati monasterii Scotorum in Wienna Patavi- ensis diocesis salutem etc. Exhibita nobis pro parte d. f. Andree Conradi Nasonis de Montibuschutnis, canonici ecclesie Olomucensis, peticio continebat, quod alias pro parte sua nobis exposito, quod olim ipse in causa per eum contra Busconem de Gynyn, decanum ecclesie in Tyn Bechinensi Pragensis diocesis, super canonicatu et prebenda dicte ecclesie Olomucensis, de quibus, tunc per obitum quondam Archlebi de Turri, ipsius ecclesie canonici, vacantibus, ipsi Andree apostolica fuerat auctoritate provisum quosque pre- fatus Busco occupaverat et detinuerat ac detinebat indebite occupatos fructus percipiendo ex eisdem, mota et in palacio apostolico coram diversis ... auditoribus diucius ventilata diffinitivam, per quam inter alia