700 1823. Obligatio Nicolai Adolaphi de Saalfeld ad solvendum annatam perpetae vicariae ad altare s. Crucis situm in ecclesia Misnensi. 1427 Junii 25. Eadem die [XXV. mensis Junii 1427] Nicolaus Adolaph de Salfelt principalis obligavit se camere super annata perpetue vicarie ad altare s. Crucis situm in ecclesia Misnensi, cuius fructus decem marcharum argenti com. ext., vacantis per assecucionem canonicatus et maioris prebende ecclesie Nuemburgensis per Petrum de Slinicz, collate eidem Rome apud ss. Apostolos III. kal. Junii a. decimo.1) Arch. Vat., Fondo dell' Arch. di Stato: Lib. oblig. annat. 3 (a. 1427-1428), fol. 47 — Rep. Germ. IV, col. 2820 — 1) 30. Maii 1427; conf. num. 1790 1824. Episcopo Electensi et abbati monasterii Scotorum Viennensis ac officiali Olomucensi mandatur, ut abbatem et conventum monasterii b. Mariae Aulae Regiae Pragensis dioecesis faciant gaudere pacifica possessione iuris percipiendi decimas parochialis ecclesiae in Rouchovany Olomucensis dioecesis, super quibus cum Mathia, eiusdem ecclesiae vicario, in palatio apostolico litigaverunt et sententiam adiudicato- riam obtinuerunt. Romae, 1427 Junii 26. Ven. fr. episcopo Electensi et dd. ff. abbati monasterii Scotorum in Vienna Pataviensis diocesis ac offi- ciali Olomucensi salutem etc. Exhibita nobis pro parte dd. ff. Johannis abbatis et conventus monasterii b. Marie Aule Regie Cisterciensis ordinis Pragensis diocesis peticio continebat, quod licet percepcio omnium decimarum ex fructibus excrescentibus et animalibus pascentibus pro tempore in agris et terris consistenti- bus infra limites parrochialis ecclesie in Ruchowan Olomucensis diocesis et alias undecunque inibi proveniencium ad illius rectorem existentem pro tempore tam de iure quam antiqua et approbata ac hacte- nus pacifice observata consuetudine pertineat ac rectores huiusmodi ecclesie, qui fuerunt pro tempore, fuissent in pacifica possessione vel quasi iuris percipiendi huiusmodi decimas eciam a tempore, cuius con- trarii memoria non existit, dictaque ecclesia cum omnibus iuribus et pertinenciis suis dudum prefato monasterio auctoritate apostolica canonice unita, annexa et incorporata extitisset reservata super fructibus, redditibus et proventibus ipsius ecclesie pro eius perpetuo vicario congrua porcione, de qua vicarius ipse commode sustentari, episcopalia iura solvere ac alia ei incumbencia onera supportare posset, ipsique abbas et conventus vigore unionis ... huiusmodi ecclesie predicte tunc certo modo vacantis possessionem appre- hendentes, illam aliquamdiu in usus proprios tenuissent eorum, tamen d. f. Mathias, qui se gerit pro perpetuo vicario dicte ecclesie, falso asserens decimas huiusmodi... ad se spectare ac eisdem unioni... et incorporacioni contra iusticiam se opponens impedivit, prout impedit..., quominus ipsi abbas et conventus dictas decimas possent pacifice percipere et habere ac alias eos super prefatis decimis molestavit, vexavit, perturbavit et eciam impeciit. Ortaque propterea inter abbatem et conventum ex una ac Mathiam predictos super eisdem decimis... ex altera partibus materia questionis, nos causam huiusmodi, cum tunc partes ipse in Romana curia sufficienter presentes existerent, d. f. magistro Johanni Scallerman... auditori ... ad instanciam ipsius Mathie audiendam commisimus et fine debito terminandam, qui cognitis huiusmodi cause meritis ... per suam diffinitivam sentenciam pronunciavit, decrevit et declaravit... unionem, annexionem et incorporacionem predictas ... fuisse et esse canonica suumque debuisse et debere sortiri effectum dictas- que decimas ad prefatos abbatem et conventum spectasse et pertinuisse ac spectare et pertinere de iure sibique ... adiudicavit, a qua quidem sentencia fuit pro parte dicti Mathei ad sedem apostolicam appel- latum. Nosque causam appellacionis huiusmodi d. f. magistro Geminiano de Prato ... auditori... audiendam commisimus ..., qui cognitis ipsius cause meritis ... per suam diffinitivam sentenciam pronunciavit, decrevit et declaravit per supradictum Johannem auditorem in causa huiusmodi bene fuisse et esse proces-