667 nunc in deserto monasterio prope oppidum Prievidza Strigoniensis dioecesis ipsis per Georgium, comitem Zoliensem, pro eorum usu et habitatione donato morantur, supplicant, ut dictus prior fructus villae, molen- dini, curiae et agrorum ad dictum monasterium et eius ecclesiam pertinentium colligere et recipere et illos pro vestimentis et praesertim pro usu infirmorum fratrum convertere valeat. Romae, 1427 Februarii 4. B. p. Dudum St Vre pro parte dev. vestrorum Nicolai [de] Myza prioris, Pauli de Praga, Petri de Praga, Wenceslai Grandis, Leonis de Praga, Pauli dicti Muncka et Benedicti de Praga, fratrum domus b. Marie de Arena Nove Civitatis Pragensis ordinis fratrum de Monte Carmeli, inter alia exposito, quod cum olim ipsi de dicta domo et regno Boemie per perfidos hereticos miserabiliter expulsi de licencia superioris sui, prioris generalis eiusdem ordinis in Bohemie et Ungarie provinciis, iuxta morem dicti ordinis domum aliam eiusdem ordinis in dicta provincia Ungarie quesiverant, dev. vester... [Georgius], comes Zoliensis, mona- sterium ad honorem passionis domini nostri Ihesu Christi et exaltacionem s. Crucis ordinis s. Benedicti... prope opidum Prewidya Strigoniensis diocesis, quod quondam Leustachius, palatinus regni Ungarie, genitor dicti comitis, tunc in humanis agens de bonis sibi a deo collatis cum quibusdam villa, molendino, agris et curia in dicta diocesi consistentibus tunc expressis fundaverat et pro nonnullis monachis dicti ordinis s. Benedicti . .. dotaverat et quod iidem monachi, postquam inibi aliquamdiu habitaverant, per quindecim annos desertum et desolatum reliquerant, pro eorundem prioris et fratrum usu et habitacione cum ecclesia, villa, molendino, agris et curia huiusmodi ac aliis iuribus et pertinenciis suis universis eisdem priori et frat- ribus perpetuo concesserat pariter et donaverat, quodque campana ecclesie ipsius monasterii necnon curia et agri predicti alienati et per alios occupati dictumque monasterium, ut prefertur, desertum et ruine totaliter suppositum variis reparacionibus indigebat, Stas Vra ad supplicacionem dictorum prioris et fratrum1) abbati monasterii s. Benedicti de Sancto Benedicto supra flumen Hron dicte diocesis per suas litteras dedit in man- datis, ut, si esset ita, prefatum monasterium dicto ordine s. Benedicti inibi suppresso cum ecclesia ... et pertinenciis suis predictis Nicolao priori et fratribus pro huiusmodi eorum usu et habitacione auctoritate pre- dicta concederet et assignaret ipsisque priori et fratribus monasterium predictum cum ecclesia ... et pertinenciis supradictis recipiendi et in eo unam domum pro usu et habitacione aliquorum fratrum dicti ordinis b. Marie cum certis ortaliciis et aliis necessariis officinis construendi et edificandi seu construi et edificari faciendi et perpetuo retinendi plenam et liberam licenciam elargiret, ac voluit eadem Stas, quod ipsi prior et fratres infra annum a data dictarum litterarum computandum villam, molendinum, agros et curiam huiusmodi vendere et precium inde pro reparacionibus dicte domus omnino convertere tenerentur, prout in ipsis litteris plenius continetur. Et licet, pater beatissime, prefatus abbas, ad execucionem earundem littera- rum procedens, monasterium, ecclesiam, villam, agros, curiam cum iuribus et pertinenciis huiusmodi predictis priori et fratribus pro usu et habitacione predictis vigore dictarum litterarum concesserit et assigna- verit necnon ipsis construendi domum pro eisdem usu et habitacione cum eorum ortaliciis et aliis necessariis officinis licenciam elargitus fuit ipsique prior et fratres parati fuissent et essent iuxta voluntatem predictam villam, molendinum, agros et curiam huihusmodi vendere et in reparacionem dicte domus con- vertere, tamen contradicente Georgio comite, fundatore supradicto, et se vendicioni huiusmodi opponente prefatam voluntatem adimplere nequierunt neque possunt. Cum autem... dictus comes contentus sit, quod fructus ville ... et curie predictorum, qui secundum communem extimacionem decem florenorum auri non excedunt, pro vestimentis eorundem fratrum, presertim infirmorum, annis singulis convertantur, supplicant ... prior, fratres necnon comes prefatus, quatenus, ut prior, qui est pro tempore, dicte domus fructus etc. ville, molendini, curie et agrorum predictorum colligere et recipere ac illos pro vestimentis et presertim usu infirmorum fratrum dicte domus singulis eisdem annis convertere possit et valeat, misericorditer dignemini concedere, constitucionibus apostolicis et aliis contrariis non obstantibus quibuscumque. Fiat ut petitur et committatur O. Datum Rome apud ss. Apostolos pridie non. Februarii a. decimo. R. Suppl. 206 (lib. II de vacant. per fiat a. decimo), fol. 227.�228 - 1) Supplicatio ista in R. Suppl. 199, fol. 7'-8', sub datis „sexto kal. Junii a. nono“ (27. Maii 1426) registrata invenitur. — Vide num. proxime sequentem