589 1470. Episcopo Olomucensi mandatur, ut causam inter Gallum, rectorem parochialis ecclesiae s. Michaelis in oppido Znojmo Olomucensis dioecesis, et abbatem, conventum et Nicolaum monachum monasterii in Louka dictae dioecesis super decimis nec non etiam super certis iuribus parochialibus exortam et in palatio apostolico coram nonnullis auditoribus ventilatam ulterius audiat et fine debito terminet. Romae, 1425 Septembris 23. Ven. fr. episcopo Olomucensi salutem etc. Exhibita nobis pro parte d. f. Galli, moderni rectoris parro- chialis ecclesie s. Michaelis opidi Znoyma tue diocesis, peticio continebat, quod licet ius percipiendi decimas provenientes ex fructibus existentibus in terris, campis et agris, consistentibus infra limites parro- chie dicte ecclesie, necnon eciam iura parrochialia in certis castro et domibus in eadem parrochia sitis tunc expressis ad dictam ecclesiam et eius rectorem pro tempore existentem legitime spectassent et pertinuissent ac spectarent et pertinerent de iure, tamen dd. ff. abbas et conventus monasterii Lucensis Premonstratensis ordinis dicte diocesis, falso asserentes decimas et iura parrochialia huiusmodi ad se spectare, decimas et iura huiusmodi occupaverunt et detinuerunt ac illa per nonnullos et novissime per d. f. Nicolaum de Luca, mona- chum dicti monasterii, fecerunt et faciunt usurpari. Ortaque propterea inter Gallum ex una ac abbatem, conventum et Nicolaum prefatos ex alia partibus super premissis ... materia questionis, nos causam huius- modi ad instanciam dicti Galli quondam Capo de Laturre primo et deinde dd. ff. magistris Conczoni de Zwola et successive Petro Nardi... auditoribus ... audiendam commisimus et fine debito terminandam, qui quidem Petrus auditor ultimoa) in huiusmodi causa procedens diffinitivam, per quam inter cetera abbatem, conventum et Nicolaum predictos ab impeticione dicti Galli absolvit, sentenciam promulgavit, a qua pro parte dicti Galli fuit ad sedem apostolicam appellatum. Nosque causam appellacionis huiusmodi d. f. magis- tro Marciali Formerii ... auditori... audiendam commisimus et fine debito terminandam, qui in dicta causa ad nonnullos actus, citra tamen conclusionem, inter partes predictas dicitur processisse. Cum autem, sicut eadem peticio subiungebat, de meritis et veritate dicte cause commodius et plenius in partibus illis quam in Romana curia liquere possit, pro parte prefati Galli nobis fuit humiliter supplicatum, ut eandem causam ad nos advocare et illam in partibus eisdem committere de speciali gracia dignaremur. Nos igitur huiusmodi supplicacionibus inclinati, ... fraternitati tue per apostolica scripta committimus et mandamus, quatenus vocatis abbate et conventu ac Nicolao prefatis et aliis, qui fuerint evocandi, causam eandem in eo statu, in quo coram dicto Marciale auditore remansit, resumens, illam ulterius audias et fine debito termines, faciens, quod decreveris, per censuram ecclesiasticam appellacione remota firmiter observari. Non obstantibus... Datum Rome apud ss. Apostolos nono kal. Octobris a. octavo. R. Lat. 253 (Mart. V. a. VIII.), fol. 203-204 (De exhibitis a. octavo) — Supra dext.: Pinchon — In fine: Ja. XIIII de Cerretanis — 3) ,ultimo' adser. in marg. 1471. Martinus Predil, rector parochialis ecclesiae in Kittlitz Misnensis dioecesis, supplicat, ut sibi de hac ecclesia, super qua in palatio apostolico cum Nicolao Ruschen, clerico dictae dioecesis, litigat, provideatur. Romae, 1425 Septembris 26. B. p. Alias lite et causa pendentibus in vestro s. palacio apostolico causarum coram certo ... auditore inter quendam Nicolaum Ruschen, assertum clericum Misnensis diocesis, actorem ex una parte et dev. vestrum Martinum Predil, rectorem parrochialis ecclesie in Kittelicz dicte diocesis, reum et possessorem, de et super dicta ecclesia ex altera ..., a nonnullis asseritur neutri litigancium predictorum atque nulli in seu ad dictam ecclesiam ius competere. Supplicat... dictus Martinus, quatenus auditori cause huiusmodi com- mittere et mandare dignemini, ut, si sibi constiterit neutri litigancium predictorum sive nulli... ad dictam ecclesiam ius competere, eandem, que de iure patronatus laicorum existit, cuius fructus etc. duodecim mar- charum argenti ... valorem annuum non excedunt, sive adhuc ex libera resignacione cuiusdam Johannis Nosticz... vacet..., eidem Martino misericorditer providere dignemini. Non obstantibus... Concessum ut petitur. Datum Rome apud ss. Apostolos sexto kal. Octobris a. octavo.