540 1336. Praeposito ecclesiae s. Mauritii in Kroměříž mandatur, ut parochialem ecclesiam in ſUherské] Hradiště Olomucensis dioecesis monasterio in Velehrad incorporet. Romae, 1425 Martii 26. D. f. preposito ecclesie s. Mauricii in Cremsir Olomucensis diocesis salutem et apostolicam benedicci- onem. Sacre religionis, sub qua dd. ff. abbas et conventus monasterii in Wellegrado Cisterciensis ordinis Olomucensis diocesis sedulum et devotum exhibent altissimo famulatum, promeretur honestas, ut votis eorum, illis presertim, per que in divini cultus augmentum ipsorum utilitati consulitur, quantum cum deo possumus, favorabiliter annuamus. Exhibita siquidem nobis nuper pro parte dictorum abbatis et conventus peticio continebat, quod dictum monasterium per fautores heresis in partibus illis pullulate adeo devastatum et destructum existit, quod illud inhabitare divinisque officiis inibi intendere triennio iam elapso nequive- runt. Quare pro parte dictorum abbatis et conventus nobis fuit humiliter supplicatum, ut parrochialem ecclesiam in Rediss eiusdem diocesis, que de iure patronatus abbatis pro tempore existentis et dictorum conventus existit, eidem monasterio perpetuo unire, annectere et incorporare ipsisque, ut officiis divinis liberius intendere et, ne in obprobrium monastice religionis et ordinis prefati vagari cogantur, apud dictam ecclesiam habitare et per se vel unum ex monachis dicti monasterii eandem ecclesiam regere et in ea anima- rum curam exercere valeant, concedere et alias ipsis super hoc oportune providere de benignitate apostolica dignaremur.1) Nos itaque huiusmodi supplicacionibus inclinati ac de premissis certam noticiam non haben- tes, discrecioni tue per apostolica scripta committimus et mandamus, quatinus vocatis, qui fuerint evocandi, de premissis auctoritate nostra diligenter te informes et, si per informacionem huiusmodi inveneris ita esse, super quibus tuam conscienciam oneramus, ecclesiam predictam, cuius quindecim, prefato monasterio, cuius ducentarum marcharum argenti fructus ... secundum communem extimacionem valorem annuum, ut ipsi abbas et conventus asserunt, non excedunt, cum omnibus iuribus et pertinenciis suis auctoritate prefata imperpetuum unias et incorpores et annectas, ita quod cedente vel decedente rectore dicte ecclesie aut eccle- siam ipsam alias quomodolibet dimittente liceat abbati et conventui predictis corporalem possessionem ecclesie iuriumque et pertinenciarum predictorum auctoritate propria apprehendere et perpetuo retinere fructusque ... huiusmodi in suos ac monasterii et ecclesie predictorum usus convertere et eciam retinere, diocesani loci et cuiuscumque alterius licencia super hoc minime requisita. Volumus autem, quod si unionem, annexionem et incorporacionem huiusmodi facere te contingeret, eisdem abbati et conventui, quod ipsam ecclesiam per se vel aliquem dicti monasterii monachum ydoneum ad eiusdem abbatis nutum ponendum et amovendum regere et gubernare ipsiusque ecclesie parrochianis ecclesiastica sacramenta ministrare et circa illam, donec heresis ipsa in partibus illis extirpata fuerit, habitare libere et licite valeant, eadem auctoritate concedas, quodque prefati abbas et conventus episcopalia iura solvere et alia racione dicte ecclesie incumbencia eis onera supportare teneantur, contradictores ..., non obstantibus... Nos enim... Datum Rome apud ss. Apostolos VII. kal. Aprilis pontificatus nostri a. octavo. Insertum litteris Petri [de Račice], praepositi collegiatae ecclesiae s. Mauritii in Kroměříž, per notarium publicum anno 1425 die 23. mensis Octobris Brunae confectis, quarum orig, perg. in archivo publico Brunae sub sign. Velehrad cisterc. E 10 asservatur — Typis excusum apud Hurt, Dějiny cisterciáckého kláštera na Velehradě I, pag. 294-296 — Reg. apud Šebánek, Archivy zrušených klášterů moravských a slezských, pag. 260, num. 1248 - 1) Vide num. 1284 1337. Praepositus Plocensis et cantor Vratislaviensis ecclesiarum ac officialis Poznaniensis conservatores bonorum ac iurium praepositi et capituli ecclesiae Gneznensis ad septennium deputantur. — „Militanti ecclesie“ —„Datum Rome apud ss. Apostolos sexto kal. Aprilis a. octavo. Romae, 1425 Martii 27. R. Vat. 358 (Mart. V. Divers. de curia a. I.—XIII.), fol. 96'-97 — Supra dext.: A. Wyt — In fine: Ja. XXXX de Cerretanis - Rep. Germ. IV, col. 876