665 B. p. Alias illustris princeps dominus marchio Moravie considerans, quod per Judeos tunc in opido Yglavia Olomucensis diocesis habitantes et certam partem illius occupantes incolis et habitatoribus eiusdem opidi, maxime causantibus perfidis Hussitis hereticis, orthodoxe fidei emulis et christiani nominis persecu- toribus ab ipso opido non longe distantibus, gravia possent dampna inferri et pericula, eosdem Judeos a prefato opido recedere compulit et domos eorum inter christifideles inibi commorantes distribui mandavit. Cum autem, pater beatissime, magister civium, consules et communitas dicti opidi, zelo devocionis accensi cupientes terrena in eterna felici commercio commutare, desiderant ad laudem divini nominis et in honorem sacratissimi Corporis Christi ac gloriosissime dei genitricis Virginis Marie et Omnium sanctorum quoddam sumptuosum edificium inibi constitutum, quod synagoga consuevit esse Judeorum, in capellam solempnem erigere et illam pro uno, duobus vel pluribus presbiteris, qui inibi divina peragant, sufficienter dotare propo- nant, si ad hoc sedis apostolice accedat auctoritas, presertim ex eo, quod in eodem opido, quod multum populosum est et dictis Hussitis hereticis vicibus iteratis viriliter restitit, unica tantum parrochialis ecclesia esse dinoscitur, attento eo, quod circa dictum opidum plurime ecclesie per illos hereticos Hussitas sunt anni- chilate et ruinam passe, que sine periculo et grandi iactura nequaquam possunt reparari, cum tale opidum in faucibus regni Bohemie existens pre ceteris omnibus plures ex illis hereticis prostravit et die hodierna pro- sternere non desistit, supplicatur humiliter ... pro parte magistri civium, consulum et communitatis ac habitatorum predictorum, quatenus eis licenciam faciendi premissa sine requisicione alterius cuiuscumque benigne concedere necnon ius presentandi ad beneficia ecclesiastica inibi instituenda ordinario loci pro prima vice, et quociens illa exinde vacare contigerit, eisdem magistro civium et consulibus dicti opidi, qui erunt pro tempore, perpetue reservari dignemini de gracia speciali... Fiat ut petitur et committatur O. Datum Rome apud ss. Apostolos kal. Februarii a. decimo. R. Suppl. 206 (lib. II de vacant. per fiat a. decimo), fol. 222'-223 - Vide num. proxime sequentem 1711. Praeposito ecclesiae s. Petri Brunensis mandatur, ut magistro civium, consulibus et communitati oppidi Jihlava Olomucensis dioecesis synagogam Judaeorum de dicto oppido expulsorum in capellam sub vocabulo Corporis dominici erigendi licentiam largiatur. Romae, 1427 Februarii 1. D. f. preposito ecclesie Montis s. Petri in Brunna Olomucensis diocesis salutem et apostolicam bene- diccionem. Variis quamvis distracti curis ... Sane pro parte dd. ff. magistri civium, consulum et communitatis opidi Yglavia Olomucensis diocesis nobis nuper exhibita peticio continebatl), quoad alias nobilis vir Albertus, dux Austrie marchioque Moravie, cuius temporali dicioni opidum ipsum subiectum est, provide considerans, quod per Judeos, qui in suis domibus in dicto opido eciam inibi synagogam habentes inter christifideles moram tunc trahebant, communitati huiusmodi ac ipsius opidi habitatoribus et incolis a regno Boemie, quo plerique perfidi et heresum erroribus implicati christianique nominis inimici versantur, non longe distantibus gravia possent damna animarumque pericula detestabiliter instaurari, Judeos ab ipso opido expulit et domos huiusmodi inter christifideles eosdem distribui et illis assignari mandavit. Cum autem, sicut eadem peticio subiungebat, ipsi magister civium, consules et communitas, qui plures numero sunt et manu suffragante domini multos de dicto regno heresis labe respersos prostrarunt, ad pociorem nominis extollenciam et cultus huiusmodi incrementum ac pro judaica peramplius inibi confundenda spurci- cia, si desuper eis apostolice sedis opituletur auctoritas, opus non mediocriter sumptuosum alias synagoge eiusdem in capellam in honorem et sub vocabulo sacratissimi Corporis dominici et gloriosissime dei genitri- cis Marie virginis decemque milium martirum et Omnium sanctorum erigere et in illa unum, duo vel plura beneficia ecclesiastica sine cura pro totidem personis ydoneis missas inibi et alia divina officia pro tempore celebraturas instituere sufficienterque dotare proponant affectantes, quod ius patronatus et presentandi loci ordinario personas prefatas hac prima vice et quociens inantea vacaverint eis perpetuo reservetur, pro parte ipsorum magistri civium, consulum et communitatis, asserencium plures ecclesias circa dictum opidum per