512 1265. Obligatio Johannis ſdel Hradec Králové ad solvendum annatam praepositurae ecclesiae s. Petri Brunensis. 1424 Novembris 8. Eadem die [octava mensis Novembris 1424] Johannes Greczregine principalis obligavit se camere super annata prepositure ecclesie s. Petri in Brunna Olomucensis diocesis, cuius fructus 45 marcharum argenti puri com. ext., vacantis per obitum Bartholomei, ultimi possessoris, extra curiam, collate eidem Rome apud s. Mariam Maiorem XI. kal. Octobris a. septimo. 1) Arch. Vat., Fondo dell' Arch. di Stato: Lib. oblig. annat. 2 (a. 1424-1427), fol. 12 - 1) Vide num. 1239 1266. Archiepiscopo Leopoliensi mandatur, ut omnibus archiepiscopis, episcopis, abbatibus, praelatis et quibuscunque aliis personis ecclesiasticis per regnum Poloniae ubilibet constitutis unam aut duas decimas super universis fructibus ecclesiasticis usque ad summam viginti milium florenorum auri infra duorum annorum spatium exnunc inantea computandum in moneta in singulis partibus dicti regni currente exigen- das imponat et ad usum Vladislai, regis Poloniae, qui, sicut ex parte ipsius regis fuit coram papa propositum, pro extollenda, que nos regeneravit in Christo, matre nostra ecclesia catholica necnon extirpaci- one heresum christiane veritati obviancium dudum in regno Boemie et marchionatu Moravie damnabiliter subortarum adversus malignitatis et iniquitatis reprobos homines Vikleffistas et Husistas ac reliquos earun- dem heresum fautores catholicam ecclesiam comprimere et orthodoxe fidei cultores lacrimabiliter impugnare satagentes, tuicione quoque et deffensione christianitatis, ne talibus erroribus maculetur et infici- atur, cum magna armigerorum gencium multitudine, non sine maximis expensarum profluviis gravibusque laboribus et incomodis, in Christi nomine adversus hereticos prefatos, prout significatum est nobis per ora- torem suum super hoc ad nos specialiter destinatum, intendat personaliter in Boemia proficisci aut potentem suarum gencium exercitum destinare, et propterea ... sibi supportabiles expensas prospiciat imminere, con- vertat, sic videlicet, ut, postquam ipsi archiepiscopo constiterit ipsum regem cum eius exercitu personaliter ire velle aut huiusmodi exercitum cum effectu mittere contra Boemos hereticos supradictos, in primo anno profeccionis vel missionis sue contra predictos hereticos decem millia et in alio anno sequenti eciam alia decem millia florenorum eidem regi auctoritate apostolica assignet. - „Ad preclara devocionis et fider merita“ — „Datum Rome apud s. Mariam Maiorem V. id. Novembris pontitificatus nostri a. septimo. Romae, 1424 Novembris 9. R. Vat. 355 (Mart. V. De curia a. VII.-IX.), fol. 114-116' — Supra: (sin.) B. de Montepoliciano; (dext.) Gratis de mandato domini nostri pape — In fine: (sin.) Coll. per me Ant.; (dext.) C. de Thomacellis 1267. Sigismundus, rex Romanorum, supplicat, ut sacrae reliquiae et insignia Romani imperii in civitate Nürnberg Bambergensis dioecesis reponantur nec non omnibus, qui eorum ostensionibus et horis canonicis ac missarum sollemniis annuatim personaliter interfuerint, indulgentiae concedantur. Romae, 1424 Novembris 10. B. p. Quia sacre reliquie, videlicet magna pars ligni sancte crucis, cui dominus noster Jesus Christus affixus est, lancea, qua eius latus, clavus unus, quo eius manus perforate existant, et particula presepis, in quo positus fuerat, ac brachium s. Anne, particula de cathenis ss. Petri, Pauli et Johannis apostolorum, tunica s. Johannis Ewang., dens s. Johannis Bapt., gladius s. Mauricii necnon gladius s. Caroli Magni, ei per angelum celitus porrectus, cum corona, ceptro, pomo et singulis indumentis imperialibus eiusdem insignia imperialia vulgariter nuncupata ex eo, quod sacrum imperium non per hereditariam successionem, sed elec- cionem de uno in alium consuevit transferri, sepius extra Romani regis potestatem in longo tempore permanserunt et, sicut cronice attestantur, plurimus sangwis pro earum recuperacione multis vicibus est