80 Supplicat St Ve fidelis et dev. filius nobilis vir Nicolaus de Tluchawo, subcamerarius terre Dobbrinen- sis Plocensis diocesis, quatenus ipsum in peticionibus suis infrascriptis ac suorum dilectorum graciose exaudire huiusmodique peticiones ad omnes eorum effectus graciose signare manu vestra benedicta de gracia speciali. * . * Item quatenus nobilibus Ulrico de Lylecz dicto de Scalci militi et eius uxori in presenciarum existenti Olomucensis diocesis, ut coram eis et eorum familia misse et alia divina officia in altari portatili et in locis interdictis ac eciam ante diem per eorum proprium vel alium sacerdotem ydoneum celebrentur, concedere in forma cancellarie de gracia speciali. Item quatenus similem graciam facientes, ut immediate premittitur, Procopio dicto Herolt de Horoleys armigero et Agnete, eius uxori, Olomucensis diocesis et Bedrico de Liliz dicto Motika armigero ac eius uxori ac familie eorum, ut supra, concedere dignemini... .. Item quatenus similem graciam facientes Johanni de Mortiwan de Maloticz et eius uxori et familie Olomucensis diocesis..., ut immediate superius. Item quatenus Johanni de Iglavia, presbitero Olomucensis diocesis, altare portatile eciam tempore interdicti pro se vel pro se divina celebrare officia in presencia sue familie et sex personarum, si ipsas advenire contigerit, concedere dignemini de gracia speciali. fol. 135-135': Concessum remissionem in mortis articulo et altare portatile simpliciter in forma pro magnis nobilibus. Constancie sextodecimo kal. Februarii a. primo. R. Suppl. 109 (lib. III de vacant. per concessum a. primo), fol. 134-134' - In marg.: Jo. Constantinus 183. Praeposito ecclesiae Omnium sanctorum alias s. Stephani in Vienna ad supplicationem Alberti, ducis Austriae, mandatur, ut in monasterio in Schlägl Pataviensis dioecesis non solum Bohemos, sed etiam quoscun- que alios clericos cuiuslibet originis sive nationis in canonicos recipi faciat. Constantiae, 1418 Januarii 17. D. f. preposito ecclesie Omnium sanctorum alias s. Stephani in Wyenna Pataviensis diocesis salutem etc. Ex apostolice servitutis nobis iniuncto desuper officio...Exhibita siquidem nobis nuper pro parte d. f. no- bilis viri Alberti, ducis Austrie, peticio continebat, quod, cum in monasterio zu dem Slegel, sub ipsius ducis temporali dominio, ducatu videlicet Austrie, consistente Premonstratensis ordinis Pataviensis diocesis, nacione dumtaxat Boemi per d. f. Martinum, ipsius monasterii abbatem, qui de nacione predicta originem traxisse dinoscitur, interim quo monasterio prefuit eidem, quamvis id alias dicti monasterii non suadent consuetudines vel instituta, in canonicos recepti fuerunt et in fratres, nonnulli ducatus eiusdem illiusque habitatorum et incolarum dicte nacionis notorii hostes et emuli per plerosque ex canonicis inibi nacionis predicte in eodem monasterio nonnunquam collecti ac sustentati fuerunt in ducis necnon habitatorum et incolarum ac ducatus predictorum lesionem, non modicum damnum pariter et iacturam, ipseque dux, suorum potissime subditorum pacem siciens et quietem ac execrabiles, prochdolor, in regno Boemie serpentes hereses et errores, ut congruit, possetenus refugiens, nisi in monasterio ipso eciam aliarum nacionum viri commendabiles et ydonei in canonicos substituantur et in fratres, se necnon huiusmodi habitatores, incolas et ducatum per huiusmodi collecciones et sustentaciones per eosdem canonicos nacionis predicte verisimiliter acceptandas ulterioribus ipsorum hostium laqueis obvolvi, inibi quoque contagionis morbo diffuso huiusmodi errores et hereses vigere atque pullulare posse trepidat tempore procedente. Quare pro parte dicti ducis nobis fuit humiliter supplicatum, ut in premissis opportune providere de benignitate apostolica dignaremur. Nos igitur... huiusmodi supplicacionibus inclinati, discrecioni tue per apostolica scripta mandamus, quatenus, si est ita, in dicto monasterio eciam quoscunque alios originis sive nacionis