95 214. Cum Johanne Nicolai Strelin, canonico Vratislaviensi, dispensatur, ut quodcumque beneficium ecclesiasti- cum parochiali ecclesia excepta recipere et una cum praepositura dictae ecclesiae, quoad vixerit, retinere possit. Constantiae, 1418 Februarii 19. D. f. Johanni Nicolai Strelyn, canonico Wratislaviensi, salutem etc. Vite ac morum honestas ... Volentes igitur te ... favore prosequi gracioso, tuis in hac parte supplicacionibus inclinati), tecum, qui... preposituram maioris ... et eiusdem ac s. Crucis Wratislaviensis canonicatus et prebendas ecclesiarum, quorum omnium fructus ... quinquaginta marcharum argenti... valorem annuum non excedunt, obtines, ut quodcunque parrochiali ecclesia excepta beneficium ecclesiasticum incompatibile ..., si illud tibi canoni- ce conferatur vel assumaris ad illud, una cum dicta prepositura, quoad vixeris, retinere illaque ... dimittere et loco dimissi vel dimissorum aliud vel alia... beneficia... ecclesiastica, duo tantum invicem imcompatibi- lia, dummodo aliquod illorum parrochialis ecclesia non existat, recipere et eciam, quoad vixeris, retinere libere et licite valeas,... de speciali gracia dispensamus, proviso, quod prepositura ac alia beneficia huiusmodi debitis propterea non fraudentur obsequiis et animarum cura ... nullatenus negligatur. Nulli ergo etc. Si quis etc. Datum Constancie undecimo kal. Marcii a. primo. R. Lat. 187 (Mart. V. a. I.), fol. 217 (De diversis formis a. primo) — In fine: Antonius XXX de Ponto - In marg. per eundem Antonium adscr.: Super ista littera avisavi dominos de cancellaria — Rep. Germ. IV, col. 2190 — 1) Vide num. 185 215. Stephanus de Telč, presbyter Olomucensis dioecesis, supplicat, ut sibi de parochiali ecclesia in Medlov dictae dioecesis de novo provideatur. Constantiae, 1418 Februarii 22. B. p. Vacante parrochiali ecclesia in Medla Olomucensis diocesis per mortem quondam Ade de Schonwald, ultimi ipsius ecclesie rectoris extra Romanam curiam defuncti, dev. vester Stephanus de Telcz, presbiter eiusdem diocesis, ad eandem ecclesiam per laicum patronum, ad quem ius patronatus eiusdem ecclesie iusto titulo dinoscitur pertinere, loci ordinario fuit presentatus, quam auctoritate ordinaria sibi collatam fuit canonice assecutus; dubitat tamen ...Quare supplicat... idem Stephanus, quatenus sibi... de dicta ecclesia parrochiali, cuius fructus etc. sexdecim marcharum argenti ... valorem annuum non excedunt, ... dignemini de novo misericorditer providere... Concessum. Datum Constancie octavo kal. Marcii a. primo. R. Suppl. 111 (lib. V de vacant. per concessum a. primo), fol. 200' — In marg.: R. Aretinus, Pennensis 216. Episcopo Spoletano et abbati monasterii Scotorum Viennensis ac decano ecclesiae Olomucensis manda- tur, ut Johanni Fabri, presbytero Olomucensis dioecesis, parochialem ecclesiam in Břeclay eiusdem dioecesis de qua ipsi auctoritate ordinaria provisum est, auctoritate apostolica conferant. Constantiae, 1418 Februarii 22. Ven. fr. episcopo Spoletano et dd. ff. abbati monasterii Scotorum in Wienna Pataviensis diocesis ac decano ecclesie Olomucensis salutem etc. Vite ac morum honestas aliaque ... merita, super quibus ... d. f. Johannes Fabri, presbiter Olomucensis diocesis,... commendatur..., nos inducunt, ut sibi reddamur ad graciam liberales. Exhibita siquidem nobis nuper pro parte dicti Johannis peticio continebat, quod olim parrochiali ecclesia in Braczlaw dicte diocesis, quam quondam Hermannus, ultimus ipsius ecclesie rector, dum viveret, obtinebat, per eiusdem Hermanni obitum... vacante, d. in Christo f. Braxedis, abbatissa monasterii s. Marie in Usslavia Cisterciensis ordinis eiusdem diocesis, cum ad abbatissam dicti monasterii pro tempore existentem eiusdem ecclesie, cum vacat, collacio et provisio de antiqua ... consuetudine