70 150. Augustinus Auwer, clericus Vratislaviensis dioecesis, supplicat, ut sibi de quodam altari, quod pro altari S. Crucis sito in ecclesia s. Nicolai in Otmuchów permutavit, provideatur. Constantiae, 1418 Januarii II. B. p. Licet dudum dominus Balthasar, tunc Johannes papa XXIII., dev. vestro Augustino Auwer, clerico Wratislaviensis diocesis, de perpetuo beneficio prebenda nuncupato in ecclesia monasterii s. Georgii in castro Pragensi tunc certo modo vacante graciose mandavit provideri, volens inter cetera, quod idem Augustinus, quamprimum dictum beneficium foret pacifice assecutus, altare s. Crucis in ecclesia s. Nicolai Othmuchoviensi Wratislaviensis diocesis, quod ipse Augustinus tunc obtinebat, libere dimittere teneretur1), verum... dictus Augustinus, antequam dicti beneficii ecclesiastici, super quo eciam in... palacio apostolico noscitur litigare2), possessionem foret pacifice assecutus, prout nondum habet, dictum altare, quod se obtulit dimissurum, pro alio altari [...]3); dubitat tamen ... Quare supplicat ... dictus Augustinus, quatenus ... permutacionem et assecucionem predictas ratas habentes omnesque defectus supplentes, easdem ex certa sciencia confirmare ac sibi de dicto altari ... dignemini misericorditer providere. Non obstante dicto perpetuo beneficio prebenda nuncupato, cuius fructus etc. octo marcharum argenti... valorem annuum non excedunt, super quo in palacio apostolico, ut prefertur, litigat... Concessum. Datum Constancie tercio id. Januarii a. primo. R. Suppl. 113 (lib. VII de vacant. per concessum a. primo), fol. 35'-36 — In marg.: Jo. Lubucensis - Rep. Germ. IV, col. 168 — 1) Vide Mon Boh. Vat. VI, pag. 332-333, num. 496 -2) Vide num. 55 huius libri — 3) Charta in his locis valde corrupta est, ita ut scriptura legi non possit 151. Nicolaus Vineatoris de Brzeg, clericus Vratislaviensis dioecesis, supplicat, ut sibi de parochiali ecclesia in Stobno dictae dioecesis, super qua in palatio apostolico cum Petro Hugkewicz litigat, provideatur. Constantiae, 1418 Januarii II. B. p. Lite et causa vertentibus in vestro s. palacio apostolico causarum coram ... domino Johanne Nasonis ... auditore inter ... Nicolaum Vineatoris de Brega, clericum Wratislaviensis diocesis, ex una et quendam Petrum Hugkewicz, assertum presbiterum dicte diocesis, de et super parrochiali ecclesia in Stobna dicte diocesis ... parte ex altera, inter partes ipsas et in huiusmodi causa coram eodem domino auditore ad nonnullos actus iudiciarios, citra tamen conclusionem, processo..., verum ...a nonnullis asseritur neutri predictorum litigancium in et ad dictam ecclesiam ius competere. Supplicat igitur ... dictus Nicolaus, quatenus prefato domino auditori committere dignemini et mandare, ut, si sibi per eventum litis huiusmodi constiterit neutri dictorum litigancium in prefata ecclesia... ius competere, eandem ecclesiam, cuius fructus etc. octo marcharum argenti... valorem annuum non excedunt, eciam si alio quovismodo ... vel per liberam resignacionem Petri Clobogk, presbiteri Cracoviensis diocesis, extra Romanam curiam ... sponte factam... vacet ..., eidem Nicolao auctoritate apostolica conferat ac eciam provideat de eadem ... Concessum. Datum Constancie tercio id. Januarii a. primo. R. Suppl. 113 (lib. VII de vacant. per concessum a. primo), fol. 38' — In marg.: Pennensis - Rep. Germ. IV, col. 3026 152. Johannes Jenkewicz [ de Namyslów] supplicat, ut sibi de cancellaria ecclesiae Vratislaviensis, quam per obitum Laurentii Sachse vacantem auctoritate ordinaria assecutus est, de novo provideatur, non obstantibus canonicatibus et praebendis in Vratislaviensi et in collegiata s. Crucis Vratislaviensi ecclesiis, quae obti- net. - „Concessum. Datum Constancie tercio id. Januarii a. primo. Constantiae, 1418 Januarii II. R. Suppl. 113 (lib. VII de vacant. per concessum a. primo), fol. 114' - Rep. Germ. IV, col. 2059 — Conf. num. 568