19 35. Vincentius Johannis Cursoris de Jordanów supplicat, ut sibi de canonicatu et praebenda ecclesiae Vratisla- viensis nec non de parochiali ecclesia in Toszek Vratislaviensis dioecesis provideatur. Constantiae, 1417 Novembris 27. B. p. Canonicatu et prebenda ecclesie Wratislaviensis per obitum quondam Johannis de Budissin extra Romanam curiam defuncti vacantibus, dev. vester Vincencius Johannis Cursoris de Jordansmol, clericus Wratislaviensis diocesis, illos vigore ... gracie expectative infra tempus legitimum acceptavit et sibi de eis obtinuit provideri; dubitat tamen ... Supplicat igitur ... dictus Vincencius, quantenus sibi de eisdem canonicatu et prebenda, quorum fructus etc. decem marcharum argenti... valorem annuum non excedunt, ... dignemini de novo providere... Non obstantibus, quod ss. Petri et Pauli apostolorum ac b. Barbare in S. Egidii necnon s. Nicolai ac b. Barbare, Dorothee et Hedwigis in s. Crucis Wratislaviensibus altaria sine cura obtinet et super canonicatu et prebenda in s. Mauricii in Cremsir Olomucensis [diocesis] ecclesiis, quorum altarium fructus sex marcharum similis argenti ... valorem annuum non excedunt, in palacio apostolico litigat, quos canonicatum et prebendam s. Mauricii ac omne ius sibi in et ad eos quomodolibet competens exnunc in manibus eiusdem Sts Ve resignat atque dimittit... Item... lite pendente in palacio apostolico inter Johannem de Hassia et Petrum de Wartenberg, clericos Wratislaviensis diocesis assertos, de et super parrochiali ecclesia in Tost diocesis predicte coram certo auditore causarum palacii predicti et in causa huiusmodi ... ad nonnullos actus citra conclusionem processo, ab aliquibus neutrum dictorum Johannis et Petri in dicta ecclesia vel ad eam ius habere asseritur. Quapropter supplicat ... dev. vester Vincencius prefatus, quatenus auditori predicto seu alteri in causa huiusmodi in prima, secunda seu tercia instancia surrogando committere dignemini, ut, si per eventum litis huiusmodi sibi constiterit neutri dictorum Johannis et Petri in dicta ecclesia vel ad eam ius competere, de eadem ecclesia, cuius fructus etc. undecim marcharum argenti ... valorem annuum non excedunt, sive premisso, sive alio quovismodo ..., sive per mortem seu liberam resignacionem Petri Drivsk in Romana curia... vacet..., eidem Vincencio provideat ... Concessum. Datum Constancie quinto kal. Decembris a. primo. R. Suppl. 105 (lib. I de vacant. per concessum a. primo), fol. 128-128' — In marg.: Jo. Constantinus - Altera earundem supplicationum etiam in fol. 282'—283 eiusdem tomi registrorum, sub datis autem „tercio kal. Decembris a. primo“ (29. Novembris 1417), registrata invenitur — Rep. Germ. IV, col. 3794 - Conf. num. 37 36. Franciscus Czegenbein, presbyter Vratislaviensis dioecesis, supplicat, ut sibi de parochiali ecclesia s. Johan- nis in Paczków dictae dioecesis, quam auctoritate apostolica assecutus est, de novo provideatur. Constantiae, 1417 Novembris 27. B. p. Nuper vacante parrochiali ecclesia s. Johannis in Paczkaw Wratislaviensis diocesis per obitum quondam Petri Gliwiecz, litterarum apostolicarum abbreviatoris extra Romanam curiam defuncti, dev. vester Franciscus Czegenbeyn, presbiter dicte diocesis, eandem auctoritate apostolica assecutus est; dubitat tamen ... Quapropter supplicat ... dictus Franciscus, quatenus sibi de eadem ecclesia, cuius fructus etc. sedecim marcharum argenti ... valorem annuum non excedunt, ... de novo dignemini providere. Non obstantibus, quod super canonicatu et prebenda [ecclesie] Opoliensis Wratislaviensis diocesis in palacio apostolico litigat, ac tribus aliis beneficiis sine cura, quorum omnium fructus etc. decem et octo marcharum ... valorem annuum non excedunt ... Concessum. Datum Constancie quinto kal. Decembris a. primo. R. Suppl. 105 (lib. I de vacant. per concessum a. primo), fol. 281-281' — In marg.: Pennensis - Rep. Germ. IV, col. 701 37. Johannes de Hassia, in medicinis doctor, supplicat, ut sibi de parochiali ecclesia in Toszek Vratislaviensis dioecesis auctoritate ordinaria ipsi collata de novo provideatur. Constantiae, 1417 Novembris 27.