369 898. Officiali Vratislaviensi mandatur, ut Nicolao Snesko, presbytero Vratislaviensis dioecesis, beneficium ecclesiasticum cum vel sine cura consuetum clericis saecularibus assignari, cuius fructus 25 resp. 18 marcarum argenti valorem annuum non excedunt, ad collationem episcopi et capituli ecclesiae Vratislaviensis nec non abbatis et conventus monasterii in Lubiąza) Cisterciensis ordinis dictae dioecesis communiter vel divisim pertinens, si quod vacat ad praesens vel cum vacaverit, reservet. — „Dignum arbitramur“—„Datum Rome apud s. Petrum quarto id. Februarii a. quinto. Romae, 1422 Februarii 10. R. Lat. 229 (Mart. V. a. V.), fol. 292�293 (De beneficiis vacaturis a. quinto) — Supra dext.: Holair — In fine: Franciscus XX secundo kal. Marcii a. quinto de Agello — Rep. Germ. IV, col. 3031 - a) ,Lubens' in reg. 899. Johannes Jenkewicz de Namyslów supplicat, ut cancellariam ecclesiae Vratislaviensis et decanatum ecclesiae s. Sepulcri dominici Legnicensis insimul, quoad vixerit, retinere valeat. Romae, 1422 Februarii 12. B. p. Alias Stas Va cum dev. vestro oratore Johanne Jenkewicz de Namslavia, cancellario Wratislaviensi, ut una cum cancellaria ecclesie Wratislaviensis, que dignitas existit, quam possedit et possidet et de qua sibi auctoritate apostolica erat provisum1), unam aliam dignitatem vel personatum seu cum cura officium aut beneficium, eciam si parrochialis ecclesia foret, si sibi alias canonice conferentur, recipere et retinere usque ad biennium libere et licite valeret ..., misericorditer dispensavit.2) Postquam idem Johannes decanatum ecclesie s. Sepulcri dominici Legnicensis Wratislaviensis diocesis, que dignitas curata ... in eadem ecclesia existit, extitit assecutus. Supplicat igitur ... dictus Johannes, quatenus secum, ut huiusmodi cancellariam ... ac decanatum et illis dimissis quecunque alia beneficia ecclesiastica, duo tamen incompatibilia,... recipere et, quoad vixerit, retinere... valeat..., dignemini misericorditer dispensare. Non obstantibus, quod idem Johannes canonicatum et prebendam ecclesie Wratislaviensis obtinet, quorum trigintasex et dictorum decanatus et cancellarie vigintisex marcharum argenti puri fructus ... valorem annuum non excedunt... Fiat O. Datum Rome apud s. Petrum pridie id. Februarii a. quinto. R. Suppl. 160 (lib. III de vacant. per fiat a. quinto), fol. 166'-167 - Rep. Germ. IV, col. 2059 - 1) Conf. num. 568 — 2) Conf. num. 643 900. Omnes christifideles, qui papa exhortante contra haereticos in regno Bohemiae vicinisque partibus manu armata insurrexerunt, nonnullos dictorum haereticorum in pluribus proeliis occiderunt ipsorumque oppida et villas ignis incendio cum habitantibus in eis concremaverunt, nullas praemissorum occasione excommunicationis et suspensionis sententias, inhabilitatis notam seu irregularitatis maculam incurrisse declaratur. Romae, 1422 Februarii 13. Ad futuram rei memoriam. Animarum salutem, incrementum vere fidei ac quietem et pacem cunctis christifidelibus adesse permaxime exoptantes eos, qui pro huiusmodi fidei conservacione non solum sua, sed semetipsos abnegantes contra inimicos Christi morti exponere non formidant, libenter preservamus a noxiis, et que illis utilia fore cognoscimus, quantum cum deo possumus, concedimus graciose. Dudum siquidem, quod dolenter referimus, sencientes in regno Bohemie et nonnullis partibus illis contiguis vel subiectis pravitatem hereticam adeo excrevisse, quod, nisi provideretur celeriter, orthodoxis de fidei exterminacione poterat non inmerito formidari, bo. me. Johannem, tit. s. Sixti presbiterum cardinalem, apostolice sedis legatum tanquam pacis angelum nonnullosque prelatos et personas ydoneas, quorum honesta conversacio exemplum tribueret puritatis et erudita labia doctrinam funderent salutarem, ut sacro illorum ministerio partes ille ab huiusmodi contagiis purgarentur, ad regnum et partes misimus prelibatas. Et cum regni et