373 A qua pro parte dicti Jacobi appellato et causa appellacionis huiusmodi... Friderico Deys ... auditori extitit commissa, in qua ad nonnullos actus iudiciales, citra tamen conclusionem, processo, cuius litis statum ac instrumentorum concordie et eius revocacionis eadem Stas Va dignetur habere pro sufficienter expressis. Ne ergo ... idem Jacobus per huiusmodi sinistros modos iure suo destituatur et gracie sue careat effectu et dicto Gabrieli detur occasio huiusmodi beneficium diucius occupandi, de cuius non iuris premissis subterfu- giis demptis clarissime constare poterit, supplicatur... pro parte dicti Jacobi, quatenus auditori huiusmodi cause committere dignemini et mandare, ut, si sibi constiterit ex actis cause et productis vel imposterum producendis de diligencia circa insinuacionem, ut prefertur, facta..., quod huiusmodi concordie instru- mentum et actus in eodem contentus sit illicitus seu saltem erroneus et per ipsum exponentem revocatus, quod iuramentum quodcunque, si quod appositum reperitur, relaxat et ulterius ad huiusmodi cause decisionem procedat perinde, ac si dicta insinuacio in loco beneficii facta et dicta concordia minime celebrata existeret et... huiusmodi iuramentum prestitum non fuisset, regulis cancellarie, maiori decreto ac concordia predictis et aliis in contrarium editis non obstantibus quibuscunque. Fiat de relaxacione iuramenti ad finem agendi O. Datum Rome apud s. Petrum sextodecimo kal. Marcii a. quinto. R. Suppl. 160 (lib. III de vacant. per fiat a. quinto), fol. 223'�224 - Rep. Germ. IV, col. 1528 904. Fernando, episcopo Lucensi, apostolico nuntio ad regna Hungariae et Bohemiae pro exstirpanda Wiklefistarum haeresi misso mandatur, ut magistro Martino Talayero de florenorum summa, quam ei de provisione sibi ratione praefatae nuntiationis assignata pro quolibet mense contribuere tenetur, efficaciter et integre satisfaciat. Romae, 1422 Februarii 18. Ven. fr. Fernando, episcopo Lucensi, nuncio nostro, salutem etc. Cum dudum te ad regnum Ungarie et Bohemie pro nonnullis nostris et Romane ecclesie arduis negociis, et presertim pro evellenda ac extirpan- da heresi Wikleffistarum, duxerimus transmittendum tibique octo primo et postea decem florenos auri de camere pro incumbentibus tibi exspensarum oneribus supportandis quolibet die deputaverimus, et maxime ut d. f. Martino Talayero, magistro in sacra pagina per nos tecum destinato, ut tibi in premissis assisteret auxiliis, consiliis aut favoribus oportunis, expensas condecentes cum duobus familiaribus et tribus equis efficeres eidemque Martino viginti florenos auri similes quolibet mense pro aliis expensis quotidie per ipsum subeundis de provisione tibi assignata contribueres, et, ut accepimus, ipse iam duobus annis elapsis a te vix quinquaginta florenos acceperit ac pondus diei et estus cum omni promptitudine vigilanter pertulerit et plurimum indigere noscatur, et inter alia de mense Septembris proxime preteriti tibi concessum sit, ut clerus Ungarie tibi pro premissis tria milia florenorum contribuere teneatur, nos eidem Martino, quem plurimum paterno affectu complectimur et quem in negociis iniunctis cum omni fidelitate, diligencia ac solicitudine laborasse et indefesso studio laborare didicimus, ac necessitatibus suis salubri remedio, prout debitum est, providere volentes, fraternitati tue stricte presencium tenore mandamus, quatenus de provisione tibi, ut prefertur, deputata eidem Martino pro tempore preterito ad racionem florenorum viginti auri predictorum pro quolibet mense, omni excepcione remota, efficaciter et integre satisfacias ac eciam in futurum quolibet mense ad eandem racionem sibi contribuere tenearis, faciendo eciam eidem cum duobus familiaribus et tribus equis, ut prefertur, expensas tua nunciacione durante, taliter te in premissis habiturus, ut de prompti- tudine obediencie apud nos et apostolicam sedem possis merito commendari. Datum Rome apud s. Petrum duodecimo kal. Marcii pontificatus nostri a. quinto. R. Vat. 353 (Mart. V. De curia a. III.—V.), fol. 333—333' — Supra: (sin.) M. de Pisis; (dext.) De curia — In fine: (sin.) Coll. per me Ay. Gervasii; (dext.) Jo. Montanya - Typis excusum apud Theiner, Vetera monumenta historica Hungariam sacram illustrantia, tom. II, pag. 203, num. 361