222 504. Heinricus Lubeneri de Glogovia Superiore (Glogówek), clericus Vratislaviensis dioecesis, supplicat, ut in omni iure ad canonicatum et praebendam ecclesiae b. Mariae Glogoviensis, quod Johannes Longi resignare proponit, provideatur. Item supplicat Vincentius Viti, ut ipsi altare s. Salvatoris situm in ecclesia Vratislaviensi, quod pro alio altari dictae ecclesiae invalide permutavit, denuo conferatur. Florentiae, 1419 Octobris 13. B. p. Cum dudum Johannes Longi, presbiter de Glogovia Superiori Wratislaviensis diocesis, in causa per eum contra Johannem Kerseber super canonicatu et prebenda ecclesie b. Marie Glogovie Maioris dicte diocesis, per obitum quondam Nicolai Gleibicz, scriptoris et abbreviatoris litterarum apostolicarum ..., vacantibus, in palacio apostolico mota ac inter eosdem Johannem Longi et Johannem Kerseber coram certo auditore apostolico ... ad nonnullos actus, citra tamen conclusionem, successive processum extitisset, asseritur a nonnullis prefatum Johannem Longi cause huiusmodi ac omni iuri sibi in dictis canonicatu et prebenda... quomodolibet competenti in manibus Vre Stis sponte et libere... cessisse vel saltim... cedere proponere. Supplicat igitur... dev. vester Heinricus Lubeneri de Glogovia Superiori, clericus Wratislavien- sis diocesis, quatenus ... eundem Heinricum in omni iure et ad huiusmodi ius surrogare necnon eum ad iuris et litis et cause huiusmodi prosecucionem et defensionem ... admittere sibique de dictis canonicatu et prebenda, quorum fructus etc. quindecim marcharum argenti puri cum distribucionibus cottidianis ad- iunctis valorem annuum non excedunt,... dignemini misericorditer providere... Non obstantibus altari Ss. Nicolai et Katherine sito in ecclesia parrochiali in Nimpez dicte diocesis, cuius fructus quinque marcha- rum simili extimacione non excedunt ... B. p. Cum nuper dev. vestri Heynczko Chwalibog bb. Philippi, Jacobi et Bartholomei apostolorum et Vincencius Viti s. Salvatoris altariste ecclesie Wratislaviensis dicta sua altaria invicem auctoritate ordinaria permutassent..., idem Heynczko infra quindecim dies dictam permutacionem immediate sequentes, sicut deo placuit, diem suum clausit extremum. Deinde altariste predicte ecclesie dictum Vincencium de et super dicto altari bb. Philippi, Jacobi etc. ... coram cantore ecclesie prefate, non ex delegacione apostolica, traxerint in causam allegantes dictum altare et eius fructus ex disposicione et eius fundacione facta ad eos coniunctim, ipse autem Vincencius ad se pertinere allegavit. Tandem dictus cantor in huiusmodi causa procedens, diffinitivam sentenciam pro dictis altaristis et contra Vincencium promulgavit, a qua quidem sentencia dictus Vincencius ad sedem apostolicam appellavit dictamque causam appellacionis et negocii principalis ... domino Petro Nardi... auditori committi obtinuit. Qui quidem auditor in huiusmodi causa ad nonnullos actus, citra tamen conclusionem, dicitur processisse... Verum...a nonnullis asseritur dictam permutacionem et alia inde secuta minime valere obstante regula cancellarie Vre Suis, quam Stas Vra dignetur hic habere pro expressa, ac quia dictum altare conferri alteri non poterat propter disposicionem predictam, quare supplicat ... dictus Vincencius, quatenus ... dicto auditori committere dignemini et mandare, quatenus ... eidem Vincencio regressum ad dictum altare s. Salvatoris concedat sibique de eodem1), cuius fructus etc. trium marcharum argenti... valorem annuum non excedunt,... provideat... Fiat ut petitur pro utroque O. Datum Florencie tercio id. Octobris a. secundo. R. Suppl. 132 (lib. XVI de vacant. per fiat a. secundo), fol. 265'-266' — In marg.: Cretensis — Rep. Germ. IV, col. 1178-1179 et 3798 — 1) Conf. num. 509 505. Procopius Clementis de Hradec Králové, clericus Pragensis dioecesis, supplicat, ut ad omne ius, quod Paulo de Toszek in canonicatu et praebenda ecclesiae Pragensis tempore sui obitus competebat, surrogetur. Florentiae, 1419 Octobris 13. B. p. Alias canonicatu et prebenda ecclesie Pragensis per obitum ... quondam Welislai extra Romanam curiam defuncti vacantibus, quidam Paulus de Tost, rector parrochialis ecclesie in Steynkirchen Pataviensis eidem facte ... acceptavit et sibi provideri obtinuit, diocesis1), eosdem vigore gracie expectative per Stem Vram