406 R. Lat. 228 (Mart. V. a. V.), fol. 181'-182' (De prebendis vacantibus a. quinto) — Supra dext.: Amedeus, N. Volrat — In fine: Ja. XI XIII non. Septembris a. quinto de Cerretanis - Rep. Germ. IV, col. 2429 986. Archiepiscopo Rigensi eiusque suffraganeis in Livoniae partibus constitutis mandatur, ut magistrum et fratres ordinis b. Mariae Theutonicorum Livoniae una cum generali magistro et fratribus eiusdem ordinis in Prussia contra haereticos Bohemos bellaturos iuvare studeant. Vicovarii, 1422 Augusti 29. Ven. fratribus archiepiscopo Rigensi et eius suffraganeis in Livonie partibus constitutis salutem etc. Nuper per nostras litteras dedimus in mandatis dd. ff. magistro et fratribus ordinis b. Marie Theotonicorum Jerosolimitanorum in eisdem Livonie partibus existentibus, ut, si contingat dd. ff. magistrum generalem et fratres dicti ordinis in Prussia consistentes insurgere et movere bellum contra Boemos hereticos ... et defensores eorum..., eis cum prelatis suis et tota potencia sua succurrant et eos iuvent...1) Et quia iustum est, ut in hac causa omnia insimul membra conveniant, fraternitates vestras paternis affectibus requirimus vobisque ... mandamus, ut ad omnem requisicionem prefatorum magistri et fratrum Livonie insurgatis eciam vos cum tota potencia vestra contra predictos Boemos hereticos et fautores eorundem ipsosque magistrum et fratres Livonie sic iuvare conemini in hoc iusto proposito, ut sancta Christi religio cumulatis viribus ... deffendatur, concessionibus et indultis apostolicis, si qua forsitan emanassent in favorem aliquorum tunc non suspectorum, quod faverent hereticis et modo favere noscantur, ac inhibicionibus et processibus et aliis in contrarium facientibus non obstantibus quibuscunque. Datum Vicovarii Tiburtine diocesis quarto kal. Septembris pontificatus nostri a. quinto. R. Vat. 354 (Mart. V. De curia a. IV.-VI.), fol. 107-107' — Supra: (sin.) A. de Luschis; (dext.) De curia — In fine: (sin.) Coll. per me Ay. Gervasii; (dext.) Jo. Vyrnonis. Inferius: Item fuit dupplicata per eundem - Rep. Germ. IV, col. 3290 - 1) Vide num. 950 987. Praeposito ecclesiae in Kroměříž mandatur, ut a Sigismundo de [Ceské] Budějovice resignationem canonicatus et praebendae ecclesiae a. Apollinaris Pragensis auctoritate apostolica recipiat atque dictum canonicatum et praebendam Venceslao Sindlini de Bruna conferat. Vicovarii, 1422 Augusti 31. D. f. preposito ecclesie Cremsirensis Olomucensis diocesis salutem etc. Dignum arbitramur etc. Cum itaque, sicut accepimus, d. f. Sigismundus de Budweys, canonicus ecclesie s. Apollinaris Pragensis, canonica- tum et prebendam eiusdem ecclesie, quos obtinet, sponte et libere resignare proponat, nos votis ipsius Sigismundi in hac parte favorabiliter annuentes ac volentes d. f. Wenceslaum Sindlini de Brunna, archidiaco- num Breczlaviensem Olomucensis diocesis, bacallarium in decretis, ... favore prosequi gracioso, discrecioni tue per apostolica scripta committimus et mandamus, quatenus ab eodem Sigismundo... resignacionem huiusmodi... auctoritate nostra hac vice duntaxat recipias et admittas eaque per te recepta et admissa... canonicatum et prebendam predictos, quorum fructus ... decem marcharum argenti ... valorem annuum .... non excedunt, ... eidem Wenceslao auctoritate predicta conferas et assignes, inducens ..., contradicto- res ..., non obstantibus ... seu quod idem Wenceslaus, ut asserit, archidiaconatum Breczlaviensem ... ac in s. Petri in Brunna et in s. Petri in Melnico Olomucensis predicte et Pragensis diocesis canonicatus et prebendas, quorum omnium fructus ... triginta marcharum argenti... valorem annuum non excedunt, obtinet et dudum in canonicum in Olomucensi ecclesiis extitit ordinaria auctoritate receptus. Ceterum cum non sit verisimile, quod quis sua beneficia multis forsan laboribus acquisita... absque magna causa sponte resignet, attente provideas, ne in resignacione huiusmodi, si fiat, ex parte Sigismundi et Wenceslai predicto- rum aliqua pravitas interveniat seu eciam corruptella. Nos enim ... Datum Vicovarii Tiburtine diocesis secundo kal. Septembris a. quinto.