196 441. Johannes Wyndinch, qui in iure canonico Bononiae studuit, supplicat, ut sibi de archidiaconatu ecclesiae s. Sepulcri dominici Legnicensis provideatur. Florentiae, 1419 Maii 31. Supplicat Sti Vre dev. vester Johannes Wyndinch, qui in studio Bononiensi in iure canonico studuit, quatenus sibi ... de archidiaconatu [ecclesie] s. Sepulchri dominici in Legenicz Wratislaviensis diocesis, eciam si dignitas curata ... in ipsa ecclesia fuerit, cuius fructus etc. vigintiquinque marcharum argenti... valorem annuum non excedunt, vacante per munus consecracionis impensum aut impendendum... domino Conrado ad ecclesiam Wratislaviensem promoto, aut si per ipsius domini Conradi, tunc sedis apostolice prothonotarii, aut alterius cuiuscunque liberam resignacionem in Romana curia vel extra factam, aut per obitum Laurencii Sacks, s. palacii apostolici causarum auditoris sede vacante extra Romanam curiam defuncti, aut quovis alio modo... vacat ..., dignemini misericorditer providere. Non obstantibus, quod idem Johannes in Wratislaviensi ac in ss. Apostolorum Coloniensi ac in s. Servacii Traiectensi ecclesiis canonicatus et prebendas ac parrochialem ecclesiam in Swollis Leodiensis et Traiectensis diocesis, quorum omnium fructus etc. sexaginta marcharum argenti... valorem annuum non excedunt, obtinet ... Fiat ut petitur et dispensamus ad annum O. Fiat O. Datum Florencie pridie kal. Junii a. secundo. R. Suppl. 126 (lib. IX de vacant. per fiat a. secundo), fol. 90—90° - In marg.: H. prothonotarius — Rep. Germ. IV, col. 2518 - Conf. num. 444 442. Electio Nicolai, sacristae monasterii Břevnoviensis prope Pragam, in abbatem eiusdem monasterii aucto- ritate apostolica confirmatur. Florentiae, 1419 Maii 31. D. f. Nicolao, abbati monasterii Brewnoviensis prope Pragam ordinis s. Benedicti, salutem etc. Inter solicitudines varias... Sane dudum monasterio Brewnoviensi prope Pragam ordinis s. Benedicti per obitum quondam Sifridi abbatis, qui extra Romanam curiam decessit, abbatis regimine destituto, dd. ff. conventus dicti monasterii pro celebranda eleccione futuri abbatis eiusdem monasterii vocatis omnibus, qui voluerunt, potuerunt et debuerunt eleccioni huiusmodi commode interesse, die ad eligendum prefixa, ut moris est, convenientes in unum, te, tunc sacristam dicti monasterii ordinem ipsum expresse professum et in sacerdocio constitutum, in eorum et dicti monasterii abbatem concorditer elegerunt, tuque eleccioni huiusmodi illius tibi presentato decreto consensisti ac deinde eam a ven. fr. nostro Conrado, archiepiscopo Pragensi, obtinuisti confirmari. Postremo vero regimine et administracione ipsius monasterii in spiritualibus et temporalibus per te adeptis, tu demum eleccionem et confirmacionem huiusmodi et alia premissa coram nobis in consistorio proponi fecisti, illa petens auctoritate apostolica confirmari,1) tibique fecisti munus benediccionis impendi in hiis omnibus statutis a iure temporibus observatis. Nos igitur eleccionem et confirmacionem ac muneris benediccionis impensionem huiusmodi tueque persone ydoneitatem et merita per. d. f. nostrum Antonium, tit. s. Susanne presbiterum cardinalem, examinari fecimus diligenter et, quia facta nobis per dictum cardinalem super hiis relacione plenaria et fideli eleccionem ipsam invenimus de persona tua ... necnon confirmacionem et muneris benediccionis impensionem predictam fore canonice celebrata, ea et quecunque per te circa regimen et administracionem dicti monasterii rite tamen gesta et administrata de fratrum nostrorum consilio, eciam si provisio dicti monasterii fuerit hac vice disposicioni apostolice reservata, auctoritate apostolica confirmamus... Volumus autem, quod, quamprimum presentes habueris expeditas, fidelitatis debite solitum prestes iuramentum iuxta formam, quam ven. fratribus nostris archiepiscopo Cesariensi et episcopo Nazaratensi sub bulla nostra mittimus interclusam, quibus et eorum cuilibet per alias nostras litteras mandamus, ut a te nostro et Romane ecclesie nomine huiusmodi recipiant iuramentum. Quocirca discrecioni tue per apostolica scripta mandamus, quatenus impositum tibi a domino onus regiminis dicti monasterii suscipiens reverenter, curam et administracionem predictas diligenter geras et solicite prosequaris, quod dictum monasterium per tue laudabile diligencie studium gubernatori provido