50 107. Arrestatio bonorum quondam Nicolai, tit. episcopi Magarensis, spolia communiter nuncupatorum, a Ja- cobo, fructuum et proventuum camerae apostolicae in civitate et dioecesi Olomucensi debitorum subcollectore, facta, quae in proximo festo Nativitatis Christi suis viribus vacuatur, usque ad festum Purificationis b. Mariae virg. proxime secuturum (2. Februarii 1418) prorogatur. Constantiae, 1417 Decembris 12. Ludovicus etc. honorabili viro domino Jacobo, plebano in Antiqua Brunna Olomucensis diocesis, iurium, fructuum, reddituum et proventuum camere apostolice in civitate et diocesi Olomucensi debitorum succollectori, salutem etc. Nuper ad audienciam nostram ... pervenit, quod tu in bonis per quondam dominum Nicolaum, Magarensem titularem episcopum extra Romanam curiam defunctum, relictis, spoliis communiter nuncupatis, tamquam ad cameram apostolicam spectantibus arrestum posuisti ipsaque bona fecisti sub arresto conservari, donec, quid inde faceres, esses debite informatus, quod quidem arrestum in festo Nativitatis Christi proxime futuro suis viribus vacuatur; denique collector in civitate et diocesi predicta ad nostram veniens presenciam nos in premissis duxit consulendos indempnitatique dicte camere peciit provideri. Nos vero... arrestum huiusmodi... a die Nativitatis Christi predicta inantea computando usque ad festum Purificacionis b. Marie virg. extunc proxime secuturum duximus prorogandum ac tenore presen- cium prorogamus, mandantes tibi, si dicto pendente termino heredes dicti quondam episcopi, quibus, si legitimi fuerint, bona sive spolia ipsa assignari non negamus, interesse, quod habere ad bona huiusmodi pretendunt, non allegaverint, bona sive spolia ipsa ad manus dicte camere ponere nosque de hiis, que in premissis feceris, certificare non postponas. In quorum etc. Datum Constancie die XII. mensis Decembris sub anno a Nativitate domini millesimo quadringentesi- mo decimoseptimo, indiccione decima, pontificatus ... Martini ... pape quinti a. primo. Diversa cameralia 4, fol. 12' — Sub textu: (sin.) Visum A. de Fuscis; (dext.) De curia. L. Robring 108. Simon de Nymburk supplicat, ut sibi de canonicatu et praebenda ecclesiae Pragensis cum Andrea Nicolai de Jičín pro canonicatu et praebenda ecclesiae ss. Cosmae et Damiani Boleslaviensis permutatis de novo provideatur. Constantiae, 1417 Decembris 14. B. p. Nuper vacantibus canonicatu et prebenda in maiori ecclesia Pragensi ex causa permutacionis facte per dominum Symonem de Nymburga, decretorum doctorem, cum quodam Andrea Nicolai de Gyczin pro canonicatu et prebenda ecclesie ss. Cozme et Damiani in Antiqua Boleslavia Pragensis diocesis, idem... Symon dictos canonicatum et prebendam dicte Pragensis ecclesie acceptavit et de eisdem per decanum et capitulum ipsius Pragensis ecclesie, prout moris est, sibi obtinuit provideri eorumque possessionem omni- modam sine condicione est assecutus, in qua nunc residet pacifice et quiete. Sed quia timet..., quapropter supplicat ... dictus Symon, quatenus sibi de prefatis canonicatu et prebenda, cuius fructus etc. octo marcharum argenti... valorem annuum non excedunt,... de novo dignemini misericorditer providere. Non obstante archidiaconatu Boleslaviensi in ecclesia Pragensi, quem obtinet, cuius fructus etc. quindecim marcharum argenti... valorem annuum non excedunt... Concessum. Datum Constancie decimonono kal. Januarii a. primo. R. Suppl. 105 (lib. I de vacant. per concessum a. primo), fol. 216 - In marg.: Pennensis - Vide num. 122 109. Nicolaus Zeisselmeistera), decretorum doctor et archidiaconus Horšoviensis) in ecclesia Pragensi, suppli- cat, ut sibi de canonicatu et praebenda ecclesiae Vratislaviensis, per obitum Laurentii Sachse, capellani sedis apostolicae et palatii apostolici causarum auditoris, vacantibus, provideatur. - „Fiat de prebenda ut petitur. Datum Constancie decimonono kal. Januarii a. primo." Constantiae, 1417 Decembris 14.