22 43. Magistro Guillelmo Maligeneri, causarum palatii apostolici auditori, mandatur, ut, si per eventum litis inter Pribikonem de Bor ex una parte et Johannem de Dědibaby ac Nicolaum de Jihlava parte ex altera super scholastria ecclesiae s. Petri Vyšehradensis prope Pragam exortae ipsi constiterit nulli litigantium in ea ius competere, eandem scholastriam praefato Přibikoni conferat. Constantiae, 1417 Novembris 29. D. f. magistro Guillermo Maligeneri, capellano nostro et auditori causarum palacii apostolici, salutem etc. Vite ac morum honestas aliaque... merita, super quibus ... d. f. Przibico de Bor, canonicus ecclesie S. Petri Wissegradensis prope Pragam, ... commendatur..., nos inducunt, ut sibi reddamur ad graciam liberales. Exhibita siquidem nobis nuper pro parte dicti Przibiconis peticio continebat1), quod olim ipso canonicatum et mediam prebendam ss. Cosme et Damiani in Antiqua Boleslavia Pragensis diocesis, in qua quedam integre et alie medie prebende fore noscuntur, ac quondam Petro Zderas scolastriam s. Petri Wissegradensis prope Pragam ecclesiarum obtinentibus ac desiderantibus illos ex certis racionabilibus causis invicem permutare, Przibico canonicatum et mediam prebendam coram certis notario publico et testibus ac Petrus prefati scolastriam predictos in manibus dd. ff. Jacobi decani et capituli dicte ecclesie s. Petri ex causa permutacionis huiusmodi ... resignarunt, iidem decanus et capitulum, cum ad decanum ipsius ecclesie s. Petri pro tempore existentem et huiusmodi capitulum scolastrie predicte resignacionis eciam ex causa predicta recepcio et admissio necnon collacio et provisio de antiqua... consuetudine pertineant,... scolastriam ... dicto Przibiconi... contulerunt et providerunt eciam de eadem. Et deinde orta inter dd. ff. Nicolaum de Iglavia et Johannem Dyedibab, qui se gerunt pro clericis Olomucensis et predicte Pragensis diocesis, super eadem scolastria, quam quilibet ipsorum ad se de iure spectare asserebat, prout adhuc asserit, materia questionis, generale Constanciense concilium apostolica sede tunc vacante causam huiusmodi... quondam Laurencio Sachse ad instanciam dicti Nicolai primo et deinde d. f. magistro Cunczoni de Zwola, sedis apostolice capellanis et causarum palacii apostolici auditoribus, ac subsequenter... tibi ex certis causis audiendam commisit et fine debito terminandam, tuque postmodum ... in huiusmodi causa... ad nonnul- los actus, citra tamen conclusionem, diceris processisse. Cum autem ... a nonnullis asseratur nullum litigancium predictorum in dicta scolastria ius habere et ... scolastria predicta adhuc... vacare noscatur, nos... volentes dicto Przibiconi graciam facere specialem, discrecioni tue per apostolica scripta mandamus, quatenus ... eandem scolastriam, que dignitas, non tamen principalis in eadem ecclesia s. Petri existit cuiusque fructus ... sex marcharum argenti ... valorem annuum ... non excedunt, ... prefato Przibiconi auctoritate nostra conferas et assignes, inducens ..., contradictores ..., non obstantibus ... seu quod dudum ipse Przibico, ut asserit, in canonicum dicte ecclesie s. Petri ordinaria extitit auctoritate receptus... Datum Constancie tercio kal. Decembris a. primo. R. Lat. 194 (Mart. V. a. I.), fol. 149-150' (De exhibitis a. primo) — In fine: Franciscus XXI quintodecimo kal. Junii a. secundo de Agello - 1) Vide num. proxime praecedentem 44. Henningus Hegera), clericus Caminensis dioecesis, supplicat, ut sibi de canonicatu et praebenda ecclesiae s. Georgii in Zscheila) Misnensis dioecesis auctoritate ordinaria ipsi collatis de novo provideatur. — „Conces- sum. Datum Constancie tercio kal. Decembris a. primo. Constantiae, 1417 Novembris 29. R. Suppl. 105 (lib. I de vacant. per concessum a. primo), fol. 80' — In marg.: Jo. episcopus Lubucensis - Eadem supplicatio etiam in R. Suppl. 109, fol. 203-203', sub datis autem „septimo id. Januarii a. primo“ (7. Januarii 1418), registrata invenitur — Rep. Germ. IV, col. 977 - a) ,Hegher in Suppl. 109 - b) ,Czilow‘ in reg. 45. Theodericus de Creuzburg supplicat, ut sibi de praepositura ecclesiae [s. Petri] Budissinensis de novo provideatur. Constantiae, 1417 Novembris 29.