620 Acta concilii Constantiensis Johannem seniorem de Nova Domo barones cum suis complicibus baronibus, militibus [et] mili- taribus regni Boemie et marchionatus Moravie in numero quadringentis et quinquaginta duobus in premissis fuisse et esse publice diffamatos ac eciam de fide suspectos ipsorumque et aliorum in dictis litteris ac eorum sigillis nominatorum1) loca et domicilia tute adiri non posse. Idcirco per hoc publicum edictum in audiencia publica litterarum contradictarum legendum ac in valvis seu portis maioris et s. Stephani Constanciensis necnon Pataviensis et Ratisponensis ac s. Stephani in Wyenna Pataviensis dyocesis ecclesiarum affigendum supranominatos Czenkonem etc. et omnes alios supradictos peremptorie citamus, quatenus ipsi et quilibet ipsorum personaliter in propriis corum personis coram nobis Constancie vel alibi, ubi nos tunc residere contigerit, quinquagesima die ab execucione presencium, modis et forma predictis facta, in loco sessionis publice, si ipsa die sessionem publicam celebrari contigerit, alioquin in proxima extunc sessione publica immediate sequenti compareant ad respondendum in causa fidei certis articulis et presertim articulis per pre- fatum Johannem Huss dogmatisatis ac per nos dampnatis, eandem fidem concernentibus, eis offerendis, et ad videndum ad omnia et singula, prout necessarium fuerit et expedit, procedi contra ipsos utpote de fide suspectos, necnon ad videndum infligi ipsis et eorum cuilibet penas, sentencias et censuras, contra tales ab homine vel a iure promulgatas, ac alias procedi usque ad diffinitivam sentenciam inclusive, prout iusticia swadebit et ordo dictaverit racionis, vel ad dicendum et alle- gandum causas racionabiles, si quas habeant, quare premissa fieri non debeant vel non possint, certificantes nichilominus citatos predictos ac ipsorum singulos, quod, sive comparuerint, sive com- parere neglexerint, in citacionis termino supradicto nichilominus contra ipsos, prout iustum fuerit, ulterius usque ad eandem diffinitivam sentenciam procedetur eorum absencia seu contumacia in aliquo non obstante. Loca vero audiencie et valvarum predictarum tanquam publica et ydonea ad huiusmodi nostram citacionem publicandam ad instar edictorum publicorum, que olim in albo pretoris scribebantur, duximus eligenda, que presentem nostram citacionem suo quasi sonoro preconio et patulo indicio publicabunt, in quibus presentes nostras litteras decrevimus publican- das, ne ipsi prenominati citandi de premissis, quod ad eorum noticiam non pervenerint, aliqualem ignoranciam pretendere valeant aut eciam allegare. Et volumus ac decernimus, quod ipse littere nostre citatorie post eandem citacionem, ut premittitur, faciendam quemlibet dictorum citatorum perinde arceant et astringant, ac si ipsis et eorum cuilibet in propria eius persona intimate ac sufficienter insinuate fuissent, cum non sit verisimile cuiquam eorum fore incognitum, quod tam patenter et sollempniter et presertim in loco generalis concilii extitit omnibus publicatum. Datum Constancie VI. kal. Marcii anno [a Nativitate] domini millesimo quadringentesimo XVI., apostolica sede pastore vacante.3) Copia (pluribus cum erroribus et partibus omissis) in codice manuscripto saec. 15. archivi publici in Třebon sign. Historica 171, pag. 11—14, alia copia in codice manuscripto saec. 15. bibliothecae universitatis Olomucensis sign. M II 91, fol. 1671— 1677, inveniuntur. — Typis excusum aliunde apud Hardt, Magnum occumenicum Constantiense concilium, tom. IV, pag. 839—844. Item aliunde apud Hardouin, Acta conciliorum, tom. VIII, pag. 593—595. Partim typis excusum apud Balbín, Miscellanea historica regni Bohemiae, dec. I, lib. VI, pag. 154—156, num. 89 a) ,Datum Constancie etc.“ in cop. Olom.-1) Vide Novotný, Hus v Kostnici a česká šlechta, pag. 65—71 et 77—99 1094. Abbati monasterii s. Michaelis Lüneburgensisa) et decano b. Mariae Erfordensis Verdensis et Magun- tinae dioecesis ac scholastico Olomucensis ecclesiarum mandatur, ut sententiam, quae in causa inter Ludolphum Bruwel de Lüneburgb) et Johannem de Torgauc), clericum Misnensis dioecesis, super perpetua vicaria in ec- clesia Halberstadensi, cui plebanatus dictae ecclesiae canonice est annexus, exorta in palatio apostolico lata est, executioni demandantes, praefatum Ludolphum in corporalem possessionem eiusdem vicariae cum plebanatu in- ducant. — „Exhibita nobis“ — „Datum Constancie tercio id. Marcii anno a Nativitate domini millesimo quadringentesimo sextodecimo, apostolica sede vacante. Constantiae, 1416 Martii 13.