Johannes XXIII. 493 860. Abbati monasterii s. Ambrosii Pragensis mandatur, ut Johannem priorem et fratres domus ordinis b. Ma- riae de Monte Carmeli in Nova Civitate Pragensi, qui tempore interdicti in civitatem Pragensem propter haere- sim Wiklefistarum pronuntiati missas et alia divina officia publice celebraverunt, ab excommunicationis sententia absolvat et cum iisdem super irregularitate dispenset. Apud s. Antonium extra muros Florentinos, 1413 Septembris 27. D. f. abbati monasterii s. Ambrosii Pragensis salutem etc. Sedes apostolica, pia mater, recur- rentibus ad eam cum humilitate filiis post excessum libenter se propiciam exhibet et benignam. Exhibita siquidem nobis pro parte Johannis prioris et fratrum domus ordinis b. Marie de Monte- carmeli in Nova Civitate Pragensi peticio continebat, quod, cum dudum contra quosdam heretica labe respersos et varias opiniones erroneas per dictam sedem reprobatas ausu sacrilego tenentes et in illis partibus commorantes, qui Wiclefiste vulgariter nuncupantur, tam apostolica quam ordi- naria auctoritatibus nonnulli processus diversas excommunicacionis, suspensionis et interdicti ac alias sentencias, censuras et penas in se continentes emanassent et propterea civitas Pragensis et certa alia loca tunc expressa ecclesiastico interdicto supposita fuissent, prior et fratres predicti propter metum carissimi in Christo filii nostri Wenceslai, regis Bohemie illustris, et officialium suorum, ipsis sub pena perdicionis corporum et rerum id mandancium, compulsi ac eciam tam- quam simplices et iuris ignari eodem durante interdicto missas et alia divina officia in ipsorum ecclesia et alibi, non tamen in contemptum clavium, publice celebrarunt et illis se immiscuerunt, penas et sentencias in dictis processibus, qui eciam exigente iusticia pluries aggravati fuerunt, con- tentas et promulgatas incurrendo. Cum autem, sicut eadem peticio subiungebat, prior et fratres predicti de premissis dolentes ab intimis cupiant deo reconciliari et ad gremium s. Romane ecclesie cum humilitate redire, pro parte eorundem prioris et fratrum asserencium, quod ipsi alias pro eo, quod tamquam obediencie filii similia interdicta observarunt, gravia in bonis dicte domus damna sustinuerunt, nobis fuit humiliter supplicatum, ut ipsos ab huiusmodi sentenciis et penis, quas propter premissa incurrerunt, absolvi mandare et alias eis ac ipsorum statui in premissis providere de benignitate apostolica dignaremur. Nos igitur attendentes, quod sedis prefate clemencia non consuevit penitentibus veniam denegare, huiusmodi supplicacionibus inclinati, discrecioni tue per apostolica scripta mandamus, quatenus prefatos priorem et fratres, si hoc humiliter pecierint, et eorum quemlibet a quibuscunque sentenciis, censuris et penis huiusmodi, quas propter premissa quomodolibet incurrisse noscuntur, auctoritate nostra hac vice dumtaxat absolvas in forma ecclesie consueta, iniunctis inde ipsorum cuilibet pro modo culpe penitencia salutari et aliis, que de iure fuerint iniungenda, ac nichilominus cum eisdem priore et fratribus super irregularitate, quam huius- modi sentenciis, censuris et penis ligati sic celebrando divina vel immiscendo se illis, non tamen in contemptum clavium, contraxerant, eis tamen prius ad tempus, de quo tibi videbitur, a suorum ordinum exercicio suspensis, auctoritate predicta dispenses ipsosque in integrum et statum pristi- num restituas ac aboleas omnem inhabilitatis et infamie maculam sive notam per eos premissorum occasione contractam. Datum apud s. Antonium extra muros Florentinos quinto kal. Octobris a. quarto. R. Lat. 168 (Joh. XXIII. a. IV.), fol. 157—157' (De diversis formis a. quarto) — Supra in marg. dext.: Abso- lucio a sentenciis et aliis penis — In fine: Stephanus XXXX de Prato — Partim editum apud Nováček, O interdiktu v Praze r. 1411, Český časopis historický 9, 1903, pag. 320—321 861. Johanni Scolini de canonicatu et praebenda ecclesiae Vratislaviensis, per obitum Francisci de Benešova), apostolicae sedis notarii, vacantibus, quorum fructus quindecim marcarum argenti valorem annuum non excedunt, motu proprio providetur, non obstante parochiali ecclesia in Boretyb) Pomezaniensis dioecesis, quam obtinet. — „Vite ac morum honestas“ — „Datum apud s. Antonium extra muros Florentinos secundo kal. Octobris a.