426 Johannes XXIII. angimur et assidua meditacione pulsamur, ut opem et operam, quantum nobis ex alto conceditur, impendamus, quod orbis ecclesie et monasteria universa, pastorum regiminibus destituta, per nostre providencie ministerium viris committantur ydoneis, qui sciant, velint et valeant ecclesias et mo- nasteria ipsa eis commissa studiose regere et feliciter gubernare. Dudum siquidem quondam Nicolao, abbate monasterii b. Marie in Arena extra muros Wratislavienses ordinis s. Augustini, regimini eiusdem monasterii presidente, nos ... provisionem ipsius monasterii ordinacioni et disposicioni nostre ea vice duximus specialiter reservandam, decernentes ... Postmodum vero prefato mona- sterio per obitum dicti Nicolai abbatis, qui extra Romanam curiam diem clausit extremum, abbatis regimine destituto, dd. ff. conventus dicti monasterii, reservacionis et decreti predictorum forsan ignari, te, canonicum ipsius monasterii, ordinem ipsum expresse professum et in sacerdocio con- stitutum, in eorum et dicti monasterii abbatem licet de facto concorditer elegerunt, tuque, reser- vacionis et decreti prefatorum eciam inscius, huiusmodi eleccioni illius tibi presentato decreto consensisti similiter de facto, et deinde, reservacione et decreto predictis ad tuam deductis noti- ciam, huiusmodi eleccionis negocium proponi fecisti in consistorio coram nobis. Nos igitur elec- cionem ipsam et omnia inde secuta, utpote post et contra reservacionem et decretum predicta de facto, ut premittitur, attemptata, irrita, prout erant, et inania reputantes et ad provisionem eius- dem monasterii celerem et felicem ..., ne ipsum monasterium longe vacacionis subiaceret incom- modis, paternis et solicitis studiis intendentes, post deliberacionem, quam de preficiendo eidem monasterio personam huiusmodi cum fratribus nostris habuimus diligentem, demum ad te ... direximus oculos nostre mentis, quibus omnibus necnon dictorum conventus te eligencium con- cordi voluntate attenta meditacione pensatis de persona tua... prefato monasterio de eorundem fratrum consilio auctoritate apostolica providemus teque illi preficimus in abbatem ... Datum Rome apud s. Petrum tercio id. Julii a. tercio. Simili modo: dd. ff. conventui monasterii b. Marie in Arena extra muros Wratislavienses ... Datum ut supra. ven. fr. episcopo Wratislaviensi ... Datum ut supra. R. Lat. 162 (Joh. XXIII. a. III.), fol. 248—249' (De provisionibus prelatorum a. tercio) — In fine: Franciscus XVIII VIIII VIIII de Agello — Mentio huius provisionis in libro e codice quodam archivi s. collegii transcripto (Arm. XII, 121 A), fol. 32', legitur. — Rep. Germ. III, col. 185 717. Praeposito ecclesiae Omnium sanctorum in castro Pragensi mandatur, ut Jacobo Nicolai de Dubá, qui post obitum Jacobi de Praga in decanum ecclesiae Vyšehradensis electus est, praefatum decanatum cum canoni- catu et praebenda eidem decanatui annexis auctoritate apostolica conferat. Romae, 1412 Julii 16. D. f. preposito ecclesie Omnium sanctorum in castro Pragensi salutem etc. Dignum arbitra- mur etc. Exhibita siquidem nobis nuper pro parte d. f. Jacobi Nicolai de Duba, canonici Pragensis, peticio continebat, quod olim decanatu ecclesie s. Petri Wissegradensis prope Pragam Romane ecclesie immediate subiecte, cui canonicatus et prebenda ipsius ecclesie canonice sunt annexi, quem quondam Jacobus de Praga, ultimus ipsius ecclesie decanus, dum viveret, obtinebat, per ipsius Jacobi obitum, qui extra Romanam curiam diem clausit extremum, vacante, ven. fr. noster Wenceslaus, patriarcha Anthiocenus, racione prepositure ipsius ecclesie, que principalis dignitas in ipsa ecclesia existit quamque prefatus patriarcha obtinet canonice in commendam, et dd. ff. capitulum eiusdem ecclesie, cum ad prepositum ipsius ecclesie existentem pro tempore et huiusmodi capitulum eleccio decani ipsius ecclesie de antiqua ... consuetudine communiter pertineat, die ad eligendum prefixa, ut moris est, convenientes in unum ac vocatis omnibus, qui dicte eleccioni voluerunt, potuerunt et debuerunt commodo interesse, prefatum Jacobum Nicolai in eorum et ipsius ecclesie decanum per viam compromissi concorditer elegerunt, ipseque Jacobus Nicolai