Johannes XXIII. 319 481. Cum magistro Johanne Hermanni de Kralovice, rectore parochialis ecclesiae in Domažlice Pragensis dioecesis, dispensatur, ut canonicatum et praebendam ecclesiarum Vyšehradensis et Pragensis insimul constitu- tione Urbani V. non obstante retinere possit. Bononiae, 1410 Junii 24. D. f. Johanni Hermanni de Cralowicz, canonico ecclesie s. Petri Wissegradensis prope Pragam, bacallario in decretis, salutem et apostolicam benediccionem. Litterarum sciencia ... Dudum siquidem fe. re. Urbanus papa V., predecessor noster, per suas litteras statuit et eciam ordinavit, ut nullus in maiori et alia seu duabus ecclesiis civitatis et suburbiorum Pragensium canonicatus et prebendas insimul obtinere valeret, nisi forsan huiusmodi canonicatus et prebende alicui digni- tati, personatui vel officio in aliqua earundem ecclesiarum canonice essent uniti, et quod quicunque in una obtinens, in altera ecclesiarum predictarum assequeretur canonicatus et prebendas, illis, quos prius obtinebat, canonicatu et prebenda privatus existeret ipso iure, prout in ipsis litteris plenius continetur.1) Cum autem, sicut exhibita nobis nuper pro parte tua peticio continebat, tu, qui canonicatum et prebendam ecclesie s. Petri Wissegradensis Pragensis ac parrochialem eccle- siam s. Jacobi in Tusta Pragensis diocesis, quorum fructus ... quinquagintaquinque marcharum argenti puri secundum communem extimacionem valorem annuum non excedunt, obtines, in causa inter te et d. f. Jacobum Zihowecz, presbiterum dicte diocesis, super canonicatu et prebenda maioris ecclesie Pragensis orta et coram diversis auditoribus causarum palacii apostolici ex com- missionibus apostolicis diucius ventilata duas, per quas ab impeticione dicti Jacobi absolutus fuisti, sentencias reportaveris et causa appellacionis a secunda dictarum sentenciarum interposite coram certo auditore causarum eiusdem palacii pendeat indecisa, pro parte tua fuit nobis humiliter supplicatum, ut, si et postquam dictos canonicatum et prebendam maioris ecclesie evincere te contingat, quod illos una cum predictis canonicatu et prebenda ecclesie s. Petri retinere valeas, dispensare de benignitate apostolica dignaremur. Nos itaque volentes te, qui presbiter et eciam, ut asseris, magister in artibus existis, ... consideracione carissimi in Christo filii nostri Wenceslai, Romanorum et Bohemie regis illustris, pro te, dilecto confessore suo, nobis super hoc humiliter supplicantis, favore prosequi gracioso, huiusmodi ipsius regis ac tuis in hac parte supplicacionibus inclinati, tecum, ut eciam postquam canonicatum et prebendam maioris ecclesie predictos pacifice assecutus fueris, cum illis eosdem canonicatum et prebendam, quos obtines, ut prefertur, quoad vixeris, retinere libere et licite valeas, statuto et ordinacione predictis ac aliis quibuscunque con- stitucionibus apostolicis ... et aliis contrariis nequaquam obstantibus, apostolica auctoritate tenore presencium dispensamus. Nulli ergo ... Si quis ... Datum Bononie VIII. kal. Julii pontificatus nostri a. primo. X in tergo: X sub plica sin.? in plica: (sin.) Segmeti Rts gratis (dext.) Jo. Stalberg R[egistrata] S. — in marg. inferiore: (med.) G. Weert, Solvit michi Jo. Ernst; (dext.) E. Lupi Litterae originales in pergameno scriptae cum bulla plumbea in filo serico appensa in archivo metropolitani capituli Pragensis sub sign. 706 (XXV I) asservantur. — Relatio harum litterarum in registris Johannis XXIII. non est reperta. — Reg. apud Eršil — Pražák, Archiv praž. metrop. kapituly I, pag. 232, num. 832 — 1) Vide Mon. Boh. Vat. III, pag. 283, num. 493