Johannes XXIII. 343 d. f. Conczo de Zwola, scolasticus ecclesie Olomucensis, decretorum doctor, ... commendatur ..., nos inducunt, ut sibi reddamur ad graciam liberales. Dudum siquidem ſe. re. Alexander papa V., predecessor noster, volens quondam Jodoci, marchionis Brandeburgensis et Moravie, honorare personam, d. f. abbati monasterii in Hradysszt Olomucensis diocesis, eius proprio nomine non expresso, suis dedit litteris in mandatis, quatenus sex personis ydoneis, quas ipse marchio dicto abbati duceret nominandas, singulis videlicet earum de canonicatu ecclesie predicte auctoritate apostolica provideret, faciens ..., necnon totidem prebendas eiusdem ecclesie ... conferendas personis eisdem ... donacioni sue eadem auctoritate reservaret, et nichilominus singulas preben- das huiusmodi, quas reservaret, si, ut premittitur, vacabant vel cum vacarent, singulis personis eisdem ... eadem auctoritate conferret et eciam assignaret. Postmodum vero, sicut exhibita nobis nuper pro parte dicti Cunczonis peticio continebat, canonicatu et prebenda dicte ecclesie, quos quondam Dilaborius (!) de Honczowicz, ipsius ecclesie canonicus, dum viveret, obtinebat, per eiusdem Dilaborii obitum, qui extra Romanam curiam diem clausit extremum, vacantibus, pre- fatus Cunczo, cui dictus abbas vigore earundem litterarum, dicto predecessore tunc in humanis agente, canonicatum eiusdem ecclesie contulerat et de illo eciam providerat ac prebendam eiusdem ecclesie conferendam Cunczoni predicto iuxta formam litterarum reservaret (!), canonicatum et prebendam prefatos sic vacantes post et contra constitucionem nostram, per quam dicto prede- cessore ... sublato de medio inter cetera omnes commissiones seu concessiones super facultatibus seu potestatibus quibusvis personis concessis de reservandis aut conferendis canonicatibus et pre- bendis aut aliis beneficiis ecclesiasticis vacaturis ..., in quibus nondum in re licet ad rem esse (!) alicui ius quesitum, ab eodem predecessore factas, ... eadem auctoritate duximus revocandas, cuius quidem constitucionis ipse Cunczo, ut asserit, tunc erat ignarus, alias infra tempus legitimum acceptavit et de illis sibi provideri fecit licet de facto, necnon pretextu acceptacionis et provisionis predictarum eosdem canonicatum et prebendam assecutus, illos extunc tenuit et possedit, prout tenet et possidet de presenti similiter de facto, nullos tamen fructus percipiens ex eisdem. Cum autem secundum premissa acceptacio et provisio predicte viribus non subsistant constitucione ob- sistente supradicta ..., nos volentes dicto Cunczoni ... graciam facere specialem, discrecioni vestre per apostolica scripta mandamus, quatenus ... canonicatum et prebendam predictos, quo- rum fructus ... decem marcharum argenti puri secundum communem extimacionem valorem annuum ... non excedunt, ... predicto Cunczoni auctoritate nostra conferre et assignare curetis, inducentes ..., contradictores ..., non obstantibus ... seu quod idem Cunczo, ut asserit, scola- striam, que curata existit ac dignitas, non tamen maior post pontificalem sive personatus reputa- tur in Olomucensi predicta, necnon altare sine cura s. Agathe situm in Pragensi, quorum triginta, obtinet et dudum sibi auctoritate predicta de decanatu in s. Petri Wissegradensi prope Pragam, cuius sexaginta, mandatum, necnon de canonicatu et prebenda in Wratislaviensi, quorum viginti marcharum argenti puri fructus ... secundum extimacionem predictam valorem annuum non excedunt, tunc certo modo vacantibus, concessum fuit provideri ac dudum in eadem Olomucensi ecclesiis in canonicum auctoritate ordinaria extitit receptus nosque sibi per alias nostras [litteras) de maioris Pragensis ac eiusdem s. Petri ecclesiarum canonicatibus sub expectacionibus preben- darum providimus necnon de uno vel duobus ... beneficiis ... ecclesiasticis, eciam si ipsum unum vel ipsorum duorum alterum cum cura aut dignitas, personatus vel officium eciam cum cura in metropolitana vel cathedrali vel collegiata ecclesia foret..., vacante vel vacantibus aut vacaturo seu vacaturis, ad episcopi predicti necnon ven. fr. nostri archiepiscopi Pragensis et Olomucensis huiusmodi necnon dd. ff. Pragensis capitulorum ac prepositorum, decanorum, archidiaconorum, scolasticorum, custodum singulorumque canonicorum et personarum maioris et Olomucensis ec- clesiarum predictarum [collacionem] communiter vel divisim pertinente seu pertinentibus, gra- ciose mandavimus provideri ac secum, ut beneficium seu officium cum cura aut dignitatem vel personatum huiusmodi, si sibi earundem aliarum litterarum nostrarum vigore conferrentur, reci- pere et una cum dicta scolastria usque ad septennium retinere valeret, ita tamen, quod ipse Cunczo