240 Gregorius XII. Datum Senis non. Octobris pontificatus nostri a. secundo. Copia in codice manuscripto saec. 15. dicto „Codex Welehradensis“, asservato in archivo publico Brunae sub sign. G III 191, fol. 116v. Relatio harum litterarum in registris Gregorii XII. non est reperta. — Typis excusum in CDM XIV, pag. 45, num. 40 364. Abbati monasterii in Velehrad mandatur, ut causam inter Johannem Lebliconis de Horaždovice, presbyte- rum Pragensis dioecesis, et nonnullos presbyteros et laicos dictae dioecesis super quibusdam pecuniae summis et rebus aliis exortam decidat. Senis, 1408 Octobris 7. D. f. abbati monasterii in Welegrad Olomucensis diocesis salutem et apostolicam benediccio- nem. Conquestus est nobis Johannes Lebliconis de Harawicz, presbiter Pragensis diocesis, quod Andreas in Mirowicz, Hinco in Sedlecz parochialium ecclesiarum rectores, Johannes Randa, Georgius Gyra, Martinus Nagemnyk de Herzman presbiteri, Mauricius Marzik de Ptakowicz et Theodricus Dyetra de Harawicz laici ac Prziba relicta quondam Petri de Werzechow laici vidua dicte diocesis super quibusdam pecuniarum summis et rebus aliis iniuriantur eidem. Cum autem dictus conquerens, sicut asserit, potenciam dictorum iniuriancium merito perhorrescens eos infra civitatem seu diocesim Pragensem nequeat convenire secure, discrecioni tue per apostolica scripta mandamus, quatenus partibus convocatis audias causam et appellacione remota usuris cessantibus debito fine decidas, faciens, quod decreveris, per censuram ecclesiasticam firmiter observari. Testes ... Datum Senis non. Octobris pontificatus nostri a. secundo. Copia in codice manuscripto saec. 15. dicto „Codex Welehradensis“, asservato in archivo publico Brunae sub sign. G III 191, fol. 116v— 117r. Relatio harum litterarum in registris Gregorii XII. non est reperta. — Typis excusum in CDM XIV, pag. 44, num. 39 365. Cum Mathaeo [de] Sternberk de Lukov, rectore parochialis ecclesiae in Holešov Olomucensis dioecesis, dispensatur, ne infra quinquennium proxime secuturum ad sacerdotium se facere promoveri teneatur. Arimini, 1408 Novembris 15. D. f. Matheo Sternberg de Lucaw, canonico Olomucensi, salutem etc. Nobilitas generis ... Exhibita siquidem nobis nuper pro parte tua peticio continebat, quod olim fe. re. Bonifacius papa VIIII., predecessor noster, tecum, ut racione parrochialis ecclesie in Holesaw Olomucensis dio- cesis, quam tunc obtinebas, ad sacerdocium promoveri usque ad quinquennium minime tenere- ris, auctoritate apostolica dispensavit.1) Cum autem ... finis dicti quinquennii, ut asseris, in pro- ximo instare noscatur, pro parte tua fuit nobis humiliter supplicatum, ut quinquennium predictum ad aliud quinquennium prorogare ac alias tibi super hoc oportune providere de speciali gracia dignaremur. Nos igitur volentes te, qui, ut asseris, ex utroque parente de baronum genere pro- creatus et in diaconatus ordine constitutus et predicta parrochiali ecclesia per nonnullos potentes laicos spoliatus existis et studiis litterarum insistere intendis necnon canonicatum et prebendam ac custodiam ecclesie Olomucensis, que quidem custodia simplex officium in dicta ecclesia existit, obtines, favoribus prosequi gracie amplioris, huiusmodi supplicacionibus inclinati, tecum, ut ra- cione dicte parrochialis ecclesie usque ad aliud quinquennium a fine dicti primi quinquennii com- putandum huiusmodi litterarum studiis insistendo ad sacerdocium promoveri minime tenearis nec ad id invitus a quoquam valeas coarctari, constitucionibus apostolicis et aliis contrariis ne-