Gregorius XII. 239 theologiae Jacobo de Belgern, in ministrum provinciae Saxoniae ordinis fratrum Minorum per Innocentium pa- pam VII. instituto, quem, cum ad exercendum officium ministeriatus dictae provinciae a Romana curia recessis- set, nonnulli iniquitatis filii dicti ordinis cum quibusdam suis in hac parte complicibus non absque manuum in eum iniectione ceperunt et captum per diversa loca duxerunt ac diris carceribus manciparunt et diutius iisdem et aliis carceribus hincinde detinuerunt et ideo clandestine detinent, quod certus locus detentionis huiusmodi atque eum capientium et detinentium nomina certa penitus ignorantur, licet apud nonnullos sit suspicio, quod captio, mancipatio et detentio huiusmodi per ipsius Jacobi in eodem officio antecessorem, qui eius culpis et demeritis exigentibus ab ipso officio extitit amotus, fuerint nequiter procuratae. — „Nuper ad apostolatus nostri audi- tum“ — „Datum Senis terciodecimo kal. Octobris a. secundo." Senis, 1408 Septembris 19. R. Lat. 131 (Greg. XII. a. II.), fol. 163—164 (De diversis formis a. secundo) — In fine: A. de mandato Corario Rep. Germ. II, col. 1372 362. Abbati monasterii in Velehrad mandatur, ut causam inter Andream Marquardi de Lhotice, clericum Pra- gensis dioecesis, et nonnullos armigeros et laicos dictae dioecesis super quibusdam pecuniae summis et rebus aliis exortam decidat. Senis, 1408 Octobris 7. D. f. abbati monasterii in Welegrad Olomucensis diocesis salutem et apostolicam benediccio- nem. Conquestus est nobis Andreas Marquardi de Lholticz, clericus Pragensis diocesis, quod Jo- hannes Tluxa, Sdenko Gyrtansky, Stiborius Nasswrk, Albertus Wesel, Busiko Miestienyn, Jarko Popek armigeri, Johannes Jenyss et Johannes Wrtielka laici dicte diocesis super quibusdam pecu- niarum summis et rebus aliis iniuriantur eidem. Cum autem dictus conquerens, sicut asserit, po- tenciam dictorum iniuriancium merito perhorrescens eos infra civitatem seu diocesim Pragensem nequeat convenire secure, discrecioni tue per apostolica scripta mandamus, quatenus partibus con- vocatis audias causam et appellacione remota usuris cessantibus debito fine decidas, faciens, quod decreveris, per censuram ecclesiasticam firmiter observari. Testes ... Datum Senis non. Octobris pontificatus nostri a. secundo. Copia in codice manuscripto saec. 15. dicto „Codex Welehradensis“, asservato in archivo publico Brunae sub sign. G III 191, fol. 111r. Relatio harum litterarum in registris Gregorii XII. non est reperta. — Typis excusum in CDM XIV. pag. 44, num. 38 363. Abbati monasterii in Velehrad mandatur, ut Mathiam Kolář, civem Pragensem, qui Mathiae Ujčík, clerico Pragensis dioecesis, iniuriabatur, excommunicatum publice nuntiet. Senis, 1408 Octobris 7. D. f. abbati monasterii in Welegrad Olomucensis diocesis salutem et apostolicam benediccio- nem. Conquestus est nobis Mathias Uyczyk, clericus Pragensis diocesis, quod Mathias Colarz, civis Pragensis, associatis sibi quibusdam suis in hac parte complicibus ipsum non absque manuum inieccione in eum dei timore postposito ausu sacrilego temere violenta (!) cepit et carceri manci- pavit ac aliquamdiu detinuit eidem carceri mancipatum. Cum autem dictus conquerens, sicut asserit, potenciam dicti iniuriantis merito perhorrescens eum infra civitatem seu diocesim Pragen- sem nequeat convenire secure, discrecioni tue per apostolica scripta mandamus, quatenus, si est ita, dictum sacrilegum tam diu appellacione remota excommunicatum publice nuncies et facias ab omnibus arcius evitari, donec passo iniuriam satisfecerit competenter et cum tuarum testimonio litterarum ad sedem venerit apostolicam absolvendus. Testes ...