286 Alexander V. tificum, predecessorum nostrorum, vestigiis inherentes monasterium Premonstratense Laudunensis diocesis necnon dd. ff. abbates, priores, prepositos, decanos, canonicos, conversos, donatos et dd. in Christo filias abbatissas, priorissas, moniales et conventus monasteriorum et locorum Pre- monstratensis ordinis cum omnibus membris, curtibus, grangiis, domibus, possessionibus et perso- nis degentibus in eisdem necnon bonis mobilibus et immobilibus ac aliis rebus quibuscunque, que tunc possidebant et in futurum dante domino possent iusto titulo adipisci, necnon ecclesias et alia loca ab eisdem monasteriis dependencia ab omni superioritate, dominio, iurisdiccione necnon visitacione quorumcunque patriarcharum, archiepiscoporum, episcoporum et aliorum quorum- cunque iudicum ordinariorum et officialium ecclesiasticorum plenarie cum modificacione infra- scripta per alias nostras litteras exemimus et totaliter liberavimus, ita quod predicti patriarche, archiepiscopi, episcopi, iudices ordinarii et officiales predicti eciam racione delicti aut contractus vel rei, de qua agi contingeret, ubicunque committeretur delictum, iniretur contractus aut res ipsa consisteret, non possent auctoritate ordinaria in abbates, prelatos ... ecclesias et loca predicta, utpote prorsus exempta, excommunicacionis, suspensionis vel interdicti sentencias promulgare aut potestatem, dominium seu iurisdiccionem aliquam exercere, quodque per huiusmodi exemp- cionem et alia supradicta quoad procuraciones in locis seu ecclesiis monasteriorum et membrorum predictorum recipi consuetas et quoad iurisdiccionem omnimodam in eisdem parrochialibus ec- clesiis quantum ad ea, que curam animarum concernerent, eciam si cura huiusmodi per canonicos dicti ordinis exerceri consuevisset, diocesanis locorum seu quibusvis aliis nullum preiudicium gene- retur, prout in ipsis litteris plenius continetur.1) Cum autem, sicut accepimus, nonnulli de modifi- cacione huiusmodi disceptantes diocesanos predictos nedum in canonicos predictorum monaste- riorum seu locorum, qui pro tempore curam exercent et ecclesias seu loca regunt antedicta, racione cure huiusmodi iurisdiccionem, potestatem et dominium habere, verum eciam abbates, priores ... ecclesias et loca predicta quoad certas procuraciones et alia iurisdiccionalia prestanda dicta exemp- cione non obstante ipsis diocesanis subesse pretendant, nos ad omne ambiguitatis dubium tollen- dum in premissis, quod ipsi canonici, qui curam exercebunt et ecclesias seu loca huiusmodi regent pro tempore, diocesanis aut aliis locorum ordinariis huiusmodi quoad exercicium huiusmodi, cure animarum dumtaxat, subesse ac racione earundem ecclesiarum episcopalia iura solvere aliaque ipsarum ecclesiarum onera supportare et respondere teneantur, abbates tamen, priores, prepositos, decanos, alios canonicos, conversos, donatos, abbatissas, priorissas, moniales, conventus, personas, monasteria, prioratus, membra, ecclesias et loca prefata a prestacione procuracionum ac aliorum iurisdiccionalium quorumcunque necnon iurisdiccione, potestate, dominio prefatis liberos et im- munes existere auctoritate apostolica tenore presencium declaramus, decernentes ... Nulli ergo ... Si quis ... Datum Bononie kal. Marcii pontificatus nostri a. primo. Insertum litteris Johannis papae XXIII. ddto. 1411 Januarii I, Bononiae (vide num. 506 huius libri), item tran- sumpto Georgii, abbatis monasterii Weingartensis olim Constantiensis dioecesis, per notarium publicum ad instantiam monasterii Strahoviensis Pragensis anno 1598 die 14. mensis Augusti in praefato monasterio Weingartensi confecto et nunc in archivo publico centrali Pragae sub sign. RP Strahov 281 asservato (pag. 4—6) et litteris Benedicti papac XIV. anno 1753 die 11. mensis Septembris Romae datis, quarum orig. perg. in eodem archivo sub sign. ŘP Strahov 509 invenitur. — Reg. apud Šebánek, Archivy zrušených klášterů moravských a slezských, pag. 235, num. 1130 1) Vide num. 394 433. Archiepiscopo Pragensi mandatur, ut magistro Johanni de Třemošnice, scriptori et familiari papae, custodiam ecclesiae Pragensis, quam tenet Johannes Janko Henrici ad sacerdotium non promotus, conferat. Bononiae, 1410 Martii II. Ven. fr. archiepiscopo Pragensi salutem etc. Grata d. f. magistri Johannis de Tremosnicz, canonici ecclesie Pragensis, scriptoris et familiaris nostri, devocionis et familiaritatis obsequia,