402 Johannes XXIII. rum possessionem non habet, fuit auctoritate apostolica concessum provideri. — „Dignum arbitra- mur“ — „Datum Rome apud s. Petrum octavo kal. Marcii a. secundo. Romae, 1412 Februarii 22. R. Lat. 155 (Joh. XXIII. a. II.), fol. 172'— 173 (De beneficiis vacantibus a. secundo) — In fine: Stephanus XXV de Prato — Rep. Germ. III, col. 127 cum errore in datis (23. Februarii) — a) �Cobilino' in reg. — b) ,Lichtinberg in reg. 681. Cum Nicolao de Moravia, monacho monasterii in Třebič, super irregularitate dispensatur. Romae, 1412 Februarii 26. D. f. Nicolao de Moravia, monacho monasterii in Trebicz ordinis s. Benedicti Olomucensis diocesis, salutem etc. Sincere devocionis affectus ... Exhibita siquidem nobis pro parte tua peti- cio continebat, quod, cum olim tu, qui presbiter es, preposituram in Luha ordinis s. Benedicti Olomucensis diocesis, que a monasterio in Trebicz ordinis et diocesis predictorum, cuius mona- chus eundem ordinem, ut asseris, expresse professus existis, dependet et per ipsius monasterii mo- nachos gubernari consuevit et cuius quidem prepositure ecclesia parrochialis est, de mandato abbatis tunc dicti monasterii gubernares, contigit te quendam infantem multum debilem et ante debitum tempus pariendi editum baptizare debere, tuque non credens neque considerans aquam in fontibus baptismalibus existentem, in quibus dictum infantem baptizare volebas, fore congela- tam, eundem infantem cum benediccionibus in talibus fieri consuetis in ipsam aquam mittendo improvise caput dicti infantis in anteriori parte ad glaciem sive huiusmodi aquam congelatam trusisti, unde quedam rubedo sive macula in ea parte capitis apparuit dictusque infans expost infra triduum aut circiter expiravit. Tuque dubitans, an ex hoc aut propter debilitatem huiusmodi infans ipse decessisset, tanquam simplex et iuris ignarus, nulla eciam super hoc per te dispensa- cione obtenta, non tamen in contemptum clavium, missas et alia divina officia extunc eciam per plures annos publice celebrasti et immiscuisti te illis, ecclesiastica sacramenta parrochianis dicte ecclesie, prout ante facere consueveras, ministrando. Quare pro parte tua asserentis, quod in pre- missis alias culpabilis non extiteris, nobis fuit humiliter supplicatum, ut tibi tuoque statui in hiis oportune providere de benignitate apostolica dignaremur. Nos itaque volentes te ... favoribus prosequi graciosis, huiusmodi supplicacionibus inclinati, tecum favore religionis super irregulari- tate, quam propter premissa quomodolibet incurristi, ut illa non obstante in susceptis ordinibus ministrare libere et licite valeas, auctoritate apostolica tenore presencium dispensamus, et nichilo- minus omnem infamie maculam sive notam per te premissorum occasione contractam penitus abolemus, constitucionibus apostolicis ... et aliis contrariis non obstantibus quibuscunque. Nulli ergo etc. Si quis autem etc. Datum Rome apud s. Petrum quinto kal. Marcii a. secundo. R. Lat. 156 (Joh. XXIII. a. II.), fol. 27'— 28 (De regularibus a. secundo) — In fine: Franciscus pro deo de Agello 682. Cum magistro Gerlaco Buck de Esch, scriptore et familiari papac, cui i. a. de canonicatu sub exspecta- tione praebendae ecclesiae Vratislaviensis provisum nec non de beneficio ecclesiastico cum vel sine cura, ad collationem episcopi Vratislaviensis et praepositi, decani, scholastici, cantoris, custodis, archidiaconi et capituli singulorumque canonicorum et personarum ecclesiae Vratislaviensis praedictae communiter vel divisim pertinente, vacante vel vacaturo, provideri mandatum est, dispensatur, ut decanatum ecclesiae s. Severini Coloniensis et paro- chialem ecclesiam in Groenloa) Monasteriensis dioecesis aut duo alia beneficia invicem incompatibilia, quoad