368 Johannes XXIII. 581. Decanis ecclesiarum Paderbornensis et Vratislaviensis ac Varmiensis motu proprio mandatur, ut magistro Thomae Mas, canonico Vratislaviensi, parochialem ecclesiam s. Nicolai extra muros Vratislavienses, per obi- tum Mathiae [Nicolai] de Birkkretscham (Trześnie) vacantem, conferant. Romae, 141I Octobris 10. Dd. ff. Padeburnensis et Wratislaviensis ac Warmiensis ecclesiarum decanis salutem etc. Grata d. f. magistri Thome Mas, canonici Wratislaviensis, scriptoris et familiaris nostri, familiaritatis et devocionis obsequia, que nobis et apostolice sedi hactenus impendit et adhuc solicitis studiis im- pendere non desistit, ... nos inducunt, ut sibi reddamur ad graciam liberales. Cum itaque, sicut accepimus, parrochialis ecclesia s. Nicolai extra muros Wratislavienses, quam quondam Mathias de Berkenkreschem, ipsius ecclesie rector, dum viveret, obtinebat, per eiusdem Mathie obitum, qui extra Romanam curiam diem clausit extremum, vacaverit et vacet ad presens, nos volentes eidem Thome ... graciam facere specialem, motu proprio ... discrecioni vestre per apostolica scripta mandamus, quatenus ... parrochialem ecclesiam predictam, cuius fructus ... viginti mar- charum argenti secundum communem extimacionem valorem annuum ... non excedunt, sive ut premittitur, sive alias quovismodo ... vacet, eciam si ... ipsa ecclesia disposicioni apostolice spe- cialiter reservata existat et super ea inter aliquos lis ... in palacio apostolico vel alibi pendeat indecisa...., prefato Thome auctoritate nostra conferre et assignare curetis, inducentes ..., con- tradictores ..., non obstantibus ... aut quod nos dudum eidem Thome, ut asseritur, de uno vel duobus ... beneficiis ... ecclesiasticis, ... vacantibus ... seu vacaturis, ad collacionem ... ven. fratrum nostrorum archiepiscopi Pragensis et episcopi Wratislaviensis ac dd. ff. prepositorum, de- canorum, scolasticorum, archidiaconorum, cantorum, custodum et capitulorum singulorumque canonicorum et personarum Pragensis et Wratislaviensis ecclesiarum communiter vel divisim ... pertinentibus, eciam si canonicatus et prebenda ecclesie Pragensis foret, graciose concessimus pro- videri1), quam quidem concessionis graciam quoad beneficium ... huiusmodi, eciam postquam ipse Thomas dictam parrochialem [ecclesiam] vigore presencium fuerit pacifice assecutus, in suo volumus robore permanere, et nichilominus cum eodem Thoma, ut una cum dicta parrochiali ecclesia, eciam si illam presencium vigore assequatur, quodcunque aliud beneficium ecclesiasticum curatum seu alias incompatibile ... recipere et, quoad vixerit, insimul retinere ... libere et licite valeat, ... auctoritate apostolica tenore presencium ... dispensamus, proviso... Nos insuper ... Datum Rome apud s. Petrum sexto id. Octobris a. secundo. R. Lat. 153 (Joh. XXIII. a. II.), fol. 207—208' (De beneficiis vacantibus a. secundo) — Supra in marg. sin.: L. T. de Verona — In fine: Franciscus pro socio de Agello — Aliae litterae huius provisionis cum arenga „Grata tue familiaritatis ...“, sub datis vero „Rome apud s. Petrum terciodecimo kal. Novembris a. secundo“ (20. Octobris 1411), quibus Thomac Mas, „qui eciam litterarum apostolicarum abbreviator“ existit, parochialis ecclesia ss. Dorotheae et Nicolai extra muros Vratislavienses confertur, non obstantibus, „quod thesaurariam Tarbatensem, que in illa sim- plex officium existit, et eiusdem cum media necnon Warmiensis, in quibus maiores, medie et minores sunt prebende, cum maiori et Wratislaviensis cum prebendis canonicatus, quorum omnium fructus ... septuaginta marcharum ar- genti puri secundum extimacionem predictam valorem annuum non excedunt“, obtinet, quarum executores abbas monasterii s. Vincentii extra muros Vratislavienses et decani ecclesiarum s. Severini Coloniensis et s. Crucis Vratisla- viensis deputantur, in R. Lat. 155 (Joh. XXIII. a. II.), fol. 152'— 154 (De beneficiis vacantibus a. secundo), cum no- tis supra in marg. sin. „L. de Arecio“, in fine „Jo. pro socio de Nomays“ registratae, sed cancellatae inveniuntur. In marg. adnotatur: „Cassate de mandato, quia alias habet sub ulteriori data. Stephanus de Prato“. — Rep. Germ. III, col. 353 — 1) Conf. num. 447 582. Nobili viro Henrico Pak, armigero Vratislaviensi, facultas conceditur, ut missam etiam in locis ecclesia- stico interdicto suppositis celebrari sibi facere possit. — „Devocionis“ — „Datum Rome apud s. Petrum sexto id. Octobris a. secundo. Romae, 141I Octobris 10.