Innocentius VII. 143 in fraudem et odium clericorum de bonis eciam et rebus clericorum, que non causa negociacionis, sed pro eorum propriis usibus per eorum terras ducebant seu duci faciebant, thelonium exigere et recipere non verebantur et confugientes ad ecclesias et earum cimiteria inde extrahere contra sancciones imperiales presumpserant, idem Karolus imperator tamquam christianissimus princeps, volens in premissis providere remedio salutari, eciam de principum, ducum, comitum, baronum fideliumque aliorum sacri imperii consilio et auctoritate imperiali quecunque statuta et consuetu- dines predicta tamquam per canonicas et civiles sancciones expresse reprobata cassavit, irritavit et annullavit ac cassa et irrita nulliusque esse roboris penitus voluit et momenti, precipiens sub indignacione imperialis banni universis et singulis principibus et dominis temporalibus, consulibus, potestatibus et aliis in officiis publicis constitutis, quatenus extunc ipsorum statuta et ordinaciones, sicut in preiudicium ecclesiastice libertatis edita fuerant, omnino revocarent et de luce tollerent quodque secundum ea non iudicarent amplius nec sentencias dictarent aut eisdem in iudicio vel extra iudicium quomodolibet pro se et contra ecclesiasticam libertatem potirentur, pronunciavit insuper et eadem imperiali decrevit auctoritate, quod quicunque laicus, cuiuscunque status vel condicionis existeret, ausu sacrilego et proprie temeritatis audacia sacerdotem vel clericum secu- larem aut religiosum diffidaret, proscriberet, captivaret, spoliaret, occideret, mutilaret aut in car- cere detineret ac huiusmodi maleficia perpetrantes scienter receptaret vel favorem eis prestaret, preter penas a sacris canonibus et legalibus sanccionibus ei inflictas eo ipso redderetur infamis ac omni honore privatus nec ad placita vel consilia nobilium admitteretur quovismodo, hortans in- super in domino et requirens prelatos in illis partibus constitutos, ut legem imperialem huiusmodi per eorum ecclesias et synodos publicarent, ne transgressores huiusmodi per simulatam ignoran- ciam suas valerent malicias excusare, prout in edictali lege predicta plenius continetur. Cum autem, sicut exhibita nobis nuper pro parte dd. ff. abbatis et conventus monasterii in Dobrilug Cistercien- sis ordinis Misnensis diocesis peticio continebat, adeo quorundam laicorum et dominorum tempo- ralium civitatis et diocesis Misnensis ac eciam in locis circumvicinis habitancium malicia inoleverit, quod huiusmodi imperiales constituciones transgredi non verentur et ecclesiasticas libertates violare presumunt, pro parte predictorum abbatis et conventus fuit nobis humiliter supplicatum, ut pro- videre ipsis et eidem monasterio super premissis de oportuno remedio dignaremur. Nos igitur vestigiis prefati predecessoris nostri inherentes, huiusmodi supplicacionibus inclinati, discrecioni vestre per apostolica scripta mandamus, quatenus ... constituciones predictas in civitate et diocesi ac locis circumvicinis huiusmodi auctoritate nostra faciatis inviolabiliter observari, transgressores ac violatores et contemptores ac sacrilegos predictos necnon contradictores quoslibet et rebelles per censuram ecclesiasticam etc., invocato ad hoc, si opus fuerit, auxilio brachii secularis. Non obstante ... Datum Rome apud s. Petrum octavo kal. Junii a. secundo. R. Lat. 125 (Innoc. VII. a. II.), fol. 87—88' (De regularibus a. secundo) — In fine: A. XL Aldimarius — Extractum harum litterarum „ex libro primo de regularibus a. secundo, fol. 87“ in codice bibliothecae Vaticanae Vat. lat. 6952, fol. 397, continetur. — Conf. Mon. Boh. Vat. V, pag. 1063, num. 1845, et num. 667 et 763 huius libri 221. Magistro Gerlaco [Buck] de Esch, scriptori et familiari papae, decanatus ecclesiae s. Severini Coloniensis, quem ipse pro canonicatu et praebenda ecclesiae Vratislaviensis permutavit, auctoritate apostolica confertur. Romae, 1406 Maii 26. D. f. magistro Gerlaco de Esch, decano ecclesie s. Severini Coloniensis, scriptori et familiari nostro, salutem etc. Apostolice sedis circumspecta benignitas ... Cum itaque hodie tu canonica- tum et prebendam Wratislaviensis, quos tu, et d. f. noster Angelus, tit. s. Potenciane presbiter cardinalis, preposituram s. Lebuini Daventriensis Traiectensis diocesis, quam ipse ex concessione