422 Johannes XXIII. 715. Episcopo Vesprimiensi et abbatibus monasteriorum Scotorum Viennensis atque in Clara Tumba Pataviensis et Cracoviensis dioecesis mandatur, ut Augustino [Awer] de Nysa, clerico Vratislaviensis dioecesis, debitam satisfactionem de 500 flor. auri, super quibus cum Hanušio, barone baroniae de Lipa, apud sedem apostolicam diutius litigabat, nec non de expensis in hac causa factis impendi faciant. Romae, 1412 Julii 12. Ven. fr. episcopo Vesprimiensi et dd. ff. Scotorum in Wienna ac in Claratumba Pataviensis et Cracoviensis diocesis monasteriorum abbatibus salutem etc. Exhibita nobis pro parte d. f. Augustini de Nisa, clerici Wratislaviensis diocesis, peticio continebat, quod dudum pro parte sua fe. re. Alexandro pape quinto, predecessori nostro, exposito, quod, cum olim d. f. Clemens de Nisa, laicus dicte diocesis, cui d. f. nobilis vir Hannusius, baro baronie de Lippa Pragensis diocesis, pecunie summam usque ad quingentos aureos ex certa causa tunc expressa dare et solvere legitime tenebatur, dictam pecunie summam eidem Augustino donacione, que dicitur inter vivos, donasset et de illa concessionem fecisset legitime ipseque baro predictam pecunie summam prefato Augustino dare et persolvere contra iusticiam recusasset, prefatus Augustinus, qui tunc Prage studebat et scolaris de universitate studii Pragensis existebat, eundem baronem super hoc, petendo ipsum con- dempnari et compelli ad dandum et solvendum sibi huiusmodi pecunie summam, coram quon- dam Blasio, decano ecclesie Omnium sanctorum in castro Pragensi, conservatore universis magistris, doctoribus et scolaribus Prage studentibus et existentibus de universitate predicta contra inferen- tes eis in bonis et rebus ad ipsos spectantibus molestias vel iacturas per litteras sedis apostolice deputato et habente cognoscendi de hiis, que iudicialem requirunt indaginem, summarie, simpli- citer et de plano ac sine strepitu et figura iudicii specialem per easdem litteras potestatem, vigore earundem litterarum fecerat ad iudicium evocari. Sed postquam dictus decanus in causa huius- modi ad nonnullos actus usque ad publicacionem testium, citra tamen conclusionem, inter partes ipsas legitime processerat, predictus baro de facto eundem decanum et quosdam homines censuales ecclesie prefate propter huiusmodi processum nonnullis pecudibus et aliis animalibus atque bestiis necnon pluribus aliis bonis mobilibus et rebus ad decanum ecclesie et homines huiusmodi perti- nentibus manu armata violenter et nequiter spoliaverat ac decano et hominibus predictis pericu- lum corporum et bonorum suorum propterea imminebat, et propter hoc decanus ipse, in eadem causa ulterius procedere non presumens, prefato Augustino dicebat: ,Ego te a iurisdiccione di- mitto, quere tibi iusticiam, ubi poteris, coram iudice competente.' Prefatus predecessor causam huiusmodi d. f. magistro Frederico Deys, capellano sedis predicte et auditori causarum palacii apostolici, ad instanciam dicti Augustini audiendam commisit et fine debito terminandam ... Et deinde dicto predecessore ... vita functo, nos ... omnibus auditoribus causarum dicti palacii commisimus, ut omnes et singulas causas, quas ex commissionibus dicti predecessoris audiebant, in eo statu, in quo tempore obitus dicti predecessoris coram eis remanserant, resumerent illasque ulterius audirent et fine debito terminarent iuxta tenores commissionum factarum eisdem. Et successive dictus auditor ad instanciam magistri Petri Fride, procuratoris Augustini coram eo in iudicio comparentis, d. f. magistrum Hartunghum Molitoris, substitutum per d. f. magistrum Cun- czonem de Zwola, procuratorem baronis predictorum, quociens eundem Cunczonem abesse con- tingeret, prout ad hoc idem Cunczo ab eodem barone sufficiens mandatum habebat et eidem audi- tori legitime constabat, ad dandum et recipiendum libellum in causa huiusmodi per quendam cursorem nostrum eodem Cunczone tunc absente citari fecit ad certum terminum peremptorium competentem. In quo dictus Petrus ... comparens, predicti Hartungi non comparentis contuma- ciam accusavit et in eius contumaciam quendam libellum pro parte sua in huiusmodi causa dedit. Et deinde Petro et Hartungo predictis eodem Cunczone tunc absente coram eodem auditore in iudicio comparentibus et per dictum Petrum de calumnia et de veritate dicenda in ipsius audi- toris presencia prestito iuramento, dicto Hartungo tunc huiusmodi iuramentum prestare non cu- rante, pro parte sua in causa huiusmodi in termino ad hoc prefixo, prefatus auditor ad instanciam