56 Innocentius VII. genere procreatus existit,... favore prosequi gracioso volentes, discrecioni tue per apostolica scripta mandamus, quatenus, si per diligentem examinacionem eundem Bartholomeum... ydoneum ad obtinendum eandem scolastriam, que dignitas, non tamen principalis in eadem eccle- sia existit et cui cura imminet animarum, esse reppereris, ... eundem Bartholomeum ... in iure et ad ius huiusmodi, si quod eidem Nicolao tempore cessionis eiusdem in predicta scolastria, cuius fructus . . . quindecim marcharum argenti puri secundum communem extimacionem va- lorem annuum ... non excedunt, seu ad eam quomodolibet competebat aut competere poterat, auctoritate nostra surroges ..., et nichilominus eandem scolastriam ... eidem Bartholomeo eadem auctoritate nostra conferre et assignare procures, inducens..., contradictores ..., non obstantibus ... Nos enim ... Datum Rome apud s. Petrum secundo non. Februarii a. primo. R. Lat. 123 (Innoc. VII. a. I.), fol. 86'— 87 (De exhibitis a. primo) — In fine: A. XXVI Aldimarius — Rep. Germ. II, col. 1193 80. Praeposito Pratensis et decano s. Aegidii Pragensis ecclesiarum atque officiali Vratislaviensi mandatur, ut sententiam, quae in causa super canonicatu et praebenda ecclesiae Pragensis exorta in palatio apostolico lata est, executioni demandantes, Petrum de Gliwice in corporalem possessionem eiusdem canonicatus et praebendae inducant. Romae, 1405 Februarii 5. Dd. ff. preposito Pratensis Pistoriensis diocesis et decano s. Egidii Pragensis ecclesiarum ac officiali Wratislaviensi salutem etc. Exhibita nobis pro parte d. f. Petri Gliwicz, canonici eccle- sie Pragensis, peticio continebat, quod licet olim ipse canonicatum et prebendam dicte ecclesie, tunc per obitum quondam Jaroslai de Porzessin, ipsius ecclesie canonici extra Romanam curiam defuncti, vacantes, vigore quarundam litterarum apostolicarum graciose sibi concessarum, prout ex ipsarum forma poterat, infra tempus legitimum acceptasset et de illis sibi provisum fuisset canonice, tamen d. f. Marcus Rintgewirt de Grecz Regine, qui se gerit pro clerico Pragensis dioce- sis, falso asserens dictos canonicatum et prebendam ad se spectare ac gracie, acceptacioni et provi- sioni huiusmodi contra iusticiam se opponens, impedivit, prout impedit, ac fecit et facit, quominus gracia... predicte debitum sortite fuerint et sorciantur effectum, ipsosque canonicatum et pre- bendam occupavit et detinuit, prout detinet, indebite occupatos fructus percipiens ex eisdem. Ortaque propterea inter Petrum et Marcum predictos super dictis canonicatu et prebenda et eorum occasione materia questionis, fe. re. Bonifacius papa VIIII., predecessor noster, causam huiusmodi... d. f. magistro Ade Usk, capellano sedis apostolice et causarum palacii apostolici auditori, ad instanciam dicti Petri audiendam commisit et fine debito terminandam cum potestate [citandi] dictum Marcum extra eandem curiam et ad partes, quociens opus esset. Idemque auditor ad instanciam dicti Petri coram eo in iudicio comparentis eundem Marcum per suas certi tenoris litteras citari fecit ad partes, ut coram eo in certo peremptorio competenti termino tunc expresso cum omnibus actisa), iuribus et munimentis suis causam huiusmodi contingentibus in dicto palacio compareretb), processurus in causa huiusmodi ad singulos actus necessarios usque ad diffinitivam sentenciam inclusive, prout existeret racionis. In [quo] d. f. magister Wilhelmus Leo, procurator dicti Petri,... comparens et de citacione huiusmodi eidem auditori fidem faciens per legitima documenta dicti Marci non comparentis contumaciam accusavit. Idemque auditor ad eiusdem Wilhelmi instanciam predictum Marcum ad dandum et recipiendum libellum et ad prestandum et per alteram partem prestari videndum iuramentum de calumpnia et de veritate dicenda necnon ad dandum et per alteram partem dari videndum posiciones et articulos, si quos dare vellent in causa huiusmodi, in audiencia publica, ut est moris, successive citari fecit ad certos terminos peremptorios competentes. In quibus dictus Wilhelmus... comparens, predicti Marci non com-