476 Johannes XXIII. 826. Kunšoni de Zvole, causarum palatii apostolici auditori, mandatur, ut cessionem iuris ad parochialem ec- clesiam in Wormditt (Orneta) Varmiensis dioecesis ab Alberto Labraw recipiat et ad idem ius Georgium de Friedland (Mieroszów), canonicum ecclesiae s. Crucis Opoliensis, surroget. Romae, 1413 Maii 26. D. f. Cunczoni de Zwola, capellano nostro et causarum palacii apostolici auditori, salute etc. Vite ac morum honestas aliaque ... merita, super quibus ... d. f. Georgius Fredelant, cano nicus ecclesie s. Crucis Opoliensis Wratislaviensis diocesis, ... commendatur ..., nos inducunt, ut sibi reddamur ad graciam liberales. Dudum siquidem, cum Georgius predictus altare Corporis Christi situm in ecclesia Wratislaviensi et quondam Maternus Papaw parrochialem ecclesiam in Wormedith Warmiensis diocesis, que obtinebant, desiderarent, ut asserebatur, ex certis raciona- bilibus causis invicem permutare, nos ven. fr. nostro Johanni, episcopo Ostiensi, s. Romane ecclesie vicecancellario, nostris dedimus litteris in mandatis, ut a Georgio altaris et Materno prefatis ... parrochialis ecclesie predictorum resignaciones huiusmodi... auctoritate nostra ea vice dumtaxat reciperet et admitteret, ipsisque per eum receptis et admissis parrochialem ecclesiam Georgio et altare predicta ... Materno prefatis eadem auctoritate conferre et assignare curaret, prout in dictis litteris plenius continetur.1) Et deinde, sicut exhibita nobis nuper pro parte dicti Georgii peticio continebat, cum idem Georgius procuratorio nomine prefati Materni, prout ad hoc ab eo sufficiens mandatum habebat, credens eundem Maternum, qui interim extra Romanam curiam decesserat, adhuc agere in humanis, parrochialem ecclesiam et pro se ipso altare predicta in manibus prefati episcopi apud sedem apostolicam ex causa permutacionis huiusmodi resignasset, idem episcopus, similiter credens dictum Maternum vite superstitem fore, resignacionibus huiusmodi per eum apud sedem eandem ipsarum litterarum pretextu ex causa predicta admissis, Georgio parrochialem ecclesiam et Materno prefatis altare predicta ... contulit et de illis eciam providit. Ortaque post- modum inter Georgium predictum et d. f. Albertum Labraw, qui se gerit pro clerico Sambiensis diocesis, super eadem parrochiali ecclesia, quam Georgius pretextu collacionis et provisionis pre- dictarum sibi, ut premittitur, factarum necnon Albertus prefati, quilibet videlicet eorum ad se de iure spectare asserebat, prout asserit, materia questionis et causa huiusmodi ad sedem aposto- licam legitime introducta, nos causam ipsam tibi ad instanciam dicti Georgii audiendam commi- simus et fine debito terminandam, tuque in causa huiusmodi usque ad conclusionem inclusive diceris processisse. Cum autem, sicut accepimus, lite huiusmodi sic indecisa pendente dictus Alber- tus, in possessione ipsius parrochialis ecclesie existens, eisdem liti et cause ac omni iuri, si quod sibi in dicta parrochiali ecclesia seu ad eam quomodolibet competit aut competere potest, sponte et libere cedere proponat, nos eidem Georgio, ne novus ei in huiusmodi causa adversarius surro- getur, providere sibique... specialem graciam facere volentes, discrecioni tue per apostolica scripta mandamus, quatenus ab eodem Alberto ... cessionem predictam ... auctoritate nostra hac vice dumtaxat recipias et admittas eaque per te recepta et admissa prefatum Georgium ... in iure et ad ius huiusmodi... auctoritate predicta surroges ..., et nichilominus dictam parro- chialem ecclesiam, cuius fructus ... quindecim marcharum argenti secundum communem ex- timacionem valorem annuum ... non excedunt, ... eidem Georgio auctoritate nostra conferas et assignes, inducens ..., contradictores ..., non obstantibus ... seu quod idem Georgius, ut asserit, s. Crucis predicte et s. Sepulchri dominici Legnicensis Wratislaviensis diocesis ecclesiarum canonicatus et prebendas ac altare predictum, quod sine cura est et quorum omnium fructus ... viginti marcharum argenti puri secundum extimacionem predictam valorem annuum non exce- dunt, canonice obtinet et nos dudum sibi de beneficio ecclesiastico cum cura vel sine cura, ad col- lacionem ... ven. fr. nostri episcopi Warmiensis necnon dd. ff. prepositi, decani, cantoris, custodis et capituli singulorumque canonicorum et personarum ecclesie Warmiensis communiter vel divisim pertinente, vacante vel vacaturo, per alias nostras litteras graciose mandavimus provideri. Volu- mus autem, quod, quamprimum dictus Georgius ... eandem parrochialem ecclesiam fuerit pa-