138 Innocentius VII. Archiepiscopo Pragensi mandat [Innocentius VII.], quod veris expositis per Petrum Smele- zer et Catherinam, eius coniugem, cives Maioris Civitatis Pragensis, auctoritate apostolica lar- giatur licentiam construendi et dotandi quandam cappellam sub vocabulo ss. Hieronymi et Lud- millae pro habitatoribus villae Herendorf Pragensis diocesis intra fines parrochialis ecclesiae in Duchmentz (!) cum reservatione iuris patronatus et presentandi predictis suisque haeredibus et successoribus in perpetuum etc. Datum Romae apud s. Petrum non. Aprilis a. 2. Istud extractum „ex libro primo de diversis formis a. secundo, fol. 82“ in codice bibliothecae Vaticanac Vat. lat. 6952, fol. 401—401', continetur. 213. Zbynkoni, archiepiscopo Pragensi, mandatur, ut, si per eventum litis inter Johannem Petri, Venceslaum Huska et Crucem de Uherský Brod super parochiali ecclesia in Pozořice Olomucensis dioecesis ipsi constiterit nulli litigantium in ea ius competere, eandem ecclesiam praefato Johanni conferat. Romae, 1406 Aprilis 6. Ven. fr. Sbinkoni, archiepiscopo Pragensi, salutem etc. Dignum etc. Exhibita siquidem nobis nuper pro parte d. f. Johannis Petri, clerici Pragensis, peticio continebat, quod orta dudum inter ipsum ex una parte et dd. ff. Wenceslaum Huska necnon Crucem de Brodaungaricali, qui se ge- runt pro clericis Olomucensis diocesis, super parrochiali ecclesia in Pozoricz dicte diocesis, ad quam, tunc per obitum quondam Smilonis de Wiczaw, ipsius ecclesie rectoris apud sedem apo- stolicam defuncti, vacantem, Johannes se per d. f. nobilem virum Jodocum, marchionem Moravie, verum patronum ipsius ecclesie et existentem in pacifica possessione vel quasi iuris presentandi rectorem ad eandem ecclesiam1), Wenceslaus vero per quosdam, quos ipse, et Crux prefati eciam per certos alios, quos similiter ipse veros patronos dicte ecclesie et in simili possessione existere asserebant, prout asserunt, ad ecclesiam eandem sic vacantem ven. nostro fr. Laczkoni, episcopo Olomucensi, infra tempus legitimum presentatos fuisse canonice, et quolibet eorum presentacio- nem huiusmodi de se factam canonicam fore pronunciari ac se in rectorem dicte ecclesie institui et aliis presentatis huiusmodi super eadem ecclesia perpetuum silencium imponi petente, coram d. f. Wilhelmo Cortelonghe, officiali Olomucensi, non ex delegacione apostolica, materia questionis, idem officialis in causa huiusmodi procedens, diffinitivam, per quam prefatum Wenceslaum in rectorem dicte ecclesie instituit et super ea Johanni et Cruci predictis perpetuum silencium im- posuit, sentenciam promulgavit, a qua pro parte dicti Johannis duntaxat ad curiam archiepisco- palem Pragensem loci metropolitani fuit appellatum, tuque in causa huiusmodi ad nonnullos actus, citra tamen conclusionem, inter partes ipsas diceris processisse. Cum autem ... a nonnullis asseratur neutri litigancium predictorum in ipsa ecclesia seu ad eam ius competere, nos statum cause huiusmodi habentes presentibus pro expresso ac volentes eundem Johannem ... favore prosequi gracioso, fraternitati tue per apostolica scripta mandamus, quatenus, si per eventum litis huiusmodi tibi constiterit neutrum litigancium predictorum in ipsa ecclesia seu ad eam ius habere et per diligentem examinacionem dictum Johannem ... ad obtinendum dictam ecclesiam ydo- neum esse reppereris, ... ecclesiam predictam, cuius fructus ... sedecim marcharum argenti puri secundum communem extimacionem valorem annuum ... non excedunt, ... prefato Johanni auctoritate nostra conferas et assignes, inducens ..., contradictores ..., non obstantibus ... Nos enim . . . Datum Rome apud s. Petrum octavo id. Aprilis a. secundo. R. Lat. 124 (Innoc. VII. a. II.), fol. 2—2' (De exhibitis a. secundo) — In fine: A. XXII Aldimarius 1) Conf. litteras die 18. Martii 1402 Olomucii emanatas, per quas marchio Jodocus villas suas Pozořice, Sivice et Kova- lovice cum omnibus hominibus, bonis atque iure patronatus ecclesiae in Pozořice baroni Petro de Kravaře donavit (CDM XV, pag. 362, num. 417).