Johannes XXIII. 369 R. Lat. 159 (Joh. XXIII. a. II.), fol. 193 (De locis interdictis a. secundo) — In marg. sin.: L. de Arecio — In fine: Stephanus X de Prato — Rep. Germ. III, col. 161 583. Parochialis ecclesia in Siciny Vratislaviensis dioecesis monasterio in Lubiąż incorporatur. Romae, 141I Octobris 13. Ad perpetuam rei memoriam. Digna exaudicione vota personarum humilium maxime divinis laudibus sacre quoque religionis observancie deditarum apostolico nos convenit favore prosequi et ipsorum necessitatibus provisionis occurrere gracia congruentis. Exhibita siquidem nobis nuper pro parte dd. ff. abbatis et conventus monasterii in Lubens Cisterciensis ordinis Wratislaviensis diocesis peticio continebat, quod ipsum monasterium propter multa et varia necnon inevitabilia dampna, que retroactis temporibus aliquamdiu passum extitit, adeo debitorum oneribus oppres- sum existit, quod, nisi de alicuius subvencionis auxilio provideat[ur] eidem, desolacioni irrecupe- rabili verisimiliter subiacebit ipsique abbas et conventus hospitalitatem solitam deinceps tenere necnon alia ipsis a dicto monasterio incumbencia onera supportare nequibunt. Quare pro parte dictorum abbatis et conventus nobis fuit humiliter supplicatum, ut in relevamen onerum predicto- rum parrochialem ecclesiam de Cicz dicte diocesis, que de ipsorum iure patronatus existit et cuius undecim, prefato monasterio, cuius ducentarum marcharum argenti fructus ... secundum com- munem extimacionem valorem annuum ... non excedunt, imperpetuum incorporare, annectere et unire de benignitate apostolica dignaremur. Nos igitur eisdem abbati et conventui paterno compacientes affectu ipsisque de alicuius subvencionis auxilio providere volentes et huiusmodi supplicacionibus inclinati, ecclesiam predictam ... eidem monasterio auctoritate apostolica im- perpetuum incorporamus, annectimus et unimus, ita quod cedente vel decedente rectore ipsius ecclesie, qui nunc est, vel eandem ecclesiam alias quomodolibet dimittente, liceat abbati et conven- tui prefatis per se vel alium seu alios ecclesie et pertinenciarum predictarum corporalem posses- sionem auctoritate propria libere apprehendere ac perpetuo retinere necnon ipsius fructus ... prefatos in supportacionem onerum predictorum et alias in proprios usus convertere et eciam de- putare, diocesani loci et alterius cuiuscunque super hoc licencia minime requisita, reservata tamen de ipsis fructibus ... ecclesie prefate pro perpetuo vicario inibi instituendo, qui secularis presbiter existat, porcione congrua, de qua ipse vicarius decenter sustentari, episcopalia iura solvere et alia sibi incumbencia onera valeat congrue supportare, non obstantibus constitucionibus et ordinacio- nibus apostolicis ... ac aliis contrariis quibuscunque ... Nos enim ... Nulli ergo etc. Si quis etc. Datum Rome apud s. Petrum tercio id. Octobris a. secundo. R. Lat. 157 (Joh. XXIII. a. II.), fol. 265—265' (De diversis formis a. secundo) — In fine: Jo. XL de Nomays — Extractum harum litterarum in codice bibliothecae Vaticanae Vat. lat. 6952, fol. 447, continetur. — Rep. Germ. III, col. 263 584. Officiali Vratislaviensi mandatur, ut Johannem Schucz ad omne ius, quod Materno Wasserfurer in de- canatu ecclesiae s. Crucis Opoliensis tempore sui obitus competebat, surroget. Romae, 1411 Octobris 18. D. f. officiali Wratislaviensi salutem etc. Vite ac morum honestas aliaque ... merita, super quibus ... d. f. Johannes Schucz, canonicus ecclesie s. Nicolai in Othmuchow Wratislaviensis diocesis, ... commendatur ..., nos inducunt, ut sibi reddamur ad graciam liberales. Exhibita siquidem nobis pro parte dicti Johannis peticio continebat, quod orta dudum inter ipsum et quon- dam Maternum Wasserfurer presbiterum super decanatu ecclesie s. Crucis Opoliensis dicte dioce- sis, quem, tunc per obitum quondam Mathie Strowicz, ipsius ecclesie decani extra Romanam