Innocentius VII. 79 et florenorum summa pro dictis expensis ... plenam et debitam satisfaccionem impendi. Et in- super ad execucionem presencium eciam contra intrusos et intrudendos huiusmodi perinde, quoad possessionem dumtaxat dicti altaris prefato Jacobo tradendam, eadem auctoritate procedatis, ac si sentencia ipsa contra eos lata foret, et nichilominus legitimis per vos super hiis habendis servatis processibus eos, quociens expedierit, aggravare curetis. Contradictores . .. Non obstante... Datum Rome apud s. Petrum octavo kal. Maii a. primo. R. Lat. 120 (Innoc. VII. a. I.), fol. 90—91 (De diversis formis a. primo) — In fine: N. XXX abbas Schafati 119. Ordinationes et dispositiones a Ruperto, duce Silesiae, ad exaltationem ecclesiae s. Sepulcri dominici Legnicensis factae et a Venceslao, episcopo Vratislaviensi, approbatae confirmantur. Romae, 1405 Aprilis 29. Ad futuram rei memoriam. Iis, que pro ecclesiarum et ecclesiasticarum personarum statu prospero et tranquillo provide facta sunt, ut illibata consistant, libenter, cum a nobis petitur, adii- cimus apostolici roboris firmitatem. Exhibita siquidem nobis nuper pro parte d. f. nobilis viri Ruperti, ducis Slezie, peticio continebat, quod olim ipse ad exaltacionem ecclesie s. Sepulchri dominici in Legnicz Wratislaviensis diocesis, cuius idem dux cum parentibus suis fundator existit, nonnulla utilia in eadem ecclesia de consilio dd. ff. capituli eiusdem ecclesie, que collegiata et par- rochialis fore dinoscitur, necnon de consensu universorum perpetuorum beneficiatorum, mansiona- riorum nuncupatorum, in eadem ecclesia, ipsos beneficiatos specialiter concernencia, ordinavit, videlicet, quod quocienscunque curatum beneficium in dicta ecclesia, per unum ex huiusmodi beneficiatis, plebanum nuncupatum, gubernari consuetum, vacare contigerit, iidem beneficiati, mansionarii nuncupati, unum ydoneum presbiterum ex se ipsis pro cura animarum parrochia- norum ipsius ecclesie fideliter exercenda et parrochianis eisdem ecclesiasticis sacramentis minis- trandis episcopo Wratislaviensi pro tempore existenti presentandum, cui exercicium cure huius- modi per eundem episcopum committetur, eligere teneantur atque possint, et quedam alia raciona- bilia circa percepcionem quorundam bonorum et reddituum dicte ecclesie disposuit, per ven. fr. nostrum Wenceslaum, episcopum Wratislaviensem, auctoritate ordinaria postmodum confirmata, prout in auctenticis litteris inde confectis, eiusdem Wenceslai episcopi sigillo munitis, quarum te- norem de verbo ad verbum presentibus inseri fecimus, plenius continetur. Quare pro parte prefati ducis nobis fuit humiliter supplicatum, ut ordinacioni et disposicioni huiusmodi ac omnibus aliis et singulis contentis in dictis litteris robur apostolice confirmacionis adiicere de benignitate aposto- lica dignaremur. Nos igitur huiusmodi supplicacionibus inclinati, ordinacionem et disposicionem predictas ac omnia alia et singula in dictis contenta litteris auctoritate apostolica ex certa sciencia confirmamus et presentis scripti patrocinio communimus, supplentes omnes et singulos defectus, si qui forsan intervenerint in premissis. Tenor vero dictarum litterarum talis est: In nomine domini amen. Wenceslaus, dei gracia episcopus Wratislaviensis, ad perpetuam rei memoriam. Ex iniuncto nobis cure officio pastoralis inducimur, ut divini gloria cultus incre- mentis et commodis proficiat assiduis et perpetui stabilitate roboris confirmetur. Eapropter ad universorum claram conamur producere noticiam per presentes, quod cum illustris et magnificus princeps dominus Rupertus, dux Slezie et Legnicensis, inter cetera pietatis opera, que circa eccle- siam collegiatam s. Sepulchri dominici, sub castro Legnicz constitutam, exaltandam, cuius ipse cum parentibus suis fundator esse dinoscitur, dilatator atque defensor, devotis pariter et sollicitis per- egit et adhuc frequentibus peragere studiis non desistit, eciam sue aciem contemplacionis ad curam animarum seu curatum beneficium ab olim in ipsa ecclesia per plebanum seu curatum presbiterum gubernari solitum, qui presbiter plebi predicte ecclesie parrochiano iure subiecte ecclesiastica ministrare consuevit sacramenta, ut ipsa inantea laudabilius cura administretur