Johannes XXIII. 297 Simili modo dd. ff. preposito b. Marie Alberegalis Vesprimiensis diocesis et scolastico Olo- mucensis ecclesiarum ac archidiacono de Colus in ecclesia Transilvanensi ... Datum ut supra. R. Lat. 141 (Joh. XXIII. a. I., III., V.), fol. 174'— 176' (De diversis formis a. primo) — Supra in marg. sin.: F. de Montepoliciano — In fine: Stephanus de mandato de Prato — 1) Vide num. proxime praccedentem 445. Eidem litterae provisionis de canonicatibus sub exspectatione praebendarum in ecclesiis Misnensi, Olo- mucensi et Vyšehradensi motu proprio supplentur. Bononiae, 1410 Maii 25. D. f. Johanni de Usk, canonico Misnensi, salutem etc. Vite ac morum honestas ... Hodie siquidem tibi per alias nostras litteras de Misnensis, Olomucensis et s. Petri Wissegradensis prope Pragam ecclesiarum canonicatibus sub expectacionibus prebendarum graciose duximus providen- dum certis tibi super hoc executoribus deputatis, prout in eisdem litteris plenius continetur.1) Cum autem, sicut accepimus, in ecclesia Misnensi maiores et minores prebende fore noscuntur ac iuxta ipsius ecclesie Misnensis consuetudines et statuta nullus inibi maiorem prebendam assequi valeat, nisi de minori prebenda ad maiorem prebendam huiusmodi gradatim ascendat, ac in Olo- mucensi et Wissegradensi ecclesiis predictis iuxta earum consuetudines pinguiores prebende in eisdem per seniores canonicos earundem Olomucensis et s. Petri ecclesiarum aliis ipsarum eccle- siarum prebendis prebendatos iuxta sue recepcionis ordinem in ipsis ecclesiis optare consueverint, de quibus in ipsis litteris non extitit mencio facta, nos volentes te ... favoribus prosequi gracio- sis, motu proprio ... volumus et apostolica tibi auctoritate concedimus, quod tam dictarum quam presencium litterarum vigore in Misnensi maiorem et in Olomucensi et Wissegradensi ecclesiis ipsis prebendas huiusmodi, cum vacaverint, acceptare valeas dictique executores ac per eos forte per processus consuetos super dictis nostris litteris fulminandos aut decernendos specialiter vel generaliter subdelegandi, eciam presentibus nostris litteris non receptis nec aliis processibus super hiis decretis vel fulminatis, de illis tibi providere libere et licite possint et debeant, ac si de statutis et consuetudinibus huiusmodi in eisdem litteris specialis et expressa mencio facta foret. Non obstan- tibus statutis et consuetudinibus huiusmodi... ac illis omnibus, que in ipsis litteris voluimus non obstare. Nulli ergo etc. Si quis etc. Datum Bononie octavo kal. Junii a. primo. R. Lat. 141 (Joh. XXIII. a. I., III., V.), fol. 173—173' (De diversis formis a. primo) — Supra in marg. sin.: F. de Montepoliciano — In fine: Stephanus de mandato de Prato — Rep. Germ. III, col. 251 — 1) Relatio harum litterarum in registris Johannis XXIII. in archivo Vaticano asservatis non est reperta. Conf. etiam num. 601. 446. Oddoni, tit. s. Georgii ad Velum aureum diacono cardinali, provisio apostolica de parochiali ecclesia in Wiązów Vratislaviensis dioecesis, quam cum Theophilo de Opole pro archidiaconatu ecclesiae s. Sepulcri dominici Legnicensis permutavit, confirmatur. Bononiae, 1410 Maii 25. D. f. Oddoni, s. Georgii ad Velum aureum diacono cardinali, salutem etc. Racioni congruit etc. Dudum siquidem, cum tu per te ipsum archidiaconatum ecclesie s. Sepulcri dominici Legni- censis Wratislaviensis diocesis, quem ex concessione et dispensacione sedis apostolice, et d. f. T[h]eophilus de Opul per d. f. magistrum Jeronimum Zydenberg, canonicum Wratislaviensem, referendarium nostrum, procuratorem suum ad hoc ab eo specialiter constitutum, parrochialem ecclesiam in Wansow dicte diocesis, quam ipse Theophilus tunc obtinebatis, desiderantes illos ex certis racionabilibus causis invicem permutare, in manibus ven. fr. nostri Johannis, episcopi Ostiensis, s. Romane ecclesie vicecancellarii, ex causa permutacionis huiusmodi apud sedem aposto- licam libere resignavissetis, idemque episcopus resignaciones huiusmodi de speciali mandato fe.